عايز اسقط موتور لمتسوبيشى جالانت؟؟!!

[emptty]

انا عربيتى متسوبيشى جالانت مو 79 1600 سىسى 89 حصان دفع خلفى
العربية بتجيب معايا 120-140 اخرها اوى دة لو نازل نزلة كوبرى ولا حاجة مع العلم ان الموتور عايز طقم شامبر
المهم تنصحونى بئية
1-اعمل عمرة كاملة للموتور ودى احتمال تدخل فى 1500-2000 او اكتر مش عارف
2-ولا اسقط مكنة بالفتيس بتاعها بكل حاجتها مع العلم ان الحوض عندى واسع ممكن يشيل لغاية 3000 سىسى بس النقطة الرخمة هنا ان عربيتى دفع خلفى وكدة لازم اسقط موتور متسوبيشى دفع خلفى
حد عندة فكرة عن المواتير اللى تنفع اركبها عندى وتعمل كام بالتركيب بتاعها ؟؟؟!!

[ahmedbasto]

ممكن تشوف مواتير الfto دى اللى تنفع معاك

[powerofhelll]

في المكنه 2400

[Ralliart]

لو الشاسيه حالته كويسه ممكن يشيل المكنه الـ2400 وهتبقى طياره طبعاً مع تعديل العفشه والفرامل
وممكن الـ4g63 الـ2000 سي سي اللي كان نازل في الجالانت 91 يتركب خلفي
وعلشان تعرف اكتر ممكن تروح عند عادل وجدي في الحرفيين وهما يعرفوك تسقط ايه

[1.8Tee]

مع احترامى لكل الكلام اللى فوق وعشان نبقى واقعيين كل المواتير اللى فوق صعب انها تبقى اختيارللعربية دى....

لو يهمك الأداء و المواتير اللى موجودة دفع امامى وانت عاوز ميتسوبيشى, ولو فى امكانية البيع...بيع الجالنت و أشترى بطة أو كريستالة.

و حتى لو فرضنا الكلام دة ينفع, هيبقى وقت, مجهود, و فلوس كتير أوى.

[Ralliart]

مع احترامى لكل الكلام اللى فوق وعشان نبقى واقعيين كل المواتير اللى فوق صعب انها تبقى اختيارللعربية دى....

لو يهمك الأداء و المواتير اللى موجودة دفع امامى وانت عاوز ميتسوبيشى, ولو فى امكانية البيع...بيع الجالنت و أشترى بطة أو كريستالة.

و حتى لو فرضنا الكلام دة ينفع, هيبقى وقت, مجهود, و فلوس كتير أوى.

هو ينفع بس هيتصرف مبلغ قريب من تمن العربيه ،وليه لأ لو العربيه حالتها شاذه والفلوس موجوده
لكن لو العربيه حالتها مش كويسه او مفيش نيه لصرف مبلغ محترم عليها يبقى فعلاً الحل انها تتباع ويجيب واحده احدث
انا عارف واحد عنده عربيه 79 زيها بس فابريكا والصالون بتاعها زي ما طلعت من المصنع ولو العربيه دي معايا مش هتردد لحظه في تسقيط موتور محترم

[emptty]

ممكن تشوف مواتير الfto دى اللى تنفع معاك

مشكور ياباشا على الرد وحمعل سيرش على مواتير ال fto دى عشان بصراحة مش عارفها

لو الشاسيه حالته كويسه ممكن يشيل المكنه الـ2400 وهتبقى طياره طبعاً مع تعديل العفشه والفرامل
وممكن الـ4g63 الـ2000 سي سي اللي كان نازل في الجالانت 91 يتركب خلفي
وعلشان تعرف اكتر ممكن تروح عند عادل وجدي في الحرفيين وهما يعرفوك تسقط ايه

هو الشاسية حالتة تمام وفابريكة جوة بالكامل والحوض عندى واسع جدا لدرجة ان الموتور اللى فية 1600 وبحس ان الكبووت فااضى ممكن اركب جنبو كمان موتور هى النقطة انى عايز موتور دفع خلفى ومايعديش ال 2000 سى سى عشان الضريبة والبنزين وياسلام بقى لوكان كاربيراتير على العموم الف شكر ياباشا على الرد وبالنسبة لعادل وجدى هو تخصصة اية و الاقية ازاى ولا اول ما انزل الحرفيين اسئل علية ؟

مع احترامى لكل الكلام اللى فوق وعشان نبقى واقعيين كل المواتير اللى فوق صعب انها تبقى اختيارللعربية دى....

لو يهمك الأداء و المواتير اللى موجودة دفع امامى وانت عاوز ميتسوبيشى, ولو فى امكانية البيع...بيع الجالنت و أشترى بطة أو كريستالة.

و حتى لو فرضنا الكلام دة ينفع, هيبقى وقت, مجهود, و فلوس كتير أوى.

مشكوور يا باشا على الرد ومع احترامى لرأيك انا لو معايا تمن البطة او الكريستالة ماكونتش سألت اعمل عمرة ولا اسقط موتور لعربية موديل السبعينات
انا بسئل بس ياباشا لو فى امكانية تسقيط مكنة جامدة بالفتيس بالتكييف بكل حاجته وتكون دفع خلفى مش هبقى محتاج اجيب ولا بطة ولا كريستالة

[emptty]

هو ينفع بس هيتصرف مبلغ قريب من تمن العربيه ،وليه لأ لو العربيه حالتها شاذه والفلوس موجوده
لكن لو العربيه حالتها مش كويسه او مفيش نيه لصرف مبلغ محترم عليها يبقى فعلاً الحل انها تتباع ويجيب واحده احدث
انا عارف واحد عنده عربيه 79 زيها بس فابريكا والصالون بتاعها زي ما طلعت من المصنع ولو العربيه دي معايا مش هتردد لحظه في تسقيط موتور محترم

مشكوور ياباشا على الرد وهى فعلا العربية حالتها شاذة كانت مرفوعة 13 سنة المهم حضرتك بتقول ( هو ينفع بس هيتصرف مبلغ قريب من تمن العربيه )
هو الموضوع ممكن يتكلف كام ؟؟

[mr_sameh]

انا عربيتى متسوبيشى جالانت مو 79 1600 سىسى 89 حصان دفع خلفى
العربية بتجيب معايا 120-140 اخرها اوى دة لو نازل نزلة كوبرى ولا حاجة مع العلم ان الموتور عايز طقم شامبر
المهم تنصحونى بئية
1-اعمل عمرة كاملة للموتور ودى احتمال تدخل فى 1500-2000 او اكتر مش عارف
2-ولا اسقط مكنة بالفتيس بتاعها بكل حاجتها مع العلم ان الحوض عندى واسع ممكن يشيل لغاية 3000 سىسى بس النقطة الرخمة هنا ان عربيتى دفع خلفى وكدة لازم اسقط موتور متسوبيشى دفع خلفى
حد عندة فكرة عن المواتير اللى تنفع اركبها عندى وتعمل كام بالتركيب بتاعها ؟؟؟!!

الموتور الاصلي بتاعها بوني مش متسوبيشي
والمشكله ان موضوع تسقيط الموتور هيكلفك كتير وكمان هيكون صعب

[emptty]

الموتور الاصلي بتاعها بوني مش متسوبيشي
والمشكله ان موضوع تسقيط الموتور هيكلفك كتير وكمان هيكون صعب

كتير اد اية يعنى يابباشا فى رينج كام ؟؟ لو من 4-5 يبقى مش كتير ولا ممكن يتكلف اكتر ؟

[mr_sameh]

المشكله انك تلاقي موتور

[Ralliart]

الموتور الاصلي بتاعها بوني مش متسوبيشي
والمشكله ان موضوع تسقيط الموتور هيكلفك كتير وكمان هيكون صعب

موتور البوني هو اللي ميتسوبيشي مش العكس

المشكله انك تلاقي موتور

+111

اسهل حل انك تنزل الحرفيين وبورسعيد تشوف المواتير المتوفره وتقولنا ونساعدك في الاختيار لان مشكلتك هتكون ايه اللي موجود مش تسقط ايه
وربنا يوفقك ،العربيه دي محترمه جداً لما بيبقى متحافظ عليها