عايز اركب سوبرتشارجر علي الكولت 97

[shriefcolt]

انا معايا كولت 97 مسقط موتور 2000سي سي 4g94
140 حصان موديل2007
عند مين اقدر اركب سوبرتشارجر وينفع يركب ولا التيربو احسن

انا مركب وعفشه رياضيه كامله وجنط 16 علشان العربيه ما طيرش
ومع فلتر هواء رياضيk&n وبوجيهات ngk ايرديوم
صور للموتور

http://www.youtube.com/watch?v=lvQ4ypRjU0A

[Fadi Ezzat]

الماتور جامد جدا بجد ربنا يباركلك فية
بالنسبة للسوبر تشارجر مش عارف مين بيركبة
بس الفرق مابينة ومابين التربو
ان السوبر تشارجر هيبدا معاك بقوة مع بداية المحراك انما
التربو بيفتح على 3000 لفة تقريبا
وبالنسبة للناس الى بتركب التربو فى عادل وجدى فى الحرفيين استاذ محمد ممدوح كان دايما بيرشحة

[Ralliart]

بسم الله ما شاء الله طول عمري بحلم اجيب كولت واظبطها
اكتر واحد هيفيدك هو عادل وجدي لانه راكب كولت هو كمان (1600 مايفيك تيربو) ومظبط كولتات بالهبل

[magyver]

بالظبط كدة عادل وجدي هو اللي يعملهاالك من الاخر
الا قلي
جبت المكنة بكااام ومننين ومين اللي سقطهاالك

[ahmedtunning]

بص يا وحش
السوبر شرجر بيركب علي الموتور يعني يشتغل علي قوة الموتور فيه بولي بتتوصل بالسير وهو بيهلك الموتور جدا و بيحتاج موتور قوي جدا جدا جدا
وخبراء التعديل بيركبوا لما بيكون الحوض ضيق مفيهوش مكان للتربو

التربو بقي طريقة عمله انه بياخد هو العادم و يشغله وهو بيشتغل اول ما العربية تدوووور وكفاءته بتزيد لحد اعلي rpm انت بتوصلوا وفي اجزاء بتتركب معاه تخليك تتحكم في كل حاجة

نصيحة مني لو عايز ترفع كفاءة عربيتك يبقي تربو وكمان لان مفيش حد في مصر بيركب سوبر شرجر لانه غالي وظبطه صعب عشان بيحاتج شغل كتير

[midoelking]

السوبر تشارجر مش بيركب غير على 8 سلندر و افضلهم الهيمى طبعا

[MMamdouh]

مين قال انة بيركب على 8 سلندر فقط... اذا كانت المرسيدس الC250 اربعة سلندر فقط و بتنزل ستوك بسوبر شارجر؟؟؟

MMamdouh

[Ayliz_2009]

انا اتخنقت من المنتدى ده من كتر الفتي

[shriefcolt]

ياجماعه انا شوفت ماكنه فيات 4سلندر 2000 سي سي 2 كامه
راكب عليها سوبر
تشارجر واسم المكنه فولمكس
ولا في تحميل ولا حاجه علي الموتور
وتجميع العربيه غير طبيعي من اول دوسه بنزين

[shriefcolt]

الموتور انا جايبه 5500 جنيه علشان موديله عالي
وخد المكنه بتعتي ب1500 جنيه
يعني انا دافع
4000 جنيه
المكنه جيه كامله بالفتيس وال ecu والضفيره

[magyver]

سعرها حلو
ماشاء الله
والعربية الفيات اللي بتقول عليها دة شفتها فين