فكرة جديدة فى شد عربية أمريكانى قديمة

[eng.m7md.ali]

والله انت ابن حلال
انا لسة شاري عربية شيفي كامارو موديل 1971 انا وواحد صحبي ب 5000 جنيه بس
طبعا العربية محتاجة شغل كتيييييييييير اوي وكمان محتاجة موتور لان فيها كرسيدا 1978
انا طبعا مش جايبها علشان ابيعها لا انا جيبها علشان اتمنظر بيها بس

[eng.m7md.ali]

ياريت لو لقيت حد في طريقك بيبيع حاجة للشيفروليه تبقى قلي بليز وانا ان شاء الله لو لقيت حاجة للدودج هقولك ادام الدماغ واحدة
وربنا يوفأك

[horas3000]

مش هعرف افيدك في موضوع المواتير ده
بس راي تتوكل علي الله
دي المفروض صور العربية اللي بتتكلم عليها

[Ralliart]

ياريت لو لقيت حد في طريقك بيبيع حاجة للشيفروليه تبقى قلي بليز وانا ان شاء الله لو لقيت حاجة للدودج هقولك ادام الدماغ واحدة
وربنا يوفأك

في واحد في شارع فيصل ،انا مش فاكر مكانه بالظبط بس على فيصل الرئيسي هتلاقي مخزن كبير مليان عربيات امريكي متقطعه ومعظمها شيفي
وفي في الحرفيين ناس متخصصه في الامريكي بس
بس متنساش تصورلنا العربيه
ويا ريت لو قدام حضرتك حاجه زي كده تبقى تقولي

[eng.m7md.ali]

في واحد في شارع فيصل ،انا مش فاكر مكانه بالظبط بس على فيصل الرئيسي هتلاقي مخزن كبير مليان عربيات امريكي متقطعه ومعظمها شيفي
وفي في الحرفيين ناس متخصصه في الامريكي بس
بس متنساش تصورلنا العربيه
ويا ريت لو قدام حضرتك حاجه زي كده تبقى تقولي

1000 شكر ياباشا وان شاء الله هصورها وارفع صورها في اقرب فرصة
انا بس عندي استفسار بالنسبة للموتور اللي هيتسقط
(كابرس-دي ماكس او الدبابة-الفرونتيرا)

[Ralliart]

1000 شكر ياباشا وان شاء الله هصورها وارفع صورها في اقرب فرصة
انا بس عندي استفسار بالنسبة للموتور اللي هيتسقط
(كابرس-دي ماكس او الدبابة-الفرونتيرا)

لو عرفت تثبت موتور ديزل يبقى تمام جداً وسقط الدبابه او الدي ماكس(الاتنين واحد) وهيكون عزمها عالي جداً
لو معرفتش يبقى لازم بنزين ولو مش هتقدر على البنزين يبقى بيعها احسنلك لان البنزين هيغلى كمان
هي ليها مواتير كتير بنزين 3100 ,4100,5100,5700,6500,3500 cc
واكتر واحد موجود هيكون الـ4100 وحاول متعلاش عن كده علشان متبقاش حوت بنزين
وربنا يوفقك في التظبيط وانا مستنيك تشجعني على الخطوه دي

[Eslam.Elrefaey]

شكلك غاوي خدها و ظبطها علي فكره المواتير الديزل مش غاز سولار زي العربيات النقل و الميكروباص بيبقي العزم بتاعها جامد جدا

طيب أجيب مواتير الديزل منين وبعدين السولار أجيب منين ده صعب أوى

باشا بعد اذنك لو مش هتاخد العربية دى إن شاء الله قوللى وانا هاخدها

أنا إن شاء الله ناوى أجيبها حتى الآن بس فى ظروف دلوقتى فلسا مش قادر آخذ قرار

انا كمان مستعد اشتريها
لو هي نفس شكل الصور ديه

هيا مش نفسها طبعا ولكن شبها جدا

[Eslam.Elrefaey]

حضرتك مش واخد بالك
عربيات العضلات اميريكية خدت مدة موقوف انتاجها ودة بسبب قلت الطلب والسوق العالمى وارتفاع اسعار البنزين
وفجاة زى الى طقت فى دماغهم انهم يرجعوها تانى بس فى توبها الاصلى
يعنى الدودج دى تقريبا نفس الشكل لكن من غير الانسيابية دى والكلام دة بس نفس الموضوع مع الكمارو وكدة يعنى
ارجو اكون وضحت الفكرة

+111111111111

بص عاوز اقولك حاجه ونبى شيل فكرة الغاز من دماغك علشان بجد الغاز ده زباله وهيبوظ العربيه انا ركبت بيجو 505 بالغاز ندمت انى ركبتها اسمع كلامى هيبوظها وانسى انها تسحب وبعدين اعملها ولله هتبقى جامده و موضوع البنزين ده حاول تشوفله حل بس ابعد عن الغاز علشان هيزعلك من العربيه دى مش هتسحب خالص

ليه كده بس يعنى حتى لو 3500 سى سى هحس إن سحبها وحش برضه

طيب ونظام الترخيص هيبقي عامل ازاي؟ عشان انا بصراحه كنت بفكر مره انا واحد صحبي نعملو الحوار ده

عادى خالص منا هعمله أنا وصاحبى برضه

[Eslam.Elrefaey]

رى فكرة شديدة اوووى اوى
اتعامل بماتور ديزل من 3500 الى 4000
ومش هيكون مكلف اظن وروشها ومع لون فاع شوية وعيش المغامرة
مشكلتها حجمها بالنسبالى انا فكرت فى الموضوع دة من حوالى 4 سنين
بس كنت هجيب فاير بيرد بونتياك وكانت بـــ10000
وبموتور تويوتا سلندر ورجعت فى رئى لااسباب خاصة شوية بس رئى اتعامل
الدودج خيالى
لو لفيت كمارو تحفة والموستنج القديم حكاااااااااااااااااااااااااااااااية
ربنا يوفقق
وياريت تطمنا وانشاء اللة نكون معاك خطوة بخطوة فى التعديل
فى انتظارك

العربية مش كبيرة خالص عادية يعنى ومعرفش الفكرة دخلت دماغى لأن فى عندنا واحد شغال فى تعديل العربيات فيبر وكده جاب واحده زى الى معايا بالظبط وبيزبطها دلوقتى

والله انت ابن حلال
انا لسة شاري عربية شيفي كامارو موديل 1971 انا وواحد صحبي ب 5000 جنيه بس
طبعا العربية محتاجة شغل كتيييييييييير اوي وكمان محتاجة موتور لان فيها كرسيدا 1978
انا طبعا مش جايبها علشان ابيعها لا انا جيبها علشان اتمنظر بيها بس

لأ العربية الى معايا حالتها تعتبر حلوة شوية يعنى شوية مصاريف مش كتار وهتبقى جامده جدا

ياريت لو لقيت حد في طريقك بيبيع حاجة للشيفروليه تبقى قلي بليز وانا ان شاء الله لو لقيت حاجة للدودج هقولك ادام الدماغ واحدة
وربنا يوفأك

إن شاء الله بس أصل دى ساكن جمبى

مش هعرف افيدك في موضوع المواتير ده
بس راي تتوكل علي الله
دي المفروض صور العربية اللي بتتكلم عليها

هيا بالظبط من قدام بس من وره مش هيا لأن الى عندى 4باب بس الشنطة زى الكوبية

[Eslam.Elrefaey]

في واحد في شارع فيصل ،انا مش فاكر مكانه بالظبط بس على فيصل الرئيسي هتلاقي مخزن كبير مليان عربيات امريكي متقطعه ومعظمها شيفي
وفي في الحرفيين ناس متخصصه في الامريكي بس
بس متنساش تصورلنا العربيه
ويا ريت لو قدام حضرتك حاجه زي كده تبقى تقولي

طيب ده ممكن ألاقى عنده مواتير للدودج

[Eslam.Elrefaey]

لو عرفت تثبت موتور ديزل يبقى تمام جداً وسقط الدبابه او الدي ماكس(الاتنين واحد) وهيكون عزمها عالي جداً
لو معرفتش يبقى لازم بنزين ولو مش هتقدر على البنزين يبقى بيعها احسنلك لان البنزين هيغلى كمان
هي ليها مواتير كتير بنزين 3100 ,4100,5100,5700,6500,3500 cc
واكتر واحد موجود هيكون الـ4100 وحاول متعلاش عن كده علشان متبقاش حوت بنزين
وربنا يوفقك في التظبيط وانا مستنيك تشجعني على الخطوه دي :m_yes[1]:

هوا هيكون تثبيت الديزل صعب ليه ولو المواتير بنزين وحولتها غاز هل العزم هيضيع فعلا

شكرا لكل الى رد وإن شاء الله هصورها وأجيب باقى التفاصيل من الراجل صاحبها

[magyver]

ويتيينج يااسلم

[Ralliart]

طيب ده ممكن ألاقى عنده مواتير للدودج

والله معرفش بس لو عديت من قدامه تاني هنزل اسألك ان شاء الله

هوا هيكون تثبيت الديزل صعب ليه ولو المواتير بنزين وحولتها غاز هل العزم هيضيع فعلا

شكرا لكل الى رد وإن شاء الله هصورها وأجيب باقى التفاصيل من الراجل صاحبها

تثبيت الديزيل شبه مستحيل في المرور لان القانون الجديد بينص على ان العربيه لازم ينزلها موتور من نفس الماركه ونفس نوع الوقود إلا لو عملت طلب وشكلو لجنه فنيه تقول ان العربيه ملهاش مواتير بديله في السوق ويوافقولك وطبعاً احنا في بلد الكوسه لازم واسطه علشان الحوار ده يسلك
ولو عرفت تظبط المرور يبقى احسن حته يسقطولك الموتور هي الشرقيه لان العربيات الامريكاني هناك كتييير جداً وكلها مواتير ديزيل

ومظنش ان الغاز هينفع مع المواتير الكبيره اصلاً وطبعاً سحبه بيبقى في الضياع خالص وهتخرب الموتور وهتحتاج قطع غيار وعمره كل شويه وهو اصلاً قطع غياره هتكون غاليه

[Eslam.Elrefaey]

والله معرفش بس لو عديت من قدامه تاني هنزل اسألك ان شاء الله

تثبيت الديزيل شبه مستحيل في المرور لان القانون الجديد بينص على ان العربيه لازم ينزلها موتور من نفس الماركه ونفس نوع الوقود إلا لو عملت طلب وشكلو لجنه فنيه تقول ان العربيه ملهاش مواتير بديله في السوق ويوافقولك وطبعاً احنا في بلد الكوسه لازم واسطه علشان الحوار ده يسلك
ولو عرفت تظبط المرور يبقى احسن حته يسقطولك الموتور هي الشرقيه لان العربيات الامريكاني هناك كتييير جداً وكلها مواتير ديزيل

ومظنش ان الغاز هينفع مع المواتير الكبيره اصلاً وطبعاً سحبه بيبقى في الضياع خالص وهتخرب الموتور وهتحتاج قطع غيار وعمره كل شويه وهو اصلاً قطع غياره هتكون غاليه

يعنى لو معايا واسطة هتبقى سهله يعنى طيب دى سهله شويه أما التسقيط فى الشرقية صعب هيبقا مكلف جدا بس هاشوف برضه شكرا لمتبعتك

[pro_samir]

موضوع انك تحط موتور ديزل أو موتور ماركة تانية دة بالفعل مينفعش الا زي ما ralliart بيقول بتعمل طلب ان العربية ملهاش مواتير ودة بيتعمل في جهة اسمها غريب قوي مش فاكر ادارة المحاريث او حاجة زي كدة في القاهرة حد كان بيتكلم عليها هنا من فترة كبيرة

وهم اللي بيعملو الموضوع لو ثبت ان العربية ملهاش مواتير بتتباع أو ملهاش قطع غيار ومحتاجة موتور جديد

وبعدين في نقطة هم اصلا في المرور هيعرفو منين نوع الموتور اللي انت شارية ؟

يعني انت لو اشتريت موتور شيفرولية وخدت فاتورة من البائع ان دي ماركة الموتور ومثبوت فيها الرقم بتاعة الناس بتوع المرور هيعرفو نوعة الأصلي منين ؟ مفتكرش خالص انهم ممكن يعرفوة !

لكن مش عارف هل نفس الكلام هينطبق علي الديزل والبنزين ولا لأ

بس المهم تشوف هتعرف تتصرف في باقي قطع الغيار كمان ولا لأ زي العفشة وكدة