استفسار بخصوص تعديل العفشة و العفشة السبور

[smsm_nabawy]

السلام عليكم

أنا عربيتي شاهين 1400 انجيكشن مو 2006
سألت في السوق قاللولي ملهاش مساعدين سبور ، بس ليهل سوست سبور،،

المهم واحد قالي أنصحك متصرفش فيها أوي و اشتري السوست ألاصلية ة قص منها ،، ناس كتير بتعمل كده عشان التكلفة ... و سمعته بيقول ده موضوع كبير و حتضر تعمل نش عارف حاجة كده أسمها سبعات او تمنيات في الرفرف ، هو قاهل بس انا مش فاكرها المهم ،، أنا عايز رأيكم أقص ، ولا أجيب سوست رياضي ، لأني الصراحة حمار في حكاية العفشة دي

و عايز العربية يكون شكلها حلو ،، و كمان عايز أرميلها جنوط 15 أو 16 و سمعت أني لازم أعدل في العفشة عشان كدده ، و الراجل قاللي لو حطيت سوست سبور تساعدك في جنط 16 وو تظبط معاك ، بس ليها ضررها و هو أن العربية حتبقى خشنة معاك مش زي سوست الفبيركة أو الأصلية بتاعت العربية ...

أنصحوني عشان معرفش حاجة في حكاية العفشة دي

[otefa]

أوعي تقص السوست ولا بمنشار ولا بالأوكسوجين(بالذات)..............دي قصة كبيرة عايز تشتري يفضل جدا أن تكون سوست ومساعدين أسبورت مع بعض

[smsm_nabawy]

أوعي تقص السوست ولا بمنشار ولا بالأوكسوجين(بالذات)..............دي قصة كبيرة عايز تشتري يفضل جدا أن تكون سوست ومساعدين أسبورت مع بعض

أولاً أشكرك لردك

ثانياً للأسف عربيتي ملهاش مساعدين سبوور

ثالثاً ممكن توضح سبب تحذيرك من قص السوست ،، هو على العموم ليا صديقي عامل كده في عربيته

هي " لانسر ميراج " و بقالها سنة معاخ اهه و الحمد لله ،، أنا كنت في الأول معارض لحكاية القص دي ، بس لما الراجل قاللي علبها ،، و كمان صديقي عبده قاللي أنه عاملها و أنها حتى الأن محسش بتأثير ليها ،، الفكرة زغزغت في دماغي

بيني و بينك لقيتها مش مكلفة انا طقم السوست الأصلي ب 500 جنيه و السبور سألت علية ماكس سبيد او كوني مش فاكر أنه فيهم كان ب 1500 و التاني ب 1200

يعني في حدود 3 أضعاف ،،

عشان كده قلت أسأل أعضاء المنتدى أستفيد منهم ،، :b4_564:

[magyver]

والله انا كل الناس اللي اعرفهم قاصين السوست
بس بالصااروخ

[smsm_nabawy]

والله انا كل الناس اللي اعرفهم قاصين السوست
بس بالصااروخ

مممم.... والله أنا الأخ "otefa" قلقني من الموضوع ،، طيب يا جماعة يا ريت آراء أكتر من الناس اللي جربت الموضزع ده أو تفهم فيه كويس ،، مع توضيح السبب الله يخليكم عشان أعمل الحاجة و أنا مقتنع

[otefa]

ماهو أنا جربت الموضوع ده من كام سنة وقصتهم بالصاروخ وكبرت دماغي من كل التحذيرات ألي قريتها وسمعتها..........و فضلت بيهم سنة أو أكتر وفي الأخر رجعت للأصلي تاني لأن الأسبرينجات بيبقي ليهم ريت محسوب وكده بتلخبط تصميمه وطريقة أنضغاطهم .........الملخص هاتخسر في الأداء والثبات جامد وهاتحمل علي أجزاء العفشة بزيادة

[smsm_nabawy]

ماهو أنا جربت الموضوع ده من كام سنة وقصتهم بالصاروخ وكبرت دماغي من كل التحذيرات ألي قريتها وسمعتها..........و فضلت بيهم سنة أو أكتر وفي الأخر رجعت للأصلي تاني لأن الأسبرينجات بيبقي ليهم ريت محسوب وكده بتلخبط تصميمه وطريقة أنضغاطهم .........الملخص هاتخسر في الأداء والثبات جامد وهاتحمل علي أجزاء العفشة بزيادة

[OVERLINE]أفاادكم الله و جزاكم كل خير على النصيحة ،، و آسف تعبتك معايا ،، أنا أصلاً عايزهم للثبات و الشكل ،، و لما أقصهم يروح الثبات لييه ،، يبقى طظ في الشكل أشتري سبور أحسن مهو كده كده حدفع يبقى أدفع غالي على حاجة نضيفة [/OVERLINE]

[MMamdouh]

لو عايز تعمل الصح...هات سوست سبور و بعد كدة جنط 15

MMamdouh

[smsm_nabawy]

لو عايز تعمل الصح...هات سوست سبور و بعد كدة جنط 15

mmamdouh

شكراً ألف ألف شكر على الأهتمام بالرد

[M.almaghraby]

بلاش قص سوست


اعتقد حتلاقي سوست سبور للشاهين و ركب 15 بلاش 16

و حتلاقي العربية بقت تحفة ان شاء الله

[smsm_nabawy]

بلاش قص سوست


اعتقد حتلاقي سوست سبور للشاهين و ركب 15 بلاش 16

و حتلاقي العربية بقت تحفة ان شاء الله

أن شاء الله ،دعواتكم بس عشان بشد العفشة و بغير مساعدين ،، بتركبو حالياً في التوكيل