تجربتي مع البوجيهات الايرديوم

[Karim_Monir]

بسم الله الرحمن الرحيم
حبيت احكيلكم تجربتي القصيرة مع البوجيهات الايرديوم
كنت عند عرفة جابر وقاللي انه عندة بوجيهات ايريدوم اللي بتقعد 100 الف كم
المهم دورت عليها على النت لاقيتها بتقعد فعلا 100 الف وبيحطها كبار صانعى السيارت في عربياتهم لتقليل فترات الصيانة الى الاضافة انها بتحسن اداء السيارة وبتحسن الحريق
سالتة على تمنها لقيتها ب 290 وهيا علبة حمراة مكتوب عليها تويوتا وانها قطع غيار اصلية
المهم اشتريتهم فعلا وانا في التوكيل في صيانة ال 15 الف قاللي انت لازم تغير بوجيهات
بسال ليه هيا مش على 20 الف
قاللي لاء البوجيهات كل 10 الالاف
حسبتها قولت طقم بوجيهات كل 10 الالاف الطقم ب 40 او 50 من غير الضريبة والتركيب يبقي دي افضل طبعا واوفر
اما عن تحسن الاداء اول ما ركبتها حسيت بتاثير البوجيهات الجديدة بس
لكن ماحستش بفرق وضح بصراحة في الاداء
يعني ساعات وساعات
وواضح اني لازم احط بنزين 95 عشان منظومة الحريق تكون افضل بصفة عامة
لكن على المدي البيعد هيا اوفر بكتير
وفي انواع زي NGK بتتباع ب 170 جنية تقريبا بس انا مارضيتش اجيبها وجبت التويتا اللي رضيوا يركبوها في التوكيل ورحبوا بيها وشافو الفاتورة انها من مركز قطع غيار معتمد زي عرفة جابر

كريم منير

[hamedo0]

مبروك علي البوجيهات يا استاذ كريم

[driftracer11]

الف بركه يا رب تعييش معاك طول العمر

[hazem_khidr]

الف مبروك يا باشا
و اعمل حسابك بقي تجبلي طقم منهم لما اعمل صيانه للياريس :)

[مدحت منيب]

مبروك علي البوجيهات يا استاذ كريم

و لكن هل يظهر تاثيرها الكامل مع اى " اسلاك توصيل "

[Karim_Monir]

الله يبارك فيكم يا جمااعة ولما تنوي بس يا حازم قوللي وابعتهالك لغاية عندك
استاذ مدحت هو طبعا لو السلوك بقت 8 م هاتبقي حاجة رهيبة بس للاسف مفيش سلوك تنفع على الكرولا

[Sharky]

الف مبروك يا كيمو
و ربنا يبارك لك فيه

أنا شكلى ممكن أعمل الحركة دى قريب فى الياريس

[Karim_Monir]

هيا حلوة فعلا يا شاركي خاصة ان مالع=هاش مشاكل تقريبا وبتوفر كتير

[3mr Farrag]

انا قريب المفروض اعمل صيانه 30000
و المفروض اغير البوجيهات
رايك اجبها ولا اجيب اي حاجه عاديه و خلاص
و مش البوجيهات العاديه في حدود 60 جنيه برضوا؟؟

[fahd_628]

مبرووووووووك يا كريم

[Karim_Monir]

لو على الفرق في الاداء مش هاتحس بفرق
لكن على العمر الطويل افضل
شوف هاتغير كام واحد ب 50 ولا 60 جنية
لانه بيقعد 100 الف كم كاملة
وممكن تجيب ال NGK بتاعتهم ب 170 تقريبا عشان انت التوكيل مش هايقرفك زيي

[HNaga]

لو على الفرق في الاداء مش هاتحس بفرق
لكن على العمر الطويل افضل
شوف هاتغير كام واحد ب 50 ولا 60 جنية
لانه بيقعد 100 الف كم كاملة
وممكن تجيب ال NGK بتاعتهم ب 170 تقريبا عشان انت التوكيل مش هايقرفك زيي

مبروك ياكريم - عن نفسى حسيت بفرق فى الطلعة بس انا ركبت فاتر هوا مع البوجيهات و دلوقتى جربت البنزين ال 95 كمان إدى إداء أحسن
وانا عربيتى أقل من عربيتك يعنى المفروض إحساسك بتحسن الأداء يكون أكثر
بس كنت تجيبها من برة أحسن انا بقيت بشك فى كل البوجيهات اللى فى مصر

[tmz9111]

مبروك علي البوجيهات

[Karim_Monir]

ما تقلقش يا هشام انا برضه صايع قديم
وبعدين اصلها مالهاش مشاكل زي البوجيهات العادية اللي بتاخد رطوبة او تتجدد وكدة
وواخدها من مكان ثقة معروف برضه

[eng_mkhalaf]

كيمو أنا هغير البوجيهات لما أرجع أن شاء الله بس ممكن أعرف الأريديوم بتجاب منيين - وكمان فى منة 3 شعلة وهو لو جة علية زيت أو رواسب هتائثر علية ولا لاة.