يعني ايه الكلام ده

[fvks]

في الموضوع ده

http://www.nilemotors.net/Nile/196462-a-5.html

ذكروا اسمين
الثروتل والبريرثر
ايه دول علشان انا سرحت مني الحكاية علي الاخر
الثروتل ده فين في النجكشن ولا في الكاربراتير

[smsm_nabawy]

[frame="7 80"]اما البريثر ،، ده حاجة بتتحط لما الواحد بيشيل العمة بتاعته و يعمل مواسير ستاينلس ،، او بي في سي ،، او أي مواسير عمولة ،،

طبعاً أي عمة أصلية بيكون فيها مكان للفايظ بتاع العمة ،، و هي فتحة صغيره لتحت ،، بيطلع منها الفايظ و بخر الزيت الزيادة ..

لما الواحد بيغير العمة و يعمل مواسير عمولة ،، مبيبقاش فيها الفتحة دي ،، عشام كده بيخرمو في المواسير دي ،، بفتحة ضغير اول كده و يطلع منها بوز كده ،، زي العمة الأصلية بظظظبط ،، بس الفرق أنهم بيحطوا على آخرها حاجة شبه الفلتر بظظبط ،، اسمها بريثر ،، عشان ينفس الهوا الزيادة ،، و بخر الزيت "من أسمه بريثر"

و دي صورته
اضغط هنا لمشاهدة الصورة بالحجم الطبيعي.


شايف حجمه بيكون صغير ازاي ؟!!


ده شكله جنب الفلتر الأصلي عشان الحجم ،، و غالباً الراجل كان مركبه



وده شكل الفتحة اللي بتتحط في الماسورة عشان يتركب فيها ..

اضغط هنا لمشاهدة الصورة بالحجم الطبيعي.

يا رب أكون عرفت أساعدك [/frame]

يعني قصدي بكده ،، انه ينفع للأتنين ،، الكاربراتير ،، و الأنجيكشان ... ة هو بيتحط في المواسير الهمولة ،، لما الواحد يشيل العمة .. عشان مبيكونش في مكان للفايظ ،،

فالمواسير الجديدة دي ،، بيتخرم فيها زي بلف كده ،، يتحط فيه البريثر ،، عشان لو هوا دخل من الفايظ ده ،، يكون نقي ،، و ميبوظش الموتور ،، و عشان يعمل صوت زيادة في نفس الوقت

[smsm_nabawy]

في الموضوع ده

http://www.nilemotors.net/Nile/196462-a-5.html

ذكروا اسمين
الثروتل والبريرثر
ايه دول علشان انا سرحت مني الحكاية علي الاخر
الثروتل ده فين في النجكشن ولا في الكاربراتير

اما الثروتل ده ،، اللي هوا البوابة ..

و دي شكلها ..



و هي في الكاربراتير و الأنجيكشان

يا رب أكون عرفت أساعدك ،، و لو حد شايف معلومة غلط ،، ياريت يصححها لتعم الأفادة

تحياتي ...

[injection]

ردك ياسمسم باشا ينفع يتعمل موضوع لوحده, بس لو ممكن أزود:).

خرطوم الفايظ بيبقى طالع من غطاء التاكيهات على ماسورة فلتر الهواء, ووظيفته أنه يدخل هواء متفلتر للتاكيهات.

لما بتجيب فلتر أسبور وتركبه على الماسورة السوده القاديمة, مابتحتاجش تعمل حاجة فى الخرطوم ده.

لكن لما بتجيب ماسورة جديدة, ساعات مبيبقاش فيها مكان للخرطوم, بالتالى ياتعمل للخرطوم مكان فيها, ياتركب breather بدل خرطوم الفايظ ده وتلغييه تماما.

خصوصا أن خرطوم الفايظ وظيفته المبدأية أنه يدخل هواء نقى للتاكيهات, لكن بعد فترة بيطلع منه بخار زيت بيبهدل البوابة والماسورة بتاعت الفلتر من جوه, فالأحسن تبديله ببريزر علشان ميوسخش البوابة والماسورة.



فيديو

YouTube - DIY Breather Filter

والثروتل throttle ككلمة يعنى المخنق, البوابة نفسها أسمها throttle body والفراشة بتاعت البوابة:) أسمها throttle plate

وطبعا سمسم باشا قال المفيد:)

[smsm_nabawy]

ده من ذوقك ،، و ألف شكر للأفادة :))

[fvks]

شكرا لك من ساعد في ايضاح المبهم

[ahmedtunning]

توضيح جاااااااااااامد جدا شكرا يارجالة