هل كل مقاسات السوست واليايات واحده

[madaxman]

دلوقتي انا دورت علي سوست للشاهين بتاعتي مش لاقي خالص
ف عاوز اعرف ازاي ممكن اركب عليها سوست عربيه تاني ؟؟؟؟؟
يعني معانا عضو هنا معاه اسبيرانزا ومركبلها سوست لانسر
هل بتكون مختلفه ف قطر ولا عدد اللفات ولا ايه بالظبط

[HOSSAM99]

السلام عليكم
حضرتك من الكلام دورت في الإستيراد
و لو حضرتك عايز إستيراد يبقي تنزل بالسوسته مفكوكه الحرفيين أو الوكاله و تجيب سوسته نفس القطر و اللفات
أو حد يكون مغير للشاهين سوست تانيه و يقول علي ماركتهم

و اللي بيغير حاجات الإسبيرانزا باللأنسر بيبقي علشان العربيتين فيهم حاجات متشابهه كتير (تقنيه واحده)

هي الشاهين ملهاش سوست جديده ولا أيه؟؟؟؟؟

[madaxman]

السلام عليكم
حضرتك من الكلام دورت في الإستيراد
و لو حضرتك عايز إستيراد يبقي تنزل بالسوسته مفكوكه الحرفيين أو الوكاله و تجيب سوسته نفس القطر و اللفات
أو حد يكون مغير للشاهين سوست تانيه و يقول علي ماركتهم

و اللي بيغير حاجات الإسبيرانزا باللأنسر بيبقي علشان العربيتين فيهم حاجات متشابهه كتير (تقنيه واحده)

هي الشاهين ملهاش سوست جديده ولا أيه؟؟؟؟؟

ليها سوست كوني جديده بس غاليه ب 2000 جنيه
طيب في الحرفيين الاقيها عند مين ممكن ؟؟؟؟؟ وف حدود كام ؟

[HOSSAM99]

الحقيقه أنا معرفش سوست الشاهين بتتباع عند مين في الحرفيين (كن زي ما قلت لحضرتك دا اللي بيعمله أغلب الناس بيفك السوسته و ينزل يدور عليها)
بالتوفيق



صورة التوقيع جميله لكن كبيره أوي بتبوظ الصفحه

[al_manara]

خد السوست بتاعتك وشوف شبها استيراد

بعيدا عن الموضوع . التوقيع بتاعك بالحجم الطبيعي .

[MMamdouh]

دلوقتي انا دورت علي سوست للشاهين بتاعتي مش لاقي خالص
ف عاوز اعرف ازاي ممكن اركب عليها سوست عربيه تاني ؟؟؟؟؟
يعني معانا عضو هنا معاه اسبيرانزا ومركبلها سوست لانسر
هل بتكون مختلفه ف قطر ولا عدد اللفات ولا ايه بالظبط

بعيدا عن الموضوع.... ملاقيتش صورة توقيع اكبر من كدة؟؟

MMamdouh

[madaxman]

اعملها صغيره ازاي مش عارف

[MMamdouh]

افتحها فى الpaint بتاع الويندوز و اعملها resize و بعد كدة بدلها مكان الصورة الحالية

MMamdouh

[heshamzaky]

هل سوست التمبرا تركب على الشاهين و لا لآ لو تركب حا أقدر أفيدك

[heshamzaky]

لو السوست الى عندك زى دول تبقى اتحلت بسهولة

الطويلة مش موجودين المقاس الاصغر فى الطول هو الى موجود دول بتوع تمبرا

[madaxman]

لو السوست الى عندك زى دول تبقى اتحلت بسهولة

الطويلة مش موجودين المقاس الاصغر فى الطول هو الى موجود دول بتوع تمبرا

يعني قصدك هجيب سوست التمبرا الاستوك مش سبور ؟؟؟؟؟؟

[heshamzaky]

بالظبط لو نفس المقاس السوست ال 6 لفات دول مش موجودين اساسا
السوستة العادية 5 لفات بس قوية جدا شايلة العربية التمبرا

[madaxman]

بالظبط لو نفس المقاس السوست ال 6 لفات دول مش موجودين اساسا
السوستة العادية 5 لفات بس قوية جدا شايلة العربية التمبرا

بس هل اللفه هتوطيها بحيث تبقا باينه ؟؟؟؟؟؟
يعني انا اعرف ان ال سوست بتوطي العربيه 5 سم
ياترا اللفه هتهبطها كام ؟؟؟؟؟

[heshamzaky]

سيبك من السوستة ال 6 لفات دى خالص . دى لتعلية العربية زيادة و بتاعت التمبرا ال 2000 سى سى .
لو السوست ال أستوك بتاعت التمبرا تركب عندك حا تلاقيها متوفرة فى الوكالة أو عزبة شلبى

[myself112]

و الله انا هحيكى تجربتى مع السست ....
فى الاول انا كنت عايز اوطى العربية شويتين ( تويوتا ياريس ) المهم رحت لواحد قام قاصص السوست الى وراه , طبعا العربية وطت بس حسيت ان فيه حاجة غلط بتحصل , العربية ما كنتش مزبوطة خالص , و بعدين كنت مسافر و هشيل حاجات كتير فى العربية و ما كنش ينفع اسافر بيها وهى واطية كده , المهم رحت لعفشجى عندنا يعتبر شيخ شيوخ العفشجية فى المنصورة و صيته سابقه , المهم الراجل اول ما شاف السوست المقصوصة قعد يدعى على الى قصهم و كان مضايق بشكل غريب , وقالى بص العربية دى بتاعتى ملكش دعوه انا هعليها بطريقتى , قعد يلف على سوست ملقاش خالص بتاعت العربية , المهم بعت و الله 3 صبيان كل واحد يدور فى حته على سوست ( اوبل تقرييا 2000 و مش فاكر كمان سوست بتاعه ايه ) قالى ان عادى ممكن نليق سوست بتاعه عربية تانية عليها , برده ملقاش قالى لأ بقى ده انت كده فقر :019f3b~14:.... المهم برده الراجل ما سكتش قام رايح لواحد بتاع مخرطة عملى حاجة اسمها فيبر محمل كده وخرطهم بحيث تمسك فى السوسته وراح معلى العربية بيهم , ورجعت زى الاول بالظبط ...........
جيت بقى اول امبارح طلبت اوطى العربية تانى , رحتله طبعا كان فاكرنى كويس , وقالى مفيش مشكلة السوست الى قدام هنليق عليها سوست تانية و الى ورا هنقص شوية من الفيبر الى كنا عملناه .. وده الى حصل , والحقيقة العربية حسيتها ارتاحت كتير عن الاول و زبطت نفسها ...