Project Juliet 2.0

[MMamdouh]

من اللى شوفتة فى الفيديو دى اصلا كان فيها مكنة 1500 بالتالى الفتيس بتاعها اقصر نقلات فى فتيسات الدايو و بالتالى مع التغيير الى مكنة 2000 و زيادة العزم بشكل كبير حيبقى الفتيس دة قصير جدا جدا بالنسبة للمكنة

شغلوا الفيديو تانى و اسمعوا كمية التفصيل اللى المكنة بتعملها و الراجل كابس على الاول... كل دة فرك فى الهوا و العربية مبتمشيش و دة بيحصل شوية برضة على التانى بتالى برضة بيضيع وقت كبير فى الطلعة

العربية دى كانت عايزة فتيس بتاع مكنة 1600... الفتيس دة نسبة اطول من الفتيس بتاع المكنة ال1500 و فى نفس الوقت حيدى تسارع حلو... فتيس المكنة ال2000 نسبة طويلة و مش حيتسارع بشكل كويس لكن حيدى سرعة قصوى اعلى من الفتيسات التانية

الموضوع مش محتاج ASR... القصة كلها ضبطة رجل فى الطلعة مع كاوتش تماسكة عالى مع الارض... ممكن عربية اقل فى القوة تشب فى الطلعة لكن بعد كدة العربية دى حتفرق عنها جامد

الفيديو مش مقصود منة توضيح زمن تسارع او سرعة قصوى... الفكرة توضيح مشروع التسقيط نفسة و امكانية تركيب مكنة 2000 فى لانوس/جوليت (بخلاف مواتير الاوبل)

MMamdouh

[Adham]

تمام استاذ محمد و دة كان رأيي من لاول ان الفتيس نسبة قصيرة

و انا رأيي ان نسب ال 2000 مهما كانت اطول من نسب فتيس ال 1500 او ال 1600 حاتكون احسن علشان العربية خفيفة و عايزة فتيس يحول عزم الموتور لتسارع بدل ما العجل بيفرك عالفاضي في النسب الصغيرة و دة برضة يتحقق من طقم جنوط كبيرة شوية و كاوتش عريض يدي تماسك و يحول عزم الموتور لطاقة تسارع

[MMamdouh]

بالضبط كدة

MMamdouh

[eslamrace]

والله مواضيعك كلها افيد من بعض
مشكووووووووووووووووووووووور وفى انتظار كل جديد