ينفع أزود حجم الموتور نفسه من 1400 ل1600

[MOTORULE]

أنا معايا فيات تيبو ال1400
بقلب النت من كام يوم لقيت أن مقاسات البستم و عمود الكرنك بتوعها مشتركين في حاجات كتير مع موتور الماريا و الستيلو ال1596 سي سي(ماعدا سفر البستم طبعا)
فعايذ أعرف ينفع أغير عمودين الكرنك مكان بعض ولا لا
ولو ينفع هيبقي لازم تتغير حاجات كتير ولا لا

[x_gomgom]

موضوع انك تزود سعه الموتور ميكانيكياً ممكن لكن المشكله لو عربيتك انجكشن انك تظبط الحساسات على القرايات الجديده....
لانك هتحتاج كميه هواء و بنزين مضغوط اكتر ودا عايز الحساسات تتقبل القرايات الجديده.....
هي ليها حسبه معينه على الاساس دا ممكن تعرف اكبر سعه ممكن توصلها باستخدام نفس البلوك اللي عندك...
انا عملت الموضوع دا في البولونيز عندي بس للاسف بقت سفاحه بنزين (غيرت كرنك و البساتم و صرفت هوالي 4800 جنيه)

[kamalsalem]

كله بيتخرط يا باشا... بس لا أنصحك... اشتري مكنة جديدة وخلص نفسك... عشان الاجزاء الجديدة هتكلفك تمن مكنة

[MOTORULE]

نورتوني و الله يارجالة
أول حاجة أنا كاربيراتير و العربية أصلا فاضية لا باور و لا أنجكشين ولا أي حاجة خالص ممكن تضايق العملية دي
تاني حاجة أنا عايز أغرف الكرنك ده بالذات هيحتاج خراطة أو تعديل في البلوك ده بالذات
و كمان هحتاج أغير أيه بالظبط زي مثلا وش السلندر و الكامة الكاربيراتير وكده يعني
و موضوع تغير الموتور نفسه هو فكر محترم طبعا
بس صعب عليا لأني كاربيراتير لو جيت أشتري موتور جديد هطمع بقي و أجيب أنجيكشن و غير الضفيرة و أطلع و أنزل و عوم فراشة و علي ضهرك
أنما موضوع ال1596 في الخفيف كده لما أجي أعمل عمرة
ولا أيه رأيكوا

[usama735]

الفرق فى مقاس البستم فقط 86.4 مم .............................وشكرا

usama735@yahoo.com

[heshamzaky]

طيب يا باشا لما أنت معاك تيبو مش بتدخل رابطة التمبرا لية أنت عارف اللينك و لا لآ http://www.nilemotors.net/Nile/189802-a-60.html

و الاسهل بمنتهى السهولة بما ان عربيتك مش أنجيكشن أشترى موتور 1600 سى سى حا يركب بمنتهى السهولة مفيش حاجة شيل و حط شوية حاجات صغيرة جدا الى حا تتركب و الموتور لو لعبت فية صدقنى انسى أن اى خراط يعرف يعمل الى انت عاوزة

[pro_samir]

الخرط بيكون ليه حدود وإلا فارغة الموتور ممكن تتكسر والله أعلم

[heshamzaky]

بص با باشا الكلام دة حا يبقى فى الخيال و علشان تعرف طقم الاسطوانة و الديسك بتوع ال 1400 أصغر من بتاع ال 1600 سى سى قولى حا تتصرف أزاى حا تعدل ازاى

[MOTORULE]

ألف شكر ياجماعة علي الردود و الأهتمام
1- أنا قصدي الموتور ال1600 اللي مقاساته 80.5*78.4 مش اللي مقاساته 86.5*67.4 يعني نفس البساتم بس كرنك أكبر ب11 مللي
2-أنا سوالي أنه لازم أخرط البلوك ولا هيركب بدون تعديلات ويبقي الفرق السبيايك بس
3-بالنسبة لطقم الدبرياج فلسه محددتش هسيب الفتيس اللي عندي و اللي حالته مش 100 100 ولا أصلا هغير الفلايويل و احط فتيس التمبرا ال1600 أو الماريا ال1600

[MOTORULE]

طيب يا باشا لما أنت معاك تيبو مش بتدخل رابطة التمبرا لية أنت عارف اللينك و لا لآ http://www.nilemotors.net/nile/189802-a-60.html

و الاسهل بمنتهى السهولة بما ان عربيتك مش أنجيكشن أشترى موتور 1600 سى سى حا يركب بمنتهى السهولة مفيش حاجة شيل و حط شوية حاجات صغيرة جدا الى حا تتركب و الموتور لو لعبت فية صدقنى انسى أن اى خراط يعرف يعمل الى انت عاوزة

المشكلة أن اللي أعرفه أن كتير من المواتير الأستيراد بتحطها من هنا و مفيش كام شهر تلاقيها محتاجة عمرة
يعني زي البطيخة ده غير حوارات المرور اللي بأمانة معرفش عنها حاجة

[heshamzaky]

عمل الورق من المرور مش هى دى المشكلة الاهم أنك تجيب موتور كويس و فية ناس و هيا شارية الموتور بتعمل طقم شنبر زيادة ضمان و أبعد عن المواتير ال 2000 سى سى و مواتير الماريا كفاية موتور 1600 سى سى و كل حاجة موجودة و الحوار بتاع الاسطوانة دى ما ينفعش أزاى انت تركب موتور 1600 و علية اسطوانة 1400 كأنك بتنخنق العربية و أعتقد انة مش حا يركب بتاع ال 1600 مينفعش يركب فى الموتور ال 1400

[MOTORULE]

منورني ياريس و ياريت مكنش مصدعك
أنا هقولك علي اللي أنا عارفه و اللي في دماغي و نتفاهم
الماتورين ال1600 و ال1400 بتوعنا يعتبروا ماتور واحد نازل بسعتين مختلفتين عن طريق تغير قطر البساتم
يعني بلوك واحد بيختلف فيه القطر و نفس عمود الكرنك
وطبعا مادام نفس عمود الكرنك فيبقي نفس أماكن تثبيت الفلاف أو الفلاي ويل وده يخلني أقدر أركب الفلاي بتاع ال1600 و منه طقم الدبرياج و التيس بتاع ال1600
و الطرقتين اللي أقدر أزود بيهم حجم الموتور يأني أزود سفر البستم يتغير الكرنك و ده لو سهل و ينفع يبقي مصلحة
أو أني أزود قطر البستم يعني أخرط البلوك بتاعي يبقي زي البلوك بتاعك و واضح أنك مبتثقش في الخراطة و أنا معاك
و السبب أني مش عايذ موتور جديد أن البلوك عندي حالته كويسة و لما أجي أعمل عمرة بدل مشتري حاجات ال1400 هشتري حاجات تانية علي أعتقادي و الله أعلم ممكن تركب بدون تعديلات في الموتور و الحاجات ده هتبقي أدامي و حالتها واضحة بدل ما يكون موتور كامل مقفول أغلي و الله أعلم بيه من جوه

[MOTORULE]

و في فرق تاني بين البلوكين نسيته هو الأسبراتير عندي المكان العادي عندك من الجمب اليمين

[heshamzaky]

و الوش و الصبابات حا تعمل فيهم اية عاوز افهم كدة كل وجهت نظرك

[MOTORULE]

أنا علي فكرة دخلت علي اللينك بتاع رابطة التمبرا فلو تحب نكمل هناك أو هنا زي ماتحب
بالنسبة للوش و الصبابات أحنمال أسيبهم زي ماهما أو هي دي اللي هنخرط فيها و نكبر الصبابات أو بما أنها نفس البساتم فممكن اللعب يبقي في الكربيراتير بس
الحاجة اللي مش مخطط ليها هي السبايك
بفرض أن الكرنك ركب بدون مشاكل هنبقي محتاجين سبايك أقصر 5.5 مللي (78.4-67.4)/2
دي بقي حلها أيه