موتور 1400 للبولو 2000

[Sherif Moussa]

السلام عليكم
إيه رأيكم فى الموتور ال 1400 للبولو 2000؟
وإيه المشاكل اللى ممكن تحصل بعد التغيير؟

[subway]

حلو وهيفرق كتير عن 1000
المشكله مين بيفهم وينزل الماتور من غير مايبوظ حاجه تانيه وهل الماتور الى هتشتريه استيراد هيطلع كويس ولا اى كلام
انا اعرف واحد ركب موتور 2000 على جولف2 ماكملش بيه شهر وضفيره الماتور اتحرقت:(
لازم تختار حد كويس يقفل الشغل كويس

[Sherif Moussa]

شكرا يا باشا على ردك
بس يا ترى فين الاقى حد كويس بيفهم فى الحاجات دى؟

[fahd_628]

تنزل الحرفيين او بورسعيد

[mohamed ibiza]

موتور 1400 سي سي علي البولو ال 1000 سي سي هيخليها طلقة بمعني الكلمة في عضو هنا معانا مسقط موتور الكوردوبا الجديدة ال 1400 سي سي علي ابيزا 99 1000 سي سي بيقول انها رهيبة بس دور علي حد يقفل كويس و يركب صح و بنضافة و طبعا العقشة هتتغير و يا ريت تجنطها و تعرض الفرد و تهتم بتقوية نظام الكبح و تحطلها Abs









Ibiiiiiiiiiiiiiiiiiiiiiiiiiiiiiiiiiizzzzzzzzzzzzzz zzzzzzzzaaaaaaaaaaaaa For Ever

[Ahmad Allawy]

من الاخر.. تغير العربية..
انا من رأيي انك بدل ما تعمل كل وجعا لقلب ده..
بيع العربية دي واشتري ابيزا 1400 او جولف 1400 وشتري دماغك من الهم ده كله..

[pcegypt]

من الاخر.. تغير العربية..
انا من رأيي انك بدل ما تعمل كل وجعا لقلب ده..
بيع العربية دي واشتري ابيزا 1400 او جولف 1400 وشتري دماغك من الهم ده كله..

مع احترامي لرأيك ، تسقيط موتور 1400 بالكتير يتكلف 4 الى 5 آلاف جنيه في حين ان الإبيزا 1400 الجديد تمنها 95 الف جنيه ، والجولف 4 مستعملة 1400 موديل 2000 تعمل في حدود 75 الف.

تحياتي

[Ahmad Allawy]

هو مش لازم يجيب ابيزا جديدة ولا جولف موديل 2000
مش كده ولا ايه؟؟
لو جاب ايبيزا 98 ولا جولف 97 هتبقي تقريبا في نفس حدود السعر..
او اكتر شوية بسيطة بس ريح جماغه من القلق ده و الجري ورا الصنايعية و التجربة ..
انا عن نفسي لما اضطريت اغير كرونة العربية القديمة اللي كانت معايا قعدت شهر انزل الوكالة وعزبة شلبي كل اسبوع في الاسبوع مرتين كمان..
وطلع عيني لحد ما لقيت حاجة نضيفة.. و كمان كان معايا ميكانيكي كويس..
وكمان فكيت وركبت 3 او 4 مرات..
وجع دمااااااااااااااغ..
وكمان اللي انت مش واخد بالك منه ان العربية نفسها ممكن متستحملش الحمل ده كله..
البودي والشاسيه ميستحملش وزن الموتور و قوة الموتور..
انا فكرت فترة كده اشوف كورسا 1400 ساعة ما كنت باشتري..
كلمت مهندس معرفة في التوكيل..
قالي ابعد عنها.. وتور اقوي بكتير ووزن اكتر.. هيبهدل الشاسيه.. مش هيبان الكلام ده بسرعة بس قدام شوية التأثير علي المدي البعيد شوية..
وكمان انت هتغير الضفيرة والكنترول يونت بتاعت العربية.. ودي كمان مشكلة.. و خطر..
يعني لو بصيت ليها من ناحية الفلوس كمان..
العربية مهما تصرف عليها كل الكلام
ه بعد شوية لو تعبت منك هتبيعها بتراب الفلوس.. هتخسر فيها جامد لكن لو جيبت عربية هي علي طبيعتها كده انت مش هتخسر فيها كتير مع البيع..

كلامي لو انت مستخدم عادي للعربية..
لكن لو اللي هيتعمل كده بقي عشان يلعب بالعربية.. وهيبقي كله جري وشد و لعب و الكلام ده فهو حر ف اللي يعمله.. هو هيصرف فلوس في مقابل انه يلعب بالعربية وتكون اداء جامد و يقطع بيها الناس شد وجري.. وفي المقابل مش مهم يصرف عليها ومتجيبش الفلوس اللي صرفها..
دي بقي كل واحد و دماغه و تفكيره..

[SEATLOVER]

هو مش لازم يجيب ابيزا جديدة ولا جولف موديل 2000
مش كده ولا ايه؟؟..

انا معاك يا احمد فى رأيك طبعاً ... وغير كل النقط اللى ذكرتها
البولو 2000 معقدة فى كهربتها و الكمبيوتر بتاعها .. و موضوع مختلف جداً و مش ناقص لعب
هى بتبقى فل اوى و هى 1000 cc ..الناس دى عارفة هى بتعمل اية

العربية على طبيعتها ..دائماً هو افضل الحلول

[pcegypt]

هو مش لازم يجيب ابيزا جديدة ولا جولف موديل 2000
مش كده ولا ايه؟؟
لو جاب ايبيزا 98 ولا جولف 97 هتبقي تقريبا في نفس حدود السعر..
او اكتر شوية بسيطة بس ريح جماغه من القلق ده و الجري ورا الصنايعية و التجربة ..
انا عن نفسي لما اضطريت اغير كرونة العربية القديمة اللي كانت معايا قعدت شهر انزل الوكالة وعزبة شلبي كل اسبوع في الاسبوع مرتين كمان..
وطلع عيني لحد ما لقيت حاجة نضيفة.. و كمان كان معايا ميكانيكي كويس..
وكمان فكيت وركبت 3 او 4 مرات..
وجع دمااااااااااااااغ..
وكمان اللي انت مش واخد بالك منه ان العربية نفسها ممكن متستحملش الحمل ده كله..
البودي والشاسيه ميستحملش وزن الموتور و قوة الموتور..
انا فكرت فترة كده اشوف كورسا 1400 ساعة ما كنت باشتري..
كلمت مهندس معرفة في التوكيل..
قالي ابعد عنها.. وتور اقوي بكتير ووزن اكتر.. هيبهدل الشاسيه.. مش هيبان الكلام ده بسرعة بس قدام شوية التأثير علي المدي البعيد شوية..
وكمان انت هتغير الضفيرة والكنترول يونت بتاعت العربية.. ودي كمان مشكلة.. و خطر..
يعني لو بصيت ليها من ناحية الفلوس كمان..
العربية مهما تصرف عليها كل الكلام
ه بعد شوية لو تعبت منك هتبيعها بتراب الفلوس.. هتخسر فيها جامد لكن لو جيبت عربية هي علي طبيعتها كده انت مش هتخسر فيها كتير مع البيع..

كلامي لو انت مستخدم عادي للعربية..
لكن لو اللي هيتعمل كده بقي عشان يلعب بالعربية.. وهيبقي كله جري وشد و لعب و الكلام ده فهو حر ف اللي يعمله.. هو هيصرف فلوس في مقابل انه يلعب بالعربية وتكون اداء جامد و يقطع بيها الناس شد وجري.. وفي المقابل مش مهم يصرف عليها ومتجيبش الفلوس اللي صرفها..
دي بقي كل واحد و دماغه و تفكيره..

انا معاك يا احمد فى رأيك طبعاً ... وغير كل النقط اللى ذكرتها
البولو 2000 معقدة فى كهربتها و الكمبيوتر بتاعها .. و موضوع مختلف جداً و مش ناقص لعب
هى بتبقى فل اوى و هى 1000 cc ..الناس دى عارفة هى بتعمل اية

العربية على طبيعتها ..دائماً هو افضل الحلول

انا بالتاكيد متفق معاكم ان العربية على طبيعتها هي افضل الحلول ، لكن الكلام ده لو تمن العربية الجديدة موجود ، اما بالنسبة للإبيزا 98 فمانزلش منها مصر غير موتور 1000 يعني ماعملناش حاجة والراجل اصلا العربية اللي معاه بولو 2000 ولو جاب جولف 97 يعني بنتكلم في موديل اقدم وعربية اتهلكت مع الشباب يعني برضه ما عملناش حاجة ده غير ان تكنولوجيا البولو 2000 احدث زي ما قال SEATLOVER وعموما المواتير بتتسقط بالفتيس والكنترول يونيت وفي احيان كتير بالعفشة كمان ، وهنا يبقى يا يثبت على عربيته زي ماهي لو مش محتاج قوه اعلى ، أو في حالة تسقيط موتور لازم يختار حد فاهم كويس قوي وبرضه المسالة هايبقى فيها شوية تعب مش بس في التسقيط وكمان في إعادة الترخيص بالموتور الجديد.

تحياتي

[Sherif Moussa]

أنا باشكركم جدا يا جماعه على الاهتمام والردود دى كلها.
ده فعلا الموضوع طلع كبير وعايز واحد دماغ ومتابع.
,انا كده راضى والحمد لله , وحستنى شويه لحد ما ربنا يفرجها و أجيب زيرو أحسن من البهدله دى كلها .
و1000 شكر ليكم جميعا.