اي حد عايز اي حاجة في التظبييط

[abdo_1516]

[/IMG][/IMG]انا علشان استفد من ناااس كتيير هنا اول ما ابتديت اظبط في العربية لحد مخلصت وانا لسه بدخل فاي حد محتاج اي سؤال في التظبيط او الاماكن انا مووجود [/IMG][/IMG]

[HOSSAM99]

السلام عليكم ممكن حضرتك تعرض تجربتك وتصور الشغل اللي حضرتك عملته و بالتفصيل
و إن شاء الله الأعضاء يستفادوا و متنساش الأسعار و الأماكن

[abdo_1516]

الاسعار والاماااكن كتييير اوى لاني بتعامل مع ناس كتير ليا ولصحابي والشغل اللي عامله في العربية هو تعديل كامل ما عدا المكنة ضايف بس عليها علشان ازود البور بتاعها الصور اتفضل بس لاني مش عارف ارفع من الموقع هنا فرفعت صورتين على موقع لرفع الصور

[abdo_1516]

متنسووووش بقى مااااااشاء الله ...........

[HOSSAM99]

ما شاء الله
شغل باين عليه جميل لكن حاول ترفع مجموعة صور تكون واضحه وتحت كل صوره تفاصيل
لكن شغلك رايق ماشاء الله

[rasim]

السلام عليكم
مشاء الله
طيب عملت اول حاجه ايه ثم ثم ثم
علشان ناى اظبط ان شا ءالله
وطبعا لسته بالاماكن

[abdo_1516]

بدأت الاول بالجنوط بس مكنش ده كان جنط 16 وبعدين الفوانيس الامامية والخلفية وبعدين بدأت تعديل البودي كيت (الاكصدمات والاسبويلر ) وبعدين جوه في الصالون وبعدين ظبط الماتور فلتر وبوجيهات و بعدين غيرت الجنط تانى ل 17 وعدلت العفشة سوست ومساعدين الاماااكن والله انا اتعملت مع ناااس كتير اوى بس المعظم في الحرفيين ما عدا الاكسسورات برا الحرفين والرش كمان بره الحرفيين ...... فاللي عايز يعرف مكان حد معين لعمل حاجة معينة الاسهل يقولي وانا متواجد ان شاء الله هنا

[abdo_1516]

[Ali_mehrem]

عربيات جميلة بسم الله ماشاء الله طب بقولك كنت عايز حد بيبيع قطع غيار تربو او بيبع تربينة جاريت t3/t4

[abdo_1516]

كان فيه واحد هنا عارض قطع غيار لتربووو شوف اللي انتي عاوزه موجود عنده ولا لا ملقتش يبقى على الحرفيين عادل وجدي و الفيومي برضه لو سالته هيقولك تلاقي فين

[magednokia]

ياريت تدلنى على حد بيبيع سبلت فاير يكون تمام عشان انا سمعت ان كل الى موجود فالسوق مضروب

[abdo_1516]

بص يا باشا صعب تلاقي سبلت فاير اصلي ممكن تجيب ngk بس برضه انا هديك نمرة محل انا بتعامل معاه اساله لو عنده اسبلت فاير اصلي ولا لا وهو مش بيجيب المضروب 0105031111 اسم المحل باور زون

[Haitham10]

طب العتب والشغل في الاكصدامين بتوع اللانسر اتكلفوا كام برشهم بعد اذنك وعند مين

[abdo_1516]

العتب والزيادة في الاكصدام الامامي رابر فغالين شوية اتكلفوا 800 ودول انا جايبهم من بور سعيد بس موجودين عند محلات الاكسسوارات اللي هنا في كايرو ومكتوب عناوينهم في موضوع هناوالزيادة في الاكصدام الوراني فايبر اتكلفت 175 عند سيد حواجب في الحرفيين

[Haitham10]

شكرا يا عبده انا سمعت اسم سيد حواجب كتير في المنتدى .. انا بس كنت عاوز اعرف ميزانية اني اعمل الزوايد والاكصدامين هتتكلف كام برشهم علي اساس اني انزل الحرفيين اعملهم واكون عامل حسابي علي المبلغ لاني جاي من الشرقية وانت عارف الايامدي .........