ارجو المساعدة ضرورى عايز اسقط مايفك 1600

[eslam_wega]

السلام عليكم
يريت بعد ازنكم يا جماعة ارقام الناس الى فى بورسعيد بتوع الاستيراد

عشان المكنة عندى قفشت الحمدلله بسبب الزيت الفيسكو

وهسقط مكنة مافيك 1600 بالتركيب عند عادل وجدى وقالى هتعمل 8
وبصراحة حاسس انه كتير

فاعايز اعرف متوسط الاسعار اية فى بورسعيد ضرورى

[yoko]

عادل غالي قوي في الحاجات دي

[Eslam.Elrefaey]

على فكرة السعر ده من غير مدخل متورك القديم وعند اى حد تانى هيبقا من غير مدخل متورك القديم هيبقا سعره ارخص بس مش كتير زى منتا متخيل

[eslam_wega]

طيب يا جماعة عايز ارقام الناس بتوع ابورسعيد

[yuyu0000yuyu]

انا اسمع ان الموتور ده بالفتيس بالكنترول بالعفشه بتعته بكل حاجته يعنى بعمل 6 منغير تركيب ومن غير ما تدخل موتورك

[HeMa_LanCeR]

هي العربيه ايه ؟

[eng.m7md.ali]

ايه يا اسلام باشا اللي حصل للموتور انت كدة قلقتني يا عم

[eng.m7md.ali]

اه صحيح
واحد صحبي سقطها في الجين بتاعتة ب 8000 بالفتيس ستيب ترونك وعفشة ورا وقدام وفرامل وكل حاجة

[MohssenRashed]

هي العربية فعلا زي م انت كاتب في بياناتك Gen 2 ؟؟؟؟

[prisoner]

عادل غالي قوي في الحاجات دي

مش ده بس عادل وجدى جابللى 2 خرطوم فرامل خلفى من على الارض عنده وحسبهمللى ب200 جنيه دى سرقة مش غلو اسعار بيتعامل مع الناس باستهتار قوى فاكر ان كلهم مش فاهمين

[prisoner]

بورسعيد احسن والله بس الحمد لله انا مركبتش موتور عنده انا كنت بعمل الصيانة وتغيير العفشة مشكلته ان ممكن تلاقى حاجة رخيصة وتيجى للمصنعية بقى وقطع الغيار الرفيعة يعملها بحر ويحسسك ان حاجته هاتتكلم

[mr_vampire]

ياريت تطمن الناس اللي بتستخدم زيت فيسكو ايه اللي حصل لموتورك القديم. انتا خلتني افكر انزل اغيره والله مع انه لسة متغير من فترة قصيرة.

[prisoner]

السلام عليكم
يريت بعد ازنكم يا جماعة ارقام الناس الى فى بورسعيد بتوع الاستيراد

عشان المكنة عندى قفشت الحمدلله بسبب الزيت الفيسكو

وهسقط مكنة مافيك 1600 بالتركيب عند عادل وجدى وقالى هتعمل 8
وبصراحة حاسس انه كتير

فاعايز اعرف متوسط الاسعار اية فى بورسعيد ضرورى

عادل وجدى هايبدء معاك 8000 وبعد كده تركيت ومستلزمات وحركات هتخش فى 12000 او 14000 بدون مبالغة انا مجربه بس مش فى الموتور الموتور تمنه بالعفشة ب8000 لكن المصنعيات هايحسبلك ميكانيكا لوحدها وتكييف وشكمان وفرامل وعفشة وقطع غيار انا شفت ناس كتيير عنده كده بص انا كنت سالت ميكانيكى فى الحرفيين قاللى مصنعية ايده 350 والكهربائى اخوه بياخد 300 او العكس انا مش فاكر وشكمان الراجل طلب 150 لان كان فى عربية لانسر مسقط موتور 2000 وسالت الراجل قاللى ايوة الاسعار مظبوطة عادل وجدى هتلاقى السعر مضروب فى 4 واللى بيشتغل عنده بنى ادمين برضوا مش جايب ناس من برة يعنى بل بالعكس ليهم عيوب وانا كنت واقف على ايديهم وكل شوية اطلع ملاحظه انا بس عملت عنده صيانة والعفشة علشان للاسف بيجيب حاجات حلوة هوة ده ميزته بس وان شاء الله ربنا يوفقك انا عامل موضوع المايفك ده ابقى اقراه بس ركبت 1500 2 كامة مش وحش الحمد لله الموتور فارق كتيير عن ال1300 بالذات فى التكييف ولسة هاركب شكمان بتاع ميراج ال1800 تحياتى

[eslam_wega]

الى اوله شرط اخره نور يعنى طلما اتفق معيا على 8 الف مش هيطلع منى ربع جنية زيادة وربنا معيا ان شاء الله
انا بس عايز ارقام الناس بتوع بورسعيد ضرورى يا جماعة حد يعبرنى برقم حتى

[mr_vampire]

ياريت تطمن الناس اللي بتستخدم زيت فيسكو ايه اللي حصل لموتورك القديم. انتا خلتني افكر انزل اغيره والله مع انه لسة متغير من فترة قصيرة.