إعـــــــلان

Collapse

.

,
See more
See less

حد يعرف عن تنشيف المساعدين؟؟؟؟

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    حد يعرف عن تنشيف المساعدين؟؟؟؟

    واحد صاحبي نشف المساعدين ....و اللي فهمته ان بيودي العربيه لواحد بتاع عفشه و بعدين يوديها لخراط
    و بيوحط في المساعد زيت تقيل.....انا بصراحه مش فاهم الموضوع بالظبط
    و بتبقي المساعدين نشفه ...و العربيه بتبقي ثابته....و صاحبي عامل الموضوع ده هو و 2 صحابه كمان
    و ما قبلتوش اي مشاكل منها....
    بس سمعت من ناس تانيه ان الموضوع ده بيبوظ بقيت العفشه....
    حد عنده فكره عن الموضوع ده؟؟؟؟
    [SIGPIC][/SIGPIC]

    [CENTER]خلوها تصـــــــــــــدي و موديلها يعـــــــــــــــدي[/CENTER]
    الكلمات الدلالية (Tags): 50, wd40, اداء, البنزين, اللي, المساعدين؟؟؟؟, اوبل, بدون, تركيب, تعديل, تنشيف, ثبات, حادث, دى, رياضية, زيت, زيت الفتيس, سوست, عدة, عربيه, عفشة, عفشه, عن, عيوب, غالية, فتيس, فلتر, في, كل, لانوس, مساعدين, مشاكل, مع, من, ناشفة, يعرف
  • #2
    اكيد بيأثر على بقية العفشة لأنها حتبقى ناشفة جدا زى لما تركب مساعدين سبور بس منغير عفشة كاملة اكيد حيأثر على باقى مكونات العفشة

    لو عاوز ممكن تعمل عفشة سبور كاملة بس غالية طبعا
    [CENTER]الحمد لله[/CENTER]
    [CENTER] [/CENTER]
    [CENTER][sor2]http://farm3.static.flickr.com/2639/3939929853_4547d6e150.jpg[/sor2][/CENTER]

    Comment

    • #3
      عامل ايه يا عمرو باشا...
      اولا :كل اللى بيتعمل فى المساعد..تفريغ هوا+زيت قتيس(غالبا)

      بالنسبه....لتأثيره على العفشه....نفس تأثير المساعد الرياضى...على العموم اعمل حسابك...فى جلب مقصات..كل فتره قليله...اما لو البيض اتأثر...هتغير المقص طبعا
      ..ولا كبس بيض... ولا فتى....

      طبعا هيديلك بردو ثبات وكل حاجه !!!
      طب ماهو ممكن حد يسأل...طب ماكلنا ممكن نعمل كده..ونوفر ثمن المساعد الرياضى

      عيوب الحركه دى ايه...وعن تجربه...
      1-العفشه انشف بمرااااحل....عن العفشه الى فيها مساعد رياضى

      2-العمر الافتراضى للمساعد...قصير جدا

      3-وطبعا تاثيره على العفشه اقوى من المساعد الرياضى (المقصات هى صاحبة التأثير المباشر)

      4-مع الاحمال الذائده...ومع مطب هوا ابن بلد......بيضرب (بتحصل كتير)
      ................................

      وانا من رأيى ياعمرو بلااااش
      لو عايز تنشف العفشه شويه ..بغرض...احكام او تقليل ارتدادات السياره صعودا وهبوطا....لاى سبب...

      ومفيش مجال انك تجيب مساعد رياضى

      يبقى الحل الوحيد..

      .تركيب صضاضااااااااااات

      رخيصه..واى عفشجى هيركبهالك
      .........
      من عيوبها

      تقلل العمر الافتراضى للمساعد نفسه

      ...
      غير كده مفيش منها مشاكل
      وحل امثل

      .......
      والله اعلم
      .....
      وياريت اى سندويتش عاالماشى:D

      Comment

      • #4
        دا كان بالنسبه للمساعدين اللى بتتملى..وعايز اقولك ان فى كفتجيه قصدى عفشجيه
        بيعملوها فى المساعدين المضغوطه او الغير قابله للملى !!!!!!!!!

        بيخرمو..خرم فى المساعد..ثم يتم افراغ الزيت الموجود به....وتفريغ الهواء عن طريق كبس وفتح المساعد عدة مرات..ثم يتم حقن زيت الفتيس داخل المساعد...او اللى بيسموه العفشجيه (فالفالينا) ثم يتم احكام غلق الخرم السابق فتحه عن طريق طببه

        وكل دا فتى وعك زى ما قولتلك..والحل زى ماقولتهولك قبل كده
        ...


        ويرجى دمج المشاركتين

        وشكرا مشرف القسم

        Comment

        • #5
          الف شكر علي ردوكوا.....
          بس ليا حبه اساله يا محمد....
          انت بتقول ان الموضوع ده هيتعب جلب المقصات .....و هما فعليا باظوا عندي
          يعني لما بمشي في حته مكسره بيسمع علي الدركسيون علطول....و عايزين تغير...
          و كل ده بس في سنتين.....يعني كده كده الجلب بايظه في وقت اسرع...
          حاجه تانيه ...
          في واحد صاحبي قاللي ممكن اركب سوست كوني....و ممكن اركب اتنين بس اللي ورا
          برضوا السوست هتتعب العفشه كلها....و الاتنين بس ورا فيهم مشاكل ولا لازم اربعه

          اما موضوع الصضاضات....فا انا اللي اعرفه ان العربيه لو محمله او متسقطه جامد...
          و اخدت اي حاجه عاليه في الطريق و انا بجري....بيروح المساعد يلبس في في الصضاضه...
          و يروح يرجع تاني و مايكملش مشواره مع المساعد....فا ده لو حصل في الطريق علي ناحيه واحده ممكن العربيه تتقلب..

          شوفلي صرفه يا محمد بحل عملي و غير مكلف حاليا...هما 600 جنيه تمام اوي دلوقتي:d
          احسن اخوك تعب من المراجيح علي الطريق
          و معلش علي تعبك معايا
          [SIGPIC][/SIGPIC]

          [CENTER]خلوها تصـــــــــــــدي و موديلها يعـــــــــــــــدي[/CENTER]

          Comment

          • #6
            لو انت تقصدنى انا...فاانا ماسميش محمد..انا اسمى... هانى محمد

            لحقت تنسى اسمى ياعمرو!!!

            يرجى من الاداره سحب ردودى من هذا الموضوع

            :D:D:D:D


            بص ياباشا ...ممكن حد يقولك هات طقم مساعدين وسوست جداد وظبت العفشه..وريح دماغك..كلام جميل

            بس كده احنا ماعملناش حاجه ..؟

            انت عايز تخلى اداء العفشه رياضى وبأقل التكاليف؟؟
            بالنسبه للسوست الكونى لوحدها ..مش هتعمل حاجه...هتوطيلك العربيه اكتر ما هى واطيه وخلاص
            لازم بالمساعد بتاعها
            ...
            بالنسبه....لموضوع ان المقصات عندك كده كده بتتعب..دا مش مقياس..انت ماتتخيلش المساعد
            اللى بيتنششف....بيعمل ايه؟!!!
            بالذات لو العربيه تعبانه
            والله ساعات بيأثر ...على الشاسيه والقوائم وبوية الحوض نفسها ....تخيل !!!!

            وزى ماقولتلك....بيضرب على طووووووووووووول

            بالنسبه للصضاضه...ماهى دى وظيفتها ياباشا زى ماقولتلك..انها تقلل من ارتدادات السياره صعودا وهبوطا...وعلى فكر دا بيعمل عكس كلامك....يعنى بيخلى العربيه اكثر ثباتا..
            العربيه الخفيفه او اللى بتتنط جامد فى مطبات الهوا..هى الاكثر عرضه للانقلاب لاقدر الله...
            ........
            فى الاخر ياباشا ....لو المساعدين والسوست بتاعتك كويسه وتمشيك دلوقتى....
            انا من رأى تظبط العفشه كويس...جلب المقصات اللى بايظه عندك..لو ليها طقم جلب بيتباع منفصل..هاتو
            ..لو ملهاش تجيب جوز مقصات..وتركب طقم صضاضات ...لحد ماربنا يكرمك وتجيب طقم مساعدين رياضيه..ومات الكلام على كده
            بس لازم تعرف ان العربيه العفشه فى كل الاحوالل بتنشف موووووت
            ..
            وشكرا
            هااااااااااااااااانى
            :D:D:D:D

            Comment

            • #7
              معلش يا هانيd:
              لسه صاحي من النوم...غير في ناس كتير في المنتدي اسمهم محمد هاني...
              فا ديماغي هيست....
              لو متاكد ان الصضاضات هتفرق جامد يبقي ان شاء الله هبقي اركبها...
              بس هما بيترمبوا 4 ولا اتنين ورا بس....
              و تكلفتهم حوالي كام.....
              انا يا باشا يمكن انزل المريوطيه انهرده....لو فاضي و معندكش مشاكل ممكن اعدي اشوف حضره جنابكd:

              و معلش علي الاساله الكتير....لسه صاحي بقي
              [SIGPIC][/SIGPIC]

              [CENTER]خلوها تصـــــــــــــدي و موديلها يعـــــــــــــــدي[/CENTER]

              Comment

              • #8
                ماشى ياعم عمرو سماح المررادى :D
                .....
                والعفو ياباشا احنا اخوات...وهرماوجيه زى بعض:)
                ....................
                وبالنسبه للصضاضات...بيركب طقم على بعضو احسن...بس لازم لازم تظبط العفشه الاول...لانها بتنششف جامد...وبكررهالك تانى ..انها بتقلل العمر الافتراضى للمساعد
                وبالنسبه للتكلفه...فى حدود ال100 جنيه بالكتير اوى اوى
                .............

                انا ادتلك كل الحلول..والعيوب بتاعتها كمان...ولك الاختيار...ياباشا ...والله اعلم
                .......

                انهارده صعب والله ياعمرو...عشان هروح اتمرمطلى فى العربيه شويه:D:D
                .......
                لو ينفع بكره ...ولو فاضى طبعا...ممكن نتقابل بكره....فى اى وقت

                Comment

                • #9
                  خلاص يا باشا....
                  انا لو هركبها هقولك.....و تجبهالي و تركبهالي ...و علي حسابك:d

                  و انا بكره ممكن اكون فاضي....
                  لو طلبت معاك اديلي بس الو قبليها....
                  [SIGPIC][/SIGPIC]

                  [CENTER]خلوها تصـــــــــــــدي و موديلها يعـــــــــــــــدي[/CENTER]

                  Comment

                  • #10
                    ممكن تعمل فكرة حلوة وتأدي الغرض ورأي انها اقل الاضرار في حالت التجارب دي!!!!!!
                    هتفك الاربع سوست وتضم اخر حلقة وحلقتين علي بعض علي حسب العلو اللي انت عايزه وتلحمهم في بعض سواء كهربة او قصدير مع قفيز حديد صغير يساعد علي ضمهم مع بعض ويستحسن انهم يكونوا اخر السوستة من الناحية السفلية (من الكاوتش ) علشان يكون الجزء الملامس لجسم العربية مرتاح
                    النتيجة ان علو العربية هيكون اقل وطبعا ثبات اكتر لان طول السوست قصر وطبعا هتحس باداء رياضي اكتر ونتيجة كويسة + انك لو زهقت منهم هتفك الحام وترجع السوستة لوضعها الطبيعي ونفس مشوارها القديم في الارتداد وحركة المساعد الطبيعية وكأن شياّ لم يكون بس لازم تكون مظبط العفشة
                    كلها بالمرة علشان تحس بالشكل الكامل
                    [SIGPIC][/SIGPIC]

                    Comment

                    • #11
                      دي انا عندي فكره علي موضوع ملي المساعدين بالزيت....
                      بدل ما ازود المساعدين علي الاخر زيت و البتالي المساعد هيكون ناشف جدا....
                      احط نص زيت فقط...و في الحاله ديه هيقل الحمل علي العفشه.....
                      ايه رايك؟؟؟؟
                      اما بخصوص رايي استاذ عزب....
                      فانا مش مستحسن الفكره بصراحه...
                      لأن الفكره ان المساعدين طراي اصلا ....و فكره تقصير السوست مش هتفيد كتير في موضوع تنطيط العربيه
                      غير اني مش عايز اوطي العربيه...لأن احيانا بيكون معايا ناس كتير في العربيه....
                      و احيانا الشكمان بيحك في المطبات
                      و علي فكره اللي اعرفه ان مش صح تلحم السوست....لأنها ممكن تفك...
                      ولو فكت لقدر الله ممكن العربيه تتقلب او تعوم جامد...
                      فالاحسن انهم يتقصوا....
                      [SIGPIC][/SIGPIC]

                      [CENTER]خلوها تصـــــــــــــدي و موديلها يعـــــــــــــــدي[/CENTER]

                      Comment

                      • #12
                        يا سلااااااااام... من زمان والله الواحد مشفش كمية العجن و الفتى دى فى مكان واحد

                        اول مرة فى التاريخ اسمع عن حوار تنشيف المساعدين دة... انا كنت فاكر حد مساعدينة مبلولة و عايز ينشفها بفوطة بس طلعت غلطان

                        مين اللى اخترع القصة دى و بيعملها ازاى و على اى اساس؟

                        طيب لو اللى بتكلم مجنون يبقى المستمع المفروض عاقل و ميسبش حياتة فى ايد واد كفتجى يفضى مساعدين و يملا و يخرم و يلحم... انتوا بايعين نفسكم ولا حاجة؟؟؟؟

                        محدش يعمل كدة خالص لان باختصار شديد دى @#$%^ ... مهو مينفعش اقول الكلمة و الا ابقى بخرق قواعد المنتدى... و انتوا بتخرقوا قواعد العقل و التفكير السليم

                        بالعقل كدة لما القصة دى حاجة ظريفة طيب ليه شركات المساعدين منزلتش مساعدين بطبب و درجات زيوت مختلفة عشان الزيت الخفيف للراحة و العادى للقيادة المعتدلة و زيت فتيس للفيادة الرياضية و زيت تموين للى مبيعرفش يسوق و كدة؟؟

                        و يبقى العملية سهلة و ممكن انت تعملها بنفسك قبل ما تسوق العربية تقوم تحط درجة الزيت اللى تناسب المشوار لو شد و جرى او سهرة فى كازينو او حتفقلك ساعتين فى اشارة ميدان التحرير؟؟

                        يا جدعان حرام عليكم انتم ناس متعلمة ازاى تسيبوا شوية كفتجية يدحكوا عليكم؟؟ حتى لو واحد عمل كدة و العربية بقت ناشفة... هل معنى كدة ان النشفان دة مش حياثر على حاجة تانية؟ هل معنى كدة ان العربية حتعيش بالمنظر دة مدة طويلة؟ هل اساسا المساعد حيستحمل الضغوط الاعلى من الطبيعى اللى بقت جواة من الزيت التقيل؟ و الاهم من دة كلة... هل العربية بقت كدة امان؟؟؟

                        هل انا و اصحابى عجزة مثلا و منعرفش نعمل الحوارة دة؟ نعرف و نص و تلات تربع كمان بس الموضوع مش عفية و فتحة صدر و خلاص.. املا المساعد زيت تقيل و خلاص...طبعا لا دى حاجات محسوبة و متصنعة مخصوص و بتفرق من عربية لعربية يبقى بالعقل كدة القصة دى متنفعش خاااااااااالص

                        اللى عايز عفشة رياضية يدور على عفشة لعربيتة عاملاها شركة محترمة و اذا ملقاش يبقى يشوف عفشة رياضية لعربية عفشتها نفس عفشه عربيتك (لانوس و اوبل استرا 92 مثلا) واذا ملقاش يجيب مساعدين انشف شوية من الاصلين اللى فيها ززز مونرو مثلا و دة اضعف الايمان... حوارات ملى المساعدين و قص و لحام السوست دة غلط

                        اللهم بلغت... اللهم فاشهد

                        MMamdouh

                        بلاش ندى ودانا لناس بتالف و فهلوية همهم يضحكوا عليكم و ياخدوا فلوسكم... الكلام دة كلة فتى و هجس و انتوا بتموتوا نفسكم
                        [CENTER]What is the difference between ignorance and apathy?...I don't know & I don't care[/CENTER]

                        [CENTER][SIGPIC][/SIGPIC][/CENTER]


                        [SIZE=6][marq="3;right;3;scroll"]اللى ميعرفش... يقول هجس[/marq][/SIZE]

                        [marq="Error"]what goes around... comes around[/marq]


                        [CENTER][URL="http://www.cardomain.com/ride/567267"]MMamdouh's Lanos on CarDomain
                        [/URL][/CENTER]

                        [URL="http://www.nilemotors.net/Nile/showthread.php?t=85421"]
                        [/URL]

                        Comment

                        • #13
                          في ايه بس يا محمد باشا:)
                          انت حسستني اني لابس العمه و فاتح بقي :d
                          انا من الناس اللي مش بتحب بصراحه الفتي اوي
                          بس كنت بحاول اعمل حاجه من غير تكلفه جامده....
                          اصل علشان اغير عفشه كامله سبور بالقليل حوالي 3000 جنيه
                          انا مش هظبط العربيه علشان اعمل بيها سبق.....
                          بس انا العفشه طريه زياده عن اللزوم و في اللفات بتبقي بشعه....
                          و علي فكره الموضوع ده بقي منتشر و اعرف ناس عملنها....

                          طيب اديلي حل في حدود 500 جنيه لا غير:(
                          [SIGPIC][/SIGPIC]

                          [CENTER]خلوها تصـــــــــــــدي و موديلها يعـــــــــــــــدي[/CENTER]

                          Comment

                          • #14
                            المشاركة الأصلية كتبت بواسطة azab مشاهدة المشاركة
                            ممكن تعمل فكرة حلوة وتأدي الغرض ورأي انها اقل الاضرار في حالت التجارب دي!!!!!!
                            هتفك الاربع سوست وتضم اخر حلقة وحلقتين علي بعض علي حسب العلو اللي انت عايزه وتلحمهم في بعض سواء كهربة او قصدير مع قفيز حديد صغير يساعد علي ضمهم مع بعض ويستحسن انهم يكونوا اخر السوستة من الناحية السفلية (من الكاوتش ) علشان يكون الجزء الملامس لجسم العربية مرتاح
                            النتيجة ان علو العربية هيكون اقل وطبعا ثبات اكتر لان طول السوست قصر وطبعا هتحس باداء رياضي اكتر ونتيجة كويسة + انك لو زهقت منهم هتفك الحام وترجع السوستة لوضعها الطبيعي ونفس مشوارها القديم في الارتداد وحركة المساعد الطبيعية وكأن شياّ لم يكون بس لازم تكون مظبط العفشة
                            كلها بالمرة علشان تحس بالشكل الكامل
                            فكرة هايلة يا معلم بس فيه كام سؤال كدة مزنوق فيهم...

                            1- حتعرف منين كمية اللحام اللازم لضمان عدم انكسار اللحام مع حركة العفشة؟ و تضمن منين ان القفيز متين كفاية انه يمسك السوستة و مينكسرش تحت الحمل؟

                            2- حتحل ازاى مشكلة الاجهاد الحرارى اللى حتتعرضلة السوستة اثناء اللحام (و الفك اذا كنت لسة عايش) لان الاجهاد دة حيفقد المعدن مرونتة و السوستة حتنشف لوحدها؟

                            3- لو السوستة من نوع الprogressive springs حتلحمها من فوق ولا من تحت ولامؤاخذة؟

                            4- لو لفات السوستة اصلا مش كلهم قطر واحد... حتعمل الحوار دة ازاى؟ ولا حتعملة فى نص و نص لا؟؟

                            5- لما اللحام يتفك و الكولية يتكسر... الحياه حتبقى شكلها ايه و انت سايق على سرعة؟؟

                            ابوس ايديكم بلاش فتى... لو مش فارقة معاكم حياتكم... اكيد ليكم اهل قلبهم حيتقطع عليكم لو جرالكم حاجة لا قدر الله

                            MMamdouh
                            [CENTER]What is the difference between ignorance and apathy?...I don't know & I don't care[/CENTER]

                            [CENTER][SIGPIC][/SIGPIC][/CENTER]


                            [SIZE=6][marq="3;right;3;scroll"]اللى ميعرفش... يقول هجس[/marq][/SIZE]

                            [marq="Error"]what goes around... comes around[/marq]


                            [CENTER][URL="http://www.cardomain.com/ride/567267"]MMamdouh's Lanos on CarDomain
                            [/URL][/CENTER]

                            [URL="http://www.nilemotors.net/Nile/showthread.php?t=85421"]
                            [/URL]

                            Comment

                            • #15
                              المشاركة الأصلية كتبت بواسطة 3mr Farrag مشاهدة المشاركة
                              في ايه بس يا محمد باشا:)
                              انت حسستني اني لابس العمه و فاتح بقي :d
                              انا من الناس اللي مش بتحب بصراحه الفتي اوي
                              بس كنت بحاول اعمل حاجه من غير تكلفه جامده....
                              اصل علشان اغير عفشه كامله سبور بالقليل حوالي 3000 جنيه
                              انا مش هظبط العربيه علشان اعمل بيها سبق.....
                              بس انا العفشه طريه زياده عن اللزوم و في اللفات بتبقي بشعه....
                              و علي فكره الموضوع ده بقي منتشر و اعرف ناس عملنها....

                              طيب اديلي حل في حدود 500 جنيه لا غير:(
                              اولا طبعا انت عارف انى بقول كدة عشان خايف عليك يا عمرو انت و كل الزملاء

                              المشكلة انك حاسب التكلفة غلط.. التكلفة هى اللى حتدفعة للراجل اللى حيعملك القصة دى و تمن التلفيات اللى حتحصل فى عربيتك... و عربيت الغير فى حالة حادث لا قدر الله و مش عايز اخش فى الاسواء و اضيف على التكلفة حياه حد سواء انت او غيرك

                              فيه حاجة اسمها facts of life من ضمنها حقيقة مهمة و هى ان رياضة السيارات مكلفة... هو ربنا خلقها كدة و ملهاش حل غير كدة

                              اذا كنت عايز عفشة رياضية يبقى وفر على نفسك و هات عفشة محترمة بتاعت عربيتك

                              عايز حل فى حدود 500 جنية يبقى شوفلك طقم مساعدين مونرو غاز و ركبهم بدل مساعدينك... صحيح التكلفة حتزيد شوية عن 500 و صحيح العربية مش حتبقى وحش الوحوش على الطريق بس على الاقل تبقى ضامن سلامتك و انت سايق

                              و طالما بتقول العربية طرية و مش حتسابق يبقى دة الحل الانسب ليك... على الاقل مونرو فيها مهندسين درسوا ميكانيكا بجد و حسبوا حساباتهم و عملوا مساعد مناسب لعربيتك و مناسب لظروف استخدام العربية كسيارة ركوب مش سباق

                              اما عم قرفص اللى تحت الكوبرى اللى حيملا مساعدينك يوم ما يكون جهبز حيكون معاه اعدادية و مش حيعرف المساعد لما يعملة حيبقى ناشف اوى ولا لا و هل حيضر عربيتك ولا لا... باختصار مش حيعرف حاجة غير الفلوس اللى فى جيبك

                              MMamdouh
                              [CENTER]What is the difference between ignorance and apathy?...I don't know & I don't care[/CENTER]

                              [CENTER][SIGPIC][/SIGPIC][/CENTER]


                              [SIZE=6][marq="3;right;3;scroll"]اللى ميعرفش... يقول هجس[/marq][/SIZE]

                              [marq="Error"]what goes around... comes around[/marq]


                              [CENTER][URL="http://www.cardomain.com/ride/567267"]MMamdouh's Lanos on CarDomain
                              [/URL][/CENTER]

                              [URL="http://www.nilemotors.net/Nile/showthread.php?t=85421"]
                              [/URL]

                              Comment

                              السابق 1 2 template التالي
                              Working...
                              X