استفسار على السريع في الفلتر الاسبور

[bmya]

السلام عليكم

دلوقتي انا مركب فلتر k&n في عربيتي الدايهاتسو سيريون وتمام
بس الاستفسار بقه عن
ان انا مش مركبه على طوول يعني شويه ركب الفلتر الاسبور امشي به شويه وبعدين بشيله واركب الفلتر العادي
لان الاسبور بصراحه بيجنن الواحد صوته جامدا اوي وسحب بتاع العربيه حلو فعمال اشد واحرق كتييير
عشان كده بركبه شويه واركب العادي شويه
هل ياترى التغيير الكتير ده في غلط على العربيه

[ahmad--ezzat]

هو مفيش حاجه وحشه على العربيه...بس يستحسن تركب الفلتر الاسبور على طول بقا....لان مش كل شويه هتشيل وتحط الموضوع هيبقى مرهق الصراحه :)

الفلتر السبور لما تمشى بيه هادى الموتور هيستريح اكتر وهتوفر بنزين بس بطريقه مش ملحوظه اوى يعنى

حاول تتمالك اعصابك بقا وانت مركب الفلتر السبور هههههه (انت محسسنى انه بيزود 40hp )

[bmw323]

الفلتر الأسبور يفضل أنة ياخد هواء بارد هاتلو ماسورة وأفتحلو فتحة فى مكان الفوجات غير كدة بيبقى صوت فقط

[bmya]

شكرا يا جماعه للرد بس انتم دخلتوا في حوار مميزات وعيوب الفلتر
انا كل اللي عايز اعرفه هل في عيب او خطر او ضرر من تغيير الفلتر كل فتره من اسبور لعادي (غيرانه مرهق في الفك واالتركيب يعيني )

ووهو فعلا لما بمشي به هادي بحس ان العربيه هاديه ومش مخنوقه وانعم بس لما الrpm يجي عند 3000 وطالع الصوت بيجنن الواحد وفعلا انا حاسس بفرق كبير في السحب

المهم في ضرر من التغير ولا عادي

[misoalex]

من خبرتى البسيطه اقولك لا عادى بس انا مش شايف سبب انك تشيله وتركبه كل شويه

لان صوته مع المشى العادى بدون حرق حتلاقيه صوته هادى والعربيه انعم معاك وبتتنفس

خليه يا استاز شريف هو فى كل الاحوال كويس بس نضفه كل فتره بالهوا ولو ليه زيت تنضيف يبقى تمام

انا شفت واحد غسله تحت الميه بالصابون وحطه فى الهوا ينشف يوم وركبه عادى ورجع زى الجديد

[smsm_nabawy]

لا مفيش ضرر ولا حاجة .. بس متقرفش نفسك كل شوية حطه و سيبه ،، و متحرقش على ار بي أم عالي عشان ميستثيركش ،، انا زيك كده بس بالفلتر العادي والله ، و بيعمل معايا صوت جميل برده ،، ما بالك لما أركيب اليونيفيرسال شايب :))

على العموم أنا لما بلاقي نفسي حشد ،، بدور بسرعة على أي عربية سايقها واحد كبير كده بسرعة معقولة من غير تهور و ألزق واراها ،، و الله ما بسيوبه ،، "طالما أنا مش مستعجل" لو مستعجل بجري من غير مالفلتر يفكرني :))

أخر مرة عكلت الحركة دي ،، فضلت واخد واحد لانسر بومة على البحر كله و أخدت معاه اليوتيرن كمان و في حته كده ،، هو دخل منها أنا كملت و دخلت على شارع جمال عبد الناصر من حته تانية ،، لما لقيته قدامي ،، قعدت أضحك ضححححححك ،، و فضلت ماشي واراه برده ،، لقيته ضرب أنتظار و ركن و بصلي ،، أنا بصيتله و قعدت أضحك و مشيت ،، بس كان موقف مضحك أوي ،، بس أعمل ايه ، على حظي هو شكله كان رايح بيتي ولا حاجة :))

فنصحيتي لما تعمل كده متفضلش ورا عربية ةاحدة كتير ،، عشان ميتشكش فيك :):)

[power]

ناس كتير بتشيل الاسبور في الصيف وتركب العادي علشان الجو بيبقي حر جدا عادي يعني فك وركب زي مانت عايز

[magyver]

لا عادي يابو شريف مافيش اي مشاكل

[amrnagy]

اعتقد عادي مفيش مشاكل