عايز أعرف رأيكم ليه المصنع مش بينزل الحاجات دي.

[SeaShark]

انا من هواة جدا اني اضيف حاجات علي العربية و اعدلها و كده

و في الفترة الاخيره طالع في دماغي اني اركب فلتر هواء رياضي
و اني اركب بارات الاتزان الامامية و الخلفيه (strut bars)

و قريت كتير في منتدي هنا عنهم و خصوصا عن بارات الاتزان و بصيت عليها علي النت و واضح ان ليها فوائد كتير جدا في تماسك شايسه السيارة مع الملفات و الاتزان و الثبات العام للسيارة و تحسين الاداء العام للعفشة.

و نفس الكلام بالنسبة لفتلر الهواء انه بيزود القدرة الحصانيه و ان كان ليه بعض العيوب.

طيب السؤال اللي انا عايز اعرفه ليه العربيه مش بتنزل من المصنع راكب فيها الحاجات دي طالما هي مفيده اوي كده يعني بارات الاتزان دي مثلا هتغلي العربيه كام لو نزلت بيها 1000 جنيه يعني

يعني ليه المصنع مش بينزل عربية بفلتر هواء رياضي من الاول او راكب فيها بار اتزان امامي مثلا عمري ما شوفت عربيه نازل فيها الكلام ده

برضه بالنسبه للسماعات الخلفيه أغلب العربيات بتنزل بالسماعات المدوره العقيمة دي ليه مينزلوش عربية فيها سماعات بيضاوي من الاول و برضه مش مكلفه و مش هتزود تمن العربية كتير

أيه رأيكم في الكلام ده و هل لو عملت حاجة من دول ممكن التوكيل يخرجني برة الضمان ولا لا ؟؟؟؟

[medo2o1o]

ابتسم انت فى مصر
ليه ممكن تستمتع لما ممكن تدفع اكتر و متستمتعش

[SeaShark]

ابتسم انت فى مصر
ليه ممكن تستمتع لما ممكن تدفع اكتر و متستمتعش

عندك حق والله بس الموضوع ملهوش علاقة بمصر يعني في عربيات بتيجي متقفلة من برة و فيها نفس الكلام ده

[AlGazar2]

عندك حق والله بس الموضوع ملهوش علاقة بمصر يعني في عربيات بتيجي متقفلة من برة و فيها نفس الكلام ده

بتتطلب منهم كده لو الموزعين بتوعنا طالوا يقولولهم نزلوها من غير كراسى و فرش ابوب و من غير عزل عشان يوفروا فلوس هايعملوها

[hesham69]

اقولك انا ياباشا لاسباب كتير

1 : التوكيل والموزع مش عايز كماليات زياده لان ده هيزود فى سعر العربيه فى الناس مش هتشترى العربيه لما تغلى فا بيدور ازاى ارخصها مش اغليها وعلى حساب حاجات كتير بعكس طبعا بعض العربيات

2 : لما احط كل الاضافات فى العربيه من كاسيت وسماعات كويسه والبارات والعفشه رياضيه مثلا وهكذا ده هيبقى تكلفه ايضا على المصنع وعلى سعر العربيه فى انا احط اهم الحاجات واسيبلك الباقى انت تضيفه اى عربيه تقدى تضيف ليها حاجات كتيره جدا طبعا انا بتكلم على العربيات العاديه جدا

3 : فى بعض العربيات بينزل فيها البارات الى بتبقى قدام فى الشاسيه وهى البروتون ( جين 2 - بيرسونا ) وده عشان الثبات

[engahmedsamy]

البروتون بينزل فيها علي فكرة

[John_Samy_1]

الStrut Bar بينشف العفشه جدا جدا. والعربية مش بتبقي مريحة فالمطبات أو الشوارع المكسرة عشان الStrut Bar مش بيسمح لكل مساعد منفصل يمتص الصدمة ويسيب البقي في حاله لأ لازم الشاسيه كله يتأثر. هو مناسب جدا لTrack السباق أو النسخة الرياضية من العربية عشان اللي هيجيبها مش جايبها يتفسح أو يستريح بيها ده جايبها يشد بيها فـيستحمل شوية ترزيع.

الفلتر الرياضي بيزود القدرة الحصانية آه بس بيدخل هو زيادة في الموتور ولو متعملش صيانة دورية هيدخل تراب زيادة ( واحنا في مصر عندنا فائض عالي من الرمل والتراب ) وكمان هو زيادة معناه حرق زيادة معناه استهلاك بنزين أعلى معنى حرق على الموتور أعلى ولو الموتور مش مصنع من مواد تستحمل الضغط الزيادة الجديد هايفوت أسرع ومش هيعيش وعمره يقصر. حرق زيادة يبقي محتاج بوجهات اقوي تستحمل الحرق الأكتر بيسموها رياضية. برده اللي يحط فلتر رياضي مش عشان يتفسح بيه ده هيستحمل صوت + استهلاك بنزين + قصر عمر بعض الاجزاء + تكاليف صيانة + اجزاء جديدة في مقابل 7 حصان زيادة بالكتير بيترجم ده لثانية واحدة في التسارع تقريبا.

وفيه عربيات مصممة لده وبتنزل بيه أنا مثلا عربيتي ملهاش فلتر رياضي ( K&N ) برغم وجود واحد للLeon عشان أنا عربيتي بتنزل بفلتر نفس أداء الرياضي بس معمول حسابه وبتوفر البنزين عشان الGear Box الDSG بيكون 7 سرعات والموتور يستحمله.

[smsm_nabawy]

الStrut Bar بينشف العفشه جدا جدا. والعربية مش بتبقي مريحة فالمطبات أو الشوارع المكسرة عشان الStrut Bar مش بيسمح لكل مساعد منفصل يمتص الصدمة ويسيب البقي في حاله لأ لازم الشاسيه كله يتأثر. هو مناسب جدا لTrack السباق أو النسخة الرياضية من العربية عشان اللي هيجيبها مش جايبها يتفسح أو يستريح بيها ده جايبها يشد بيها فـيستحمل شوية ترزيع.

الفلتر الرياضي بيزود القدرة الحصانية آه بس بيدخل هو زيادة في الموتور ولو متعملش صيانة دورية هيدخل تراب زيادة ( واحنا في مصر عندنا فائض عالي من الرمل والتراب ) وكمان هو زيادة معناه حرق زيادة معناه استهلاك بنزين أعلى معنى حرق على الموتور أعلى ولو الموتور مش مصنع من مواد تستحمل الضغط الزيادة الجديد هايفوت أسرع ومش هيعيش وعمره يقصر. حرق زيادة يبقي محتاج بوجهات اقوي تستحمل الحرق الأكتر بيسموها رياضية. برده اللي يحط فلتر رياضي مش عشان يتفسح بيه ده هيستحمل صوت + استهلاك بنزين + قصر عمر بعض الاجزاء + تكاليف صيانة + اجزاء جديدة في مقابل 7 حصان زيادة بالكتير بيترجم ده لثانية واحدة في التسارع تقريبا.

وفيه عربيات مصممة لده وبتنزل بيه أنا مثلا عربيتي ملهاش فلتر رياضي ( K&N ) برغم وجود واحد للLeon عشان أنا عربيتي بتنزل بفلتر نفس أداء الرياضي بس معمول حسابه وبتوفر البنزين عشان الGear Box الDSG بيكون 7 سرعات والموتور يستحمله.

+1

exactly sire ,, I was going to tell the same ,, thnx for the good answer