ما هو افضل فلتير سبورت للفيرنا ارجو الرد جزاكم الله خير

[M.Akef]

حضرتك مفهمتش وجهه نظرى !! الناس فاكره انه بيعلى استهلاك البنزين من فراغ !! الصوت بتاعه جامد و عشان تسمعه لازم تدوس جامد و مدام هتدوس جامد استهلاك البنزين هيعلى ! و اعتقد فى طريقه احسن من كده شويه فى توضيح وجهه النظر ...

انا كنت فاكر ان الناس بتشترى فلاتر عشان الاداء !!!

بالعكس... انا فاهم وجهه نظرك تمام و انت اللى مش فاهم وجهه نظرى

برضة بنتكلم على الصوت.... انا كنت فاكر الناس بتجيب الفلتر عشان الاداء



طيب ياريت تبقى تعلمهالى اصل انا على قدى و بعرفش اوضح وجهه نظرى

MMamdouh

لا يا جماعه اهدو دا كمان شويه الناس هتعمل هاكر علي اجهزت بعض و تسرق الاكونتات و شويه بعدهم هنولع في بيوت بعض ولله!!!!
بلاش سوء التفاهم الي بتحصل دي و تحصل خناقه من مفيش و لو واحد قال كلمه مش عجبه التاني ممكن نتكلم بهدوء و نخلص الموضوع دا احنا كدا هنحطم رقم قياسي في المشاكل!!!!

ولله دي كلها يا جماعه سوء تفاهمات حسب الحاله النفسيه الي بتكون فيها انت بتفسر رد الطرف الاخر!!!

يا باشا كده عيب لأن الأستاذ ممدوح من أعرق و أنبل الأشخاص على المنتدى و كلنا بنتعلم منه و عارف ياعنى ايه تعديلات صح من تسقيط مواتير و تركيب شواحن "تربو" و حاجات كتير لا حصر لها (بسم الله ما شاء الله)

فاكيد هو عايز يفهمك و جهة نظره بدون أى مشاكل

علي فكره يا مان انت كدا بتعمل تفرقه عنصريه
مفيش حاجه اسمها دا اقدم ولا دا اجدد الي بيغلط بيتحاسب ملناش دعوه دا قديم ولا جديد ولا دا خبير ولا مش خبير
ولا انت رائيك ايه يا مان؟




ولله موضوع الفلتر الي ب250 ده انا مش مقتنع بيه خالص و مقتنع انه صوت علي الفاضي من غير اداء اعلي ولا حاجه لو فرقت معاك في الاداء دا لأن الفلتر بتاعك الاصلي هو الي كان وحش بس الفلتر الرياضي مزوتشي حاجه و المبرهن علي ده انك لو شلت الفلاتر كلها خالص و جريت هتلاقي الجري احسن من الفلتر الاصلي و الرياضي كمان!!!!!
و الي بيتكلم عن فلتر عاوز منه اداء في فلتر مش فاكر الاسم ايه بالضبط بس هو اميريكان حاجه و ده عامل 1400 جنيه و بيزود ل17 حصان
و عموما انا من الناس بستحقر اي عربيه محترمه حطه فلتر رياضي امال خلينا لل128 ليه(مع احترامي للعربيه و ملاكها) و عاوز اداء اعلي في حجات تنيا بتفوق الموتور(زي تغيير قطم الكهرباء كله لقم رياضي و استخدام بنزين 95 او خلطه بال92) و كمان بتعلي صوته بس صوت حرق رياضي مش صوت هوا بيتسحب!!!!

[modiabbas]

للاسف مش هقدر ارد عشان مش عايز اتوقف !! و بعتذر لصاحب الموضوع لو الموضوع اتغير و انا افدته و قلتله المكان و عملت اللى عليا و مش عايز كلام ملوش لزمه ... سلام عليكم

[modiabbas]

يا باشا كده عيب لأن الأستاذ ممدوح من أعرق و أنبل الأشخاص على المنتدى و كلنا بنتعلم منه و عارف ياعنى ايه تعديلات صح من تسقيط مواتير و تركيب شواحن "تربو" و حاجات كتير لا حصر لها (بسم الله ما شاء الله)

فاكيد هو عايز يفهمك و جهة نظره بدون أى مشاكل

ونبى يا باشا بس انا مش صغير عشان تقلى عيب .... نفسى كل واحد يختار الطريقه و الالفاظ اللى هيتكلم بيها !! عشان بعد ما فهمته وجهه نظرى قال نفس الرد المستفز و بيقولك كنت فاكر ان الفلتر للاداء !! و لو سمحت انا مش هرد على حد تانى فى الموضوع ده

[mmffor]

ونبى يا باشا بس انا مش صغير عشان تقلى عيب .... نفسى كل واحد يختار الطريقه و الالفاظ اللى هيتكلم بيها !! عشان بعد ما فهمته وجهه نظرى قال نفس الرد المستفز و بيقولك كنت فاكر ان الفلتر للاداء !! و لو سمحت انا مش هرد على حد تانى فى الموضوع ده

خير ما عملت! اشرب كباية شاي بالياسمين على رأي اللي قال و روق يا باشا

[shouk_1987]

علي فكره يا مان انت كدا بتعمل تفرقه عنصريه:n_no[1]:
مفيش حاجه اسمها دا اقدم ولا دا اجدد الي بيغلط بيتحاسب ملناش دعوه دا قديم ولا جديد ولا دا خبير ولا مش خبير
ولا انت رائيك ايه يا مان؟

يا عم والله أنا ما اقصد اعمل تفرقة ولا بتاع بس انا كنت شايف ان الاستاذ ممدوح ماقلش حاجة غلط عشان الراجل يدخل فيه كده
على العموم أنا باعتذر يا سيدى و حصل خير و إحنا كلنا هنا إخوات و داخلين نستفيد من بعض ولا إيه ؟؟

ونبى يا باشا بس انا مش صغير عشان تقلى عيب .... نفسى كل واحد يختار الطريقه و الالفاظ اللى هيتكلم بيها !! عشان بعد ما فهمته وجهه نظرى قال نفس الرد المستفز و بيقولك كنت فاكر ان الفلتر للاداء !! و لو سمحت انا مش هرد على حد تانى فى الموضوع ده

يا باشا ولا أنت و لا أنا صغيرين خلاص يا سيدى حقك عليا و متزعلش

[zkralla]

موضوع الفلتر نوعه أيه وتجيبه منين اعتقد أن أ / ممدوح ممكن هيفيدك فى الموضوع ده

أنا مش بادعى العلم بس هقول تعليق على قد معلوماتى

لاانت جايب الفلتر عشان تستمتع بالصوت .

صوت و اداء

حضرتك مفهمتش وجهه نظرى !! الناس فاكره انه بيعلى استهلاك البنزين من فراغ !! الصوت بتاعه جامد و عشان تسمعه لازم تدوس جامد و مدام هتدوس جامد استهلاك البنزين هيعلى

يا باشا زياده الصوت مش هدف (رغم أنه نفسيا بيدى شعور لبعض الناس بالقياده الرياضيه لكن ده مش بيغير من حقيقه أنه عرض جانبى غير مرغوب لزياده كميه الهواء الى بتخش للماتور )
الهدف هو زياده كميه الهواء الى بتخش للماتور عشان تنفس الماتور يصبح افضل وبالتالى كفاءه الحرق هى كمان تبقى افضل فالاداء يتحسن

و استخدام بنزين 95 او خلطه بال92) و كمان بتعلي صوته بس صوت حرق رياضي

رقم الاوكتان للنزين لازم يبقى متوافق مع نسبه انضغاط المحرك فلو نسبه انضغاط المحرك 9 مثلا وحطيت بنزين 95 يبقى كأنك بترمى فلوسك فى الارض وكذلك الخلط نفس الوضع لو مش متناسب مع ماتور العربيه مش هيحسن الاداء مطلقا وهيفضل الاداء ثابت مع أنك بتجيب بنزين اوكتانه اعلى وبتدفع فلوس اكتر

بتعلي صوته بس صوت حرق رياضي مش صوت هوا بيتسحب!!!!

الهواء الى بيتسحب زى ما حاولت اوضح فوق مهم جدا وكل ما يزيد دخوله للماتور كل ما الاداء هيتحسن يعنى بتركيب فلتر رياضى والمشى الهادى هنلاقى استهلاك البزين قل عشان دفعه البنزين الى بتخش بتتحرق بطريقه افضل ولو كانت السواقه رياضيه هيزيد الاستهلاك مع زياده فى استجابه الماتور وتحسن فى الاداء

[crazylambada]

اوفيت في الاجابه يا zakralla
هو ده الكلام المظبوط و ده يرجعنا لكلمه قالها الاستاذ ممدوح rericers
لو كاتبها صح و اكتشفت انها مشكله عالميه بنهتم بالمظهر عن الجوهر
مع ان المظهر اللي اداله القوه الجوهر
يعني مثلا الاهتمام بالصوت عن الاداء مع ان الفلاتر انتشرت علشان الاداء ومنه حدث الصوت
اما بالنسبه للموضوع التالت فهو سوء فهم فقط و كلنا اخوات هنا :)

[SAMEH_FOUAD]

الفلتر الرياضى لية عيوب ومميزات :

مميزاتة :1 - صوت رياضى تحب تسمعة بيحسسك ان عربية فيرارى ماشية فى الشارع
2- بيحسن السحب والوصول للسرعة القصوى فى زمن اقل
3- بيفلتر احسن من الفلتر العادى وكمان عمرة اطول يعنى بيتغير كل 100,000 كيلو
عيوبة :
1- لازم تنظفة كل اسبوع بالهواء فقط لضمان عملة بكفاءة
2:زيادة استهلاك البنزين عند الشد
3: صوت العربية بيعلى عن الطبيعى فى كل الحالات حتى لو ماشى بالراحة

وياجماعة اصبروا على بعضكوا شوية انتوا اخوات

[SAMEH_FOUAD]

ونبى يا باشا بس انا مش صغير عشان تقلى عيب .... نفسى كل واحد يختار الطريقه و الالفاظ اللى هيتكلم بيها !! عشان بعد ما فهمته وجهه نظرى قال نفس الرد المستفز و بيقولك كنت فاكر ان الفلتر للاداء !! و لو سمحت انا مش هرد على حد تانى فى الموضوع ده

اية يامحمد اخبارك اية

والاستاذ محمد ممدوح ماقلش حاجة تزعل ياجماعة فكر كدة فى الجملة بهدوء وقولى اية المستفز فيها مش عايزين مشاكل مع بعض ياجماعة احنا اخوات

[M.Akef]

رقم الاوكتان للنزين لازم يبقى متوافق مع نسبه انضغاط المحرك فلو نسبه انضغاط المحرك 9 مثلا وحطيت بنزين 95 يبقى كأنك بترمى فلوسك فى الارض وكذلك الخلط نفس الوضع لو مش متناسب مع ماتور العربيه مش هيحسن الاداء مطلقا وهيفضل الاداء ثابت مع أنك بتجيب بنزين اوكتانه اعلى وبتدفع فلوس اكتر



الهواء الى بيتسحب زى ما حاولت اوضح فوق مهم جدا وكل ما يزيد دخوله للماتور كل ما الاداء هيتحسن يعنى بتركيب فلتر رياضى والمشى الهادى هنلاقى استهلاك البزين قل عشان دفعه البنزين الى بتخش بتتحرق بطريقه افضل ولو كانت السواقه رياضيه هيزيد الاستهلاك مع زياده فى استجابه الماتور وتحسن فى الاداء

لا الحقيقه كلام تمام كله يا مان و موضوع البنزين ده انا افتكرته دلوقتي لما كان معايا عربيه قديمه و هي فولفو 1974 و كنت جربت احط لها 90 محستشي بأي فرق في الاداء و البنزين طار في ثواني لان الكهربه مش متظبطه له و في الانسر مجربتش ال95 الحقيقه لكن كله بيقول الصوت هيبقا اهدي و هيبقا في سلاسه و مرونه في الحركه يعني مش هيكون في احتكاك كبير
طب انا لانسر 1.3 نسبه الضغط عندي 9.5 المفروض احط ايه؟؟؟
و الانسر 1.6 الخليجي نسبه الضغط فيها 10 المفروض يحط كام؟

عن الفلتر الرياضي بقا انا سمعت بردو اني لو بستخدم استخدام طبيعي بيقلل معايا استهلاك الوقود و حضرتك وضحت ليه دلوقتي
لكن الي انا فكرت فيه انا دلوقتي بخلي الموتور يتنفس كويس بس مش بنخليه يخرج العادم كويس يبقا الموتور هيفضل مكتوم! لان هزود سحب الهواء و مش هوسع مصوره الشكمان هشان تخرج العادم كويس فالموتور هيفضل مكتوم دي من العوامل بردو الي خلتي مركبهوش غير الصوت المزعج لاني اصلا سعات بكون علي الطريق عاوز اقرص بس مش عاوز اسمع للموتور صوت يعني اجري في هدوء و كمان في رائيي مش فلتر هو الي هيسخني!!!!!

[zkralla]

نسبه انضغاط 10 البنزين بيكون 92 (لانسر خليجى )
نسبه انضغاط 9.5 البنزين بيكون 91 وطبعا مفيش عندنا بنزين 91 فحط 92 والفرق فى الفلوس لا يذكر
لكن برضه أتاكد من مانيوال العربيه

والموضوع ده فيه تفاصيل اكتر

http://www.nilemotors.net/Nile/16758-gasoline-octane-number-engine-cr.html


http://www.nilemotors.net/Nile/127910-80.html

[M.Akef]

نسبه انضغاط 10 البنزين بيكون 92 (لانسر خليجى )
نسبه انضغاط 9.5 البنزين بيكون 91 وطبعا مفيش عندنا بنزين 91 فحط 92 والفرق فى الفلوس لا يذكر
لكن برضه أتاكد من مانيوال العربيه

والموضوع ده فيه تفاصيل اكتر

http://www.nilemotors.net/nile/16758-gasoline-octane-number-engine-cr.html


http://www.nilemotors.net/nile/127910-80.html

اوك بيس يا مان الف شكر علي المعلومات المفيده