تسقيط مكنة قوية فى كريستالة ((هااام للى بيفكر يسقط))

[smax]

لو 1600 بتاع كريستالة او الميراج بيعمل 2500 من غير جير بوكس بالجير بيعمل حوالى 3500 وطبعا بكل حاجتة (ضفيرة -كارتة)


....ولو 1600 بتاع مكواة هيعملو 3000 جنية من غير جير بوكس وبالجير بعملو حوالى 4500جنية
وطبعا بحاجتة كلها

اشكرك يا باشا بس معلش عندي سؤالين تاني.
هوا موتور الكريستالة 1600 دة ال 102 حصان و هل يركب علي نفس فتيس ال1300 ولا لازم يتغير؟
و هل موتور المكوة هو بتاع البومة ال 122 حصان ولا حاجة تاني و بردة هل ممكن يركب علي فتيس ال 1300 الكريستالة؟

[thekiller]

اشكرك يا باشا بس معلش عندي سؤالين تاني.
هوا موتور الكريستالة 1600 دة ال 102 حصان و هل يركب علي نفس فتيس ال1300 ولا لازم يتغير؟
و هل موتور المكوة هو بتاع البومة ال 122 حصان ولا حاجة تاني و بردة هل ممكن يركب علي فتيس ال 1300 الكريستالة؟

يركب ياباشا الفتيس لان 1300 وال 1500 وال 1600 فلان 5 مسمار غير 1800 وال 2000 ___7 مسمار ولازم تعديل........ولو فية فلوس كفاية افضللك انك تجيب المكنة بفتيسها

................وموضوع كام حصان المكنتين دول بتعرفها من رقم الموتور واعتقد ان المكنة بتاعت المكوة 1600 هى هى بتاعت البومة

[MIVEC.A92]

ما شاء الله ... ربنا يباركلك فيها .

ألف مبروك المكنه الجديده يا باشا .

بس أنا أول مره أعرف أن اللانسر المكواه كانت بتنزل مصر بموتور 1600 ...

و كنت عايز أعرف يا باشا بتحط للمكنه ال 2000 بنزين كام و أيه أخبار سحب العربيه و شدها ؟

و أيه أخبار التسارع و أخر سرعه وصلتلها ؟

و كنت عايز أعرف ركبت المكنه عند مين و جبتها من فين ؟

[momo44]

ممكن اعرف ايه كارتة الريداتير 250 جنية
قصدك الرادياتير نفسه
؟؟

[windofchange]

مبروك ياباشا ربنا يبارك لك فيها ويديك خيرها ويكفيك شرها بس حضرتك الميكانيكي ده ميتسوبيشي بس ولا يشتغل في سيات وجولف لأني بقاللي 6شهور عايز نص 1600 وان شاء الله جاي قريب فمعرفش ميكانيكي كويس وخصوصا يكون بيقبل اقف علي راسه في ناس تقلك تعالي لي بعد يومين وانا مبحبش اسيب العربية مع حد خصوصا اني شفت عربية بيتسقطلها موتور ايبيزا ورافعين ومطبقين لصاحبها الأرضية بالكريك وجزاك الله خير علي مشاركتنا تجربتك خصوصا موضوع الأستهلاك قي البنزين ده يقلق اي حد الف مبرررررررررررررررررررروك

[thekiller]

ما شاء الله ... ربنا يباركلك فيها .

ألف مبروك المكنه الجديده يا باشا .

بس أنا أول مره أعرف أن اللانسر المكواه كانت بتنزل مصر بموتور 1600 ...

و كنت عايز أعرف يا باشا بتحط للمكنه ال 2000 بنزين كام و أيه أخبار سحب العربيه و شدها ؟

و أيه أخبار التسارع و أخر سرعه وصلتلها ؟

و كنت عايز أعرف ركبت المكنه عند مين و جبتها من فين ؟

الله يبارك فيك يا وحش .....وانا بتكلم على المواتير الاستيراد مش اللى بتنزلنا فى مصر ..زى المكواة 1600 اللى هو موتور البومة ..............وبحط عندى بنزين 90 وسحبها مشاء الله ملهاش حل والتسارع واخر سرعة انا والله لسة مسقطها بقالى اسبوع وبفنش لسة حاجات فيها ....ادعيلى بقا ااخلص منها هههههههه
وانا جبتها من عند تاجر فى اسكندرية وركبتها عند ناس صحابى ..........ومعلومة ليك ممكن تحتاجها ان تسقيط المكنة اهم حاجة فية الكهربائى يكون صح ولو حبيت انا اعرف واحد دكتور بجد وحنين جدا ......وربنا يوفقك يا زعيم

يرجى مراعاه الدقة فى كتابة لفظ الجلالة

مشرف القسم

[thekiller]

ممكن اعرف ايه كارتة الريداتير 250 جنية
قصدك الرادياتير نفسه
؟؟

دة سينسور بيتركب على الريداتير وبيتوصل بالكنترول يونت بتاع العربية علشان يشغل مراوح الريداتير ....وانا كانت عربيتى كربراتير والمراوح شغالة بالثرموستات ...

[thekiller]

مبروك ياباشا ربنا يبارك لك فيها ويديك خيرها ويكفيك شرها بس حضرتك الميكانيكي ده ميتسوبيشي بس ولا يشتغل في سيات وجولف لأني بقاللي 6شهور عايز نص 1600 وان شاء الله جاي قريب فمعرفش ميكانيكي كويس وخصوصا يكون بيقبل اقف علي راسه في ناس تقلك تعالي لي بعد يومين وانا مبحبش اسيب العربية مع حد خصوصا اني شفت عربية بيتسقطلها موتور ايبيزا ورافعين ومطبقين لصاحبها الأرضية بالكريك وجزاك الله خير علي مشاركتنا تجربتك خصوصا موضوع الأستهلاك قي البنزين ده يقلق اي حد الف مبرررررررررررررررررررروك

الله يبارك فيك يا جميل والف شكر .....والميكانيكى بتاعى راجل صنايعى وبيفهم وحنين فى سعرة والكهربائى بتاعى دة صاحبى وجنيس بجد وحكاية انو فى ميكانيكية مبتحبش حد يقفلها دة واقف لحاجتين اما انت بتزن كل شوية علية وزهقت امه ....او هو مش عاوز يوريك هو بيعمل اية علشان يقلبك فى فلوس اكتر ......والحالتين حلهم بسيط ((حاجة ساقعة او علبة سجاير....))يعنى شغلم دماغك واكسبو ....وانا عن نفسى كنت ببات مع العربية من اول ما يفتحوها لحد ميغطوها....


وربنا يوفقك يا كبير

[osama.m]

ممكن لعبة صغيرة فى المرور وتسبتها 1600 cc وتريح دماغك

ازاي دي ممكن توضحلي بس اكتر !! يعني انا ممكن اغير الموتور بواحد 2000cc مثلا و يتسبت 1600cc

[thekiller]

ازاي دي ممكن توضحلي بس اكتر !! يعني انا ممكن اغير الموتور بواحد 2000cc مثلا و يتسبت 1600cc

انا واحد صاحبى عامل كدة ازاى معرفش ......سكمم بكمم

[windofchange]

شكرا ليك علي ردك مستر كيللرر بس مقلتليش هو في مصر ولا اسكندرية وهو شغال في جولف وايبيزا وكدا ولا ايه؟؟

[Ralliart]

ربنا يباركلك فيها بسم الله ما شاء الله عزمها شديد جداً
كده هتطلعها في دماغي اسقط زيك 4g94 او 2400 بس لما القديمه تعملها 200 الف كيلو ولا حاجه
عايز اعرف معدل الاستهلاك بالارقام ؟
وهل قطع غيارها موجوده؟؟ لاني حاسس ان الـ1.8 gdi منتشره اكتر

وللاسف ال1600 مايفيك مبتركبش في البومه والمكوه

[thekiller]

شكرا ليك علي ردك مستر كيللرر بس مقلتليش هو في مصر ولا اسكندرية وهو شغال في جولف وايبيزا وكدا ولا ايه؟؟

الراجل فى اسكندرية ..ولو انت من القاهرة دور على واحد بيشتغل فى العربيات الحديثة ومن الافضل انك تروح مركز يكون ميكانيكى وكهربائى مع بعض علشان هما يتصدرو مع بعض وانت تريح دماغك

[thekiller]

ربنا يباركلك فيها بسم الله ما شاء الله عزمها شديد جداً
كده هتطلعها في دماغي اسقط زيك 4g94 او 2400 بس لما القديمه تعملها 200 الف كيلو ولا حاجه
عايز اعرف معدل الاستهلاك بالارقام ؟
وهل قطع غيارها موجوده؟؟ لاني حاسس ان الـ1.8 gdi منتشره اكتر

وللاسف ال1600 مايفيك مبتركبش في البومه والمكوه

الله يبارك فيك يا زعيم .......ومعدل الاستهلاك بالارقام يومين كدة وهبلغكو التقارير باذن الله ...وقطع غيارها موجودة فى السوق...........وحضرتك مين اللى قاللك ان المايفك 1600 متركبش على البومة والمكوة ؟؟؟؟الكلام دة مش صح خالص انا اعرف واحد مسقط 2400 فى المكوة و حوض المكوة هى هى حوض البومة ..

[thekiller]

وبغض النظر انى مش عارف لية ميركبش 1600 مايفك عندك بس ممكن يكون مختلف عن 2400 ....وموضوع gdi 1800 دة عاوز نص كامل وانت تشوف اللى محتاجة منة والمكنة دى محترمة اوى وشوف معدل التسارع بتاعها



YouTube - Mitsubishi Carisma 1.8 GDI acceleration (0-100km/h)