اي ماسوره افضل للفلتر الرياضي ؟؟؟

[mido_1311]

السلام عليكم و كل سنه و انتم طيبين

كان عندي استفسار بخصوص ماسورة الفلتر الرياضي ايهم افضل و بيدي اداء اعلي و احسن
الماسوره المرنه البلاستيك و لا الاستانليس و لا عمل ماسوره pvc
والف شكر و رمضان كريم

[MMamdouh]

الاستانلس بتدى افضل اداء

MMamdouh

[mido_1311]

بس مش بتسخن الهوا ولا ايه انا لما بروح مشوار و ارجع افتح الكبوت بلاقيها مولعه مبعرفش المسها ... حتي لو cold Air Intake بيتهيألي هتسخن الهوا برده ولا انت ايه رأيك ؟؟

[MMamdouh]

الPVC مبيمتصش حرارة زى الستانلس بالتالى مش حيسخن زى الPVC... بس طبعا الPVC فيها انحنائات و اكواع بتقاوم الهوا و هو داخل للمكنة

MMamdouh

[mido_1311]

مش المقاومه ممكن تقل لو ركبنا كوع 45 درجه بدل 90 درجه ولا حضرتك رأيك ايه ؟؟

[MMamdouh]

طبعا حتقل بس لو مفيش اكواع يبقى افضل

MMamdouh

[mido_1311]

هو ممكن اركبها من غير اكواع بس الماسوره هتبقي قصيره جدااا

[M.Akef]

طب انا رئيي ان البلاستك احسن منهم ولا انتو رئيكم ايه
لانها مش بتمتص الحراره و رخيصه و ممكن تشكلها زي ما انت عاوز

[MMamdouh]

مقاومة الاكواع لمرور الهوا اعتقد ان تاثيرها اكبر من تاثير الحرارة

MMamdouh

[M.Akef]

مقاومة الاكواع لمرور الهوا اعتقد ان تاثيرها اكبر من تاثير الحرارة

mmamdouh

اه نظريه بردو يا مان بس لو مفيش كوع يبقا هتكون افضل
و عموما الفلتر العادي فيه كوع بردو و الاستنلس فيها كوع بردو!

[MMamdouh]

فيه فرق بين الكوع و الانحناء... الكوع بيبقى زاوية لكن الانحناء بيبقى ناعم و مرور الهوا فيه بيبقى سلس

MMamdouh

[M.Akef]

اه تمام يا مان الف شكر

[mido_1311]

يعني لو ماسوره pvc من غير اكواع افضل و احسن من الاستانلس يا استاذ محمد ؟؟؟؟

[MMamdouh]

نظريا ايوة لان المايوة مش حيبقى فيها اى مقاومة و مش حتمتص اى حرارة من الحوض

MMamdouh

[smax]

طيب لاو ستانلس ستيل و مغلف من الخارج بعازل مواسير التكييف, بس دة لاو عازل دة غير قابل للأشتعال, يعني ميولعش من سخونة الموتور.