مشروع تعديل ابيزا 2009 و محتاج مساعدتكم و خصوصا ممدوح

[mr_shims_49]

السلام عليكم

انا معايا ابيزا 2009 الموتور 1600 سي سي 105 حصان و العزم 153 نيوتن الفتيس تيبترونيك 6 سرعات هي نفس موتور و فتيس الجيتا
انا مركب فلتر هوا K&N بس اللي هو بتاع العربية يعني راكب جوة العلبة بتاع الفلتر العادي هو بصراحة عمل فرق ملحوظ في الاداء
انا عايز بقي افكار تعديلات ازود بيها اداء العربية و في نفس الوقت ماتضرهاش انا فكرت في اكزوست سيستم بس المشكلة مش عارف ايه النوع و المقاس المتناسب مع الموتور ده عشان ال back pressure ياريت تساعدوني
بخبراتكم بس بلاش موضوع التربو و كده
وشكرا مقدما

[bedo13]

اولا شيل علبة البيئة..
موضوع الاكزهوست:
بتركب هيدرز وعلبة شكمان نضيفة..
تقريبا بتجيب قطر المواسير اكبر من الاصلية بنص بوصة بس مش متأكد..

في سيستم كامل اسمه Sprint بييجي مخصوص للعربية ومش بيضر بحاجة..
اسأل عند عادل وجدي او حمادة غزي..
ايمن momo10000 كان جايبه من عند حمادة غزي في بور سعيد بس جابهولو من برة مخصوص للميجان..

[bedo13]

ممكن تغير نظام فلتر الهوا بcold air intake..
تغيير الflywheel بنوع اخف..
تقلييل وزن العربية (كراسي رياضية - جنوط سبور ماركة محترمة)

[blazer]

بعد كل التعديلات دى
العربيه هتبقى برده تقريبا هى هى
هتزيد كبيرها 10 حصان
بعد الاكزوست سستم المكلف
انت المشكله ان العربيه جديده لسه
لو كانت موديل اقدم كنت تغير الماتور بواحد 1800 تربو

[mr_shims_49]

اولا شيل علبة البيئة..
موضوع الاكزهوست:
بتركب هيدرز وعلبة شكمان نضيفة..
تقريبا بتجيب قطر المواسير اكبر من الاصلية بنص بوصة بس مش متأكد..

في سيستم كامل اسمه Sprint بييجي مخصوص للعربية ومش بيضر بحاجة..
اسأل عند عادل وجدي او حمادة غزي..
ايمن momo10000 كان جايبه من عند حمادة غزي في بور سعيد بس جابهولو من برة مخصوص للميجان..

اولا يا باشا الف شكر علي ردك و اهتمامك
ثانيا تمام انا برضه عايز اجيب سيستم يكون نازل للعربية متعرفش سعره هايكون في حدود كام ؟

ممكن تغير نظام فلتر الهوا بcold air intake..
تغيير الflywheel بنوع اخف..
تقلييل وزن العربية (كراسي رياضية - جنوط سبور ماركة محترمة)

معلش ممكن تشرحلي يعني ايه اغيره ب cold air intake قصدك اجيب فلتر من اللي هوا بيركب بره العلبة ؟
و ايه هي ال fly wheel

بعد كل التعديلات دى
العربيه هتبقى برده تقريبا هى هى
هتزيد كبيرها 10 حصان
بعد الاكزوست سستم المكلف
انت المشكله ان العربيه جديده لسه
لو كانت موديل اقدم كنت تغير الماتور بواحد 1800 تربو

شكرا يا باشا لردك الموتور اللي تقصده ده اللي بينزل بره في الابيزا الكوبرا اللي هو 1.8 تربو بيطلع 180 حصان
هو الموتور ده موجود في مصر و حالته كويسة ؟و سعره في حدود كام انا طبعا مش هاقدر اركبه دلوقت العربية لسه جديدة انا بسأل عشان بعد كده ان شاء الله

[bedo13]

اولا يا باشا الف شكر علي ردك و اهتمامك

الشكر لله, تحت امرك..

ثانيا تمام انا برضه عايز اجيب سيستم يكون نازل للعربية متعرفش سعره هايكون في حدود كام ؟[/COLOR][/SIZE]

ماعرفش والله بس هو بيكون غالي اكتر مما تتخيل..
معلش هو اسمه Supersprint

معلش ممكن تشرحلي يعني ايه اغيره ب cold air intake قصدك اجيب فلتر من اللي هوا بيركب بره العلبة ؟

يعني فلتر هوا بالماسورة مش replacment زي اللي حضرتك جايبه و تكون الفتحة بتاعته بتجيب هوا بارد من برة العربية , يعني طالعة من عند الفوجات مثلا..

و ايه هي ال fly wheel

دي الحدافة ووزنها بيكون تقيل, تتغير بواحدة اخف هتفرق جااامد..
سمعت والله اعلم ان كل 1 كجم من الحدافة يعادل تخفيف 50 كجم من وزن العربية (مش متأكد من النقطة دي)

[mr_shims_49]

الشكر لله, تحت امرك..

ماعرفش والله بس هو بيكون غالي اكتر مما تتخيل..
معلش هو اسمه Supersprint

يعني فلتر هوا بالماسورة مش replacment زي اللي حضرتك جايبه و تكون الفتحة بتاعته بتجيب هوا بارد من برة العربية , يعني طالعة من عند الفوجات مثلا..

دي الحدافة ووزنها بيكون تقيل, تتغير بواحدة اخف هتفرق جااامد..
سمعت والله اعلم ان كل 1 كجم من الحدافة يعادل تخفيف 50 كجم من وزن العربية (مش متأكد من النقطة دي)

انا متشكر جدا لذوق حضرتك و متابعتك معايا
بس معلش هتقل عليك شوية انا بصراحة مش عارف ايه هي الحدافة ممكن تقولي دي بتكون راكبة فين و وظيفتها ايه ؟

[bedo13]

الحدافة اخر جزء في الموتور بعد الكرنك و قبل الفتيس (راكبة على اسطوانة الدبرياج في المانيوال)
فايدتها نقل الحركة من الموتور للفتيس وهي عبارة عن ترس كبير ووزنه تقيل..

[mr_shims_49]

و هل دي ينفع تتغير عندي و هاتعمل نفس الفرق في الاداء مع العلم ان الفتيس تيبترونيك ؟

[bedo13]

غالبا ينفع عشان الاختلاف بين الاوتو والمانيوال من بعد الحدافة..
الفكرة انك تلاقيها اصلا..
هنا في مصر مش هتلاقي غير بتاع السيفيك الb16 واللانسر مايفيك..

[mr_shims_49]

ربنا يسهل ان شاء الله لو كده ممكن اجيبها من برة طيب معلش انا عارف اني تقلت عليك جامد ماتعرفش طريقة اقدر اشتري بيها حاجات من علي اي باي بتاع بريطانيا اصل هو عليه حاجات كتير جدا للعربية دي لأن في انجلترا و كده الابيزا زي الهوندا و الانسر عندنا كده :(

[bedo13]

ماعرفش خاااالص اشتري حاجة من عالنت..
بس خللي بالك حاجات الاي باي مش كلها بتكون كويسة..

[mr_shims_49]

الف شكر يا باشا و معلش تعبتك معايا