فكرة في موضوع الديفيل مش عارف تنفع ولا لأ...

[bedo13]

السلام عليكم ورحمة الله وبركاته..

كنت بفكر اركب ديفيل للعربية بس لقيت ان معظم الموجود في السوق صيني وصوت مزعج فقط بدون اداء..
الفكرة بقى ان الصوت بيكون سيء جدا ففكرت ان الواحد يركب الديفيل مع وجود نفس علبة الشكمان الاصلية يعني يكون عندي علبتين واحدة شمال الديفيل ويمين الاصلية , واركب مشترك واوصل الديفيل معاه..

بكده انا قللت مقاومة العادم عن طريق توزيعه على علبتين
وفي نفس الوقت صوت الديفيل مش هيكون مزعج لان نصف كمية الهوا هيا اللي بتوصله..

ايه رأيكو؟؟

[Ali_mehrem]

شغالة مش هتقول لا :]

[smsm_nabawy]

فكرة جميلة .. بس لا تنتظر لا صوت ولا صورة !! :))

بمعنى لا تنتظر أداء ولا صوت

لييه بقاااااا !! أقولك انا .. بس قبل ما أقولك !! قولي أنت الأول :))))

الوصلة حتاخد منين .. من قبل علية الجاكمان الأخيرة ولا من بعدها ؟؟

"تقريباً كده غشغشتك .. " بس برده قولي أجابتك :)

[madaxman]

او معاك فلوس ومستعد تدفع في حاجه عامله 1850 جنيه بريموت وبتفتح وتقفل

[nice_bird]

لو تعرف محمد بخيت الكهربائي اللي معاه الاوبل البيضا شوف الديفل اللي عندو جابو منين لان صوتو جامد و بيشد بيها كتير يعني لي اداء معاه و علي فكرة انا دورت في موضوع تركيب ديفل صغير جنب الشكمان و لقيت ان كل عربية بيبقالها حجم فلتر شكمان معين لو زاد او قل بياثر ع العربية سواء سخونة او يكتم الموتور و كدا و إسال وشوف الارآء برضو... تحياتي

[prisoner]

افتكر ان عمل 2 شكمان فكرة رائعة وجميلة بس المشكلة ان عزم العربية مش هايكون مظبوط الا لو اتعمل بنسب معينة ممكن لوتعمل الديفل ومتشيلش العلبة اللى فى النص يكون احسن والله اعلم

[bedo13]

فكرة جميلة .. بس لا تنتظر لا صوت ولا صورة !! :))

بمعنى لا تنتظر أداء ولا صوت

لييه بقاااااا !! أقولك انا .. بس قبل ما أقولك !! قولي أنت الأول :))))

الوصلة حتاخد منين .. من قبل علية الجاكمان الأخيرة ولا من بعدها ؟؟

"تقريباً كده غشغشتك .. " بس برده قولي أجابتك :)

ياباشا هاخد من قبل العلبة الاخيرة...
وانا مش مستني اداء اصلا.. كل اللي عايزه صوت قوي ومش مزعج...

او معاك فلوس ومستعد تدفع في حاجه عامله 1850 جنيه بريموت وبتفتح وتقفل

1850 ده اقل من التكلفة اللي انا متوقعها بكتيير...
ياراجل ده انا هجيب علبة صيني صوت بس ب200-300 ج...

لو تعرف محمد بخيت الكهربائي اللي معاه الاوبل البيضا شوف الديفل اللي عندو جابو منين لان صوتو جامد و بيشد بيها كتير يعني لي اداء معاه و علي فكرة انا دورت في موضوع تركيب ديفل صغير جنب الشكمان و لقيت ان كل عربية بيبقالها حجم فلتر شكمان معين لو زاد او قل بياثر ع العربية سواء سخونة او يكتم الموتور و كدا و إسال وشوف الارآء برضو... تحياتي

محمد بخيت ده صاحبي اصلا من زمان...
علبة الشكمان اللي عنده اصلية مش صيني وهو شاري العربية كده ماركبش حاجة تقريبا بس هسأله برده..
مع العلم ان صوته حلو بس عااااالي اوي ومش عامل فرق زي ما انت متخيل في الاداء..
انا سوقت العربية بنفسي..

بالمناسبة انت منين من سوهاج؟؟
بتركب عربية ايه؟؟

افتكر ان عمل 2 شكمان فكرة رائعة وجميلة بس المشكلة ان عزم العربية مش هايكون مظبوط الا لو اتعمل بنسب معينة ممكن لوتعمل الديفل ومتشيلش العلبة اللى فى النص يكون احسن والله اعلم

المفروض لو عملت كده مش هشيل حاجة من العلب الاصلية عشان انا مش هكتم حاجة لو ركبت علبة تانية لانها هتكون عالتوازي مش عالتوالي..
نفس فكرة المقاومة الكهربية...

[smsm_nabawy]

ياباشا هاخد من قبل العلبة الاخيرة...
وانا مش مستني اداء اصلا.. كل اللي عايزه صوت قوي ومش مزعج...

كده يبقى زي قلته .. لو عايز تكتم الصوت في علب مخصوص بتتحط قبل الديفيل تكتم الصوت ... و سمعت كمان ان في حاجة معينة بتتعمل في المصافي بتاعته كمان

لكن لو عملت الوصلة بحيث أنها تكون قبل العلبة الأخيرة .. يعني العادم الطالع حيطلع على الوصلة قبل العلبة الأخيرة .. فمعظم الهوا حيطلع من الديفيل برضه و حيبقى صوته عالي.. ده غير أنك حتعمل دوامات في الوصلة دي ... حتأثر على الباك بريشير بتاع العادم .. بدل ماهو طالع في نبضات .. حيحصل دوامات جوا البايبس بتاعته !! و ده حيأثر بطريقة وحشة على الأداء .. الحكاية دي بتتعمل بحساب ... و بيكون القطر بتاع الوصلة التانية مختلف عن القطر الاولاني .... عامةً أنا لسه انا و 2 صحابي من هندسة ميكانيكا .. بنعمل تصميم لوصلة ححطها عندي في الشاهين !!! و الكلام الي بقوله لحضرتك ده مجرد كلام بدائي فهمته من هندسة الموائع ... و الي بنستخدمها بشكل كبير في تصميم خط سريان العادم ده !!! أن شاء الله لما نوصل لنتيجة مرضية ممكن أقولكم الفكرة كلها و الرسمة !! مع مراعاة النسب الي بتختلف من كل عربية و عربية حسب قطر جاكمنها الأصلي ..

و بس كده :))))

المفروض لو عملت كده مش هشيل حاجة من العلب الاصلية عشان انا مش هكتم حاجة لو ركبت علبة تانية لانها هتكون عالتوازي مش عالتوالي..
نفس فكرة المقاومة الكهربية...

الوضع مختلف .. لأن في الدايرة الكهربية .. فرق الجهد هو الي بيسبب الأكترونات أنها تتحرك !! و بيكون ثابت على التوالي !!! بمعنى أن القوة الدافعة المحركة للاكترونات هو وجود فرق جهد

اما في حالة العادم ... فالقوة الدافعة هو وجود فرق ضغط "ضغط عالي من الماتور .. و قليل في آخر الجاكمان !!!

و لكن التيار هنا مش ألكترونات !! لا ده مائع غير مثالي بالمرة ... و مش حيتوزع زي ما حضرتك متخيل أنه حيتوزع !!!

ده غير ان مكان الوصلة .. بيحدد فرق الضغط !! و كذلك قطرها :)

بالتالي مش حتكون زي المقاومات الكهربية "الي بيكون فرق الجهد بتاعها ثابت في التوالي... " لكن في حالة الجاكمان .. حيكون فرق الضغط بين الغاز الي طالع من الماتور و آخر الوصلة الأولى .. غيره في حالة التانية !!فمش حيكون ثابت للأسف ... و مش بيساوي بعضه !!

وتلله يا أخي في الله ... أنا مش عايز اطلع بره الموضوع الأصلي.. هو حضرتك شايف أن كده ده حيقلل الصوت .. بغض النظر عن الأداء... أنا صراحةً مقدرش اجزن .. لأنها ممكن تقلل و ممكن تزود ... و لكن بالدراسات الصح و الشغل المظبوط الي قايم على تصميمات .. أكيد ممكن كل شيء يحصل ... انا عامةً .. لسه زي مقولت لحضرتك بعمل الموضوع ده مع زمايلي في الكلية ... و بعد مخلص خالص منه أبقى أقول لحضرتك على الي وصلتله !!

آسف للاطالة .. و تقبل مروري .. و بجد أرجو من الله التوفيق لك في مبتغاك :)

[madaxman]

هوا لسه نازل تقريبا وكان بيتباع ب 3250 سبيشيل أوردر ودلوقتي عامل 1850 ومفيش منه في مصر
YouTube - Varex remote control muffler.
وهوا دا اللينك بتاعه

[Mzeid]

</B>smsm_nabawy
عضو فضي

ال back pressure غير مستحب في اي سريان لأنه يعتبر مقاومة للسريان
يعني غير مستحب في نظام العادم
اللي انت تقصده ال flow نفسه بتاع العادم

[smsm_nabawy]

</B>smsm_nabawy
عضو فضي

ال back pressure غير مستحب في اي سريان لأنه يعتبر مقاومة للسريان
يعني غير مستحب في نظام العادم
اللي انت تقصده ال flow نفسه بتاع العادم

سريان العادم نفسه حيتأثر "gas flow" و الي بدوره حيأثر على الباك بريشر الناتج و الخاص بالماتور :)
ده قصدي :)

[A.Saad]

الموضوع ليه شقين
التأثير على اداء المحرك
كمان انت هتقرب الوصلة الجديدة من التانك وده غلط لان الشكمان او الوصلة هتبقى سخنة
ولازم تدرس العزل الحرارى للجزئية دى ولو لاحظت ان اغلب العربيات التانك شمال - الشكمان يمين او العكس

[bedo13]

في الفيكترا سي بتنزل بمواتير 2000 سي سي بتكون 2 شكمان..
عربيتي 1600 ومكان العلبة التانية فاضي..
بالنسبة للوصلة هي بتنزل مخصوص للفيكترا Y shaped وبتركب على طول بس مش عارف هلاقيها ولا لأ..

[smsm_nabawy]

في الفيكترا سي بتنزل بمواتير 2000 سي سي بتكون 2 شكمان..
عربيتي 1600 ومكان العلبة التانية فاضي..
بالنسبة للوصلة هي بتنزل مخصوص للفيكترا y shaped وبتركب على طول بس مش عارف هلاقيها ولا لأ..

أن شاء الله تلاقيها بسهولة عند أي حد بتاع جاكمنات و كده .. كأنك عندك ال 2000 سي سي عادي

و حتى لو بعد الشر ملاقيتهاش .. ممكن تتعمل عمولة :)

بالتوفيق أن شاء الله ... :)

[bedo13]

أن شاء الله تلاقيها بسهولة عند أي حد بتاع جاكمنات و كده .. كأنك عندك ال 2000 سي سي عادي

و حتى لو بعد الشر ملاقيتهاش .. ممكن تتعمل عمولة :)

بالتوفيق أن شاء الله ... :)

الف شكر يابشمهندس...