الدواسات الرياضية وأشياء أخرى

[عزيز محمد]

السلام عليكم ورحمة الله وبركاته

عندى 3 أسئلة:
1- سمعت عن وجود ما يسمى (دواسات رياضية) وأعتقد المقصود بيها طقم دواسات البنزين والفرامل والدبرياج، السؤال بأه إيه الإضافة اللى بتقدمها هذه الدواسات؟؟

2- هل من المفيد أن يكون الكاوتش الخلفى أعرض من الكاوتش الأمامى؟؟

3- عاوز أغير عفشة عربيتى بعفشة رياضية يا ترى أروح لمين: بتوع قطع غيار الديهاتسو أقول لهم عاوز عفشة رياضية، ولا بتوع المساعدين والسوست ، وأعرف منين نوع العفشة اللى ينفع يركب عندى

وجزاكم الله خيرا

[fahd_628]

1- سمعت عن وجود ما يسمى (دواسات رياضية) وأعتقد المقصود بيها طقم دواسات البنزين والفرامل والدبرياج، السؤال بأه إيه الإضافة اللى بتقدمها هذه الدواسات؟؟

دة بيدى شكل رياضى فقط لا غير

2- هل من المفيد أن يكون الكاوتش الخلفى أعرض من الكاوتش الأمامى؟؟

حاجة لازم تعرفها كل ما تعرض الكاوتش كل ما العربية بتبقى اثبت اكتر و لكن على حساب التسارع و السرعة و استهلاك البنزين و دة لأن الكاوتش المعرض للارض بيبقى اكتر و بالتالى الأحتكاك اكبر و دة بيقلل سرعة العربية و تسارعها بس مش حاجة جامدة اوى بس بيقلل

3- عاوز أغير عفشة عربيتى بعفشة رياضية يا ترى أروح لمين: بتوع قطع غيار الديهاتسو أقول لهم عاوز عفشة رياضية، ولا بتوع المساعدين والسوست ، وأعرف منين نوع العفشة اللى ينفع يركب عندى

عاوز عفشة رياضية محترمة جدا و ادائها ممتاز يبقى تجيب كونى KONI و روح للتوكيل بس معرفش مكانة فين بالظبط بس ممكن الموضوع يتكلف شوية اسأل برضة كام تقريبا بس خد بالك العربية حتبقى مش مريحة فى المطبات و حتحس بكل حاجة فى الشارع و حتبقى ناشفة بس ثبات عالى جدا


و لو ليك اى استفسار انا موجود لو حاجة انا اعرفها طبعا

[عزيز محمد]

شكرا يا فهد على ردك

بالنسبة لتعريض الكاوتش أنا فاهم آثاره، أنا بس حاولت (أتذاكى) وفكرت إنى لما أعرض الكاوتش الخلفى مش هافقد كتير من عزم العربية وكمان مش هيكون ليه تأثير كبير على بوظان العفشة باعتبار إن العجل الخلفى مجرد تابع وخلاص، بس مش عارف بأه الكلام اللى بأقوله ده صح ولا خطأ

[Hossam.Hamdy]

العفشات والسست ممكن تروح تشترى من ارابكوم وممكن تروح لعادل وجدى ده عنده محل فىى الحرفيين..بيعدل فى عفشات ومواتير 0101114357

[fahd_628]

بالنسبة لتعريض الكاوتش أنا فاهم آثاره، أنا بس حاولت (أتذاكى) وفكرت إنى لما أعرض الكاوتش الخلفى مش هافقد كتير من عزم العربية وكمان مش هيكون ليه تأثير كبير على بوظان العفشة باعتبار إن العجل الخلفى مجرد تابع وخلاص، بس مش عارف بأه الكلام اللى بأقوله ده صح ولا خطأ

بصراحة مش عارف ممكن تستنى رأى الخبراء

[عزيز محمد]

شكرا يا أستاذ حسام ويا فهد

وبرضه هاعمل بنصيحتك واستنى رد ((الخبراء))

[عزيز محمد]

يا جماعة انا مازلت فى انتظار الرد

[MoMohsen]

انا اللى اعرفة ان فكرة تعريض الكاوتش الخلفى بتكون موجودة فى الفئات العالية من العربيات الرياضية زى الدودج فايبر مثلا و ان العربي لازم تكون عفشتها و موتورها مهيئيين تماما لحاجة زى كدة .لان بردة اذا كان الجر امامى او خلفى بيفرق معاها.
يعنى من الاخر فكرة انك تحط كاوتش خلفى اعرض ممكن تؤدى معاك لنتائج عكسية.وبردة فى انتظار رد الخبراء

[paladin]

mat3aradsh el kawetsh elly warra fe 3arabya FWD 3shan shaklaha mesh hayeb2a kwayes

[FLYINGPEUGEOT]

بالنسبه لتعريض الكاوتش الخلفى وتعريض الجزء الخلفى من السياره عن الكاوتش والجزء الاماميين زى مابتشوفو كده....
...
الموضوع دا اصلا اتعمل لخدمة عامل ال aerodynamics...فى المقاااام الاول

[عزيز محمد]

شكرا يا جماعة على اهتمامكم بالرد

أستاذ paladin لو كان الشكل مش هيكون تمام لكن الثبات بأه أفضل فده شىء جميل

FLYINGPEUGEOT معلش مش فاهم برضه من ردك هل ده معناه إنى أعرض الكاوتش الخلفى ولا لأ

mmringo كده بقينا اتنين مستنين الخبراء، يا ترى فيه حد تانى عاوز يستناهم معانا