استفسار عن جنوط وكاوتش السيارة هيونداي فيرنا

[m_helali]

سؤال من فضلكم:
أريد أن أغير الكاوتش والجنوط للسيارة الفيرنا، فأيهما أفضل جنوط 14 أم 15 ، وهل تكون سبور أم عادية ، وهل هناك نوع مفضل في الكاوتش؟؟؟
برجاء الإفادة

[adel1414]

افضل قياس للفيرنا وبدون مشاكل جنط 15 والقياس كالاتى.... 195-50-15

[virus2007]

انا كنت مركب نفس حجم الكاوتش الى هو ال 14 بس جايب جنط عريض شوية
وكان مدى شكل حلو وفى نفس الوقت محافظ على عفشة العربية

دا احسن حاجة لية عشان عفشة العربية :)

[ashouhdy]

السيارة تشيل مستريح بدون اى احمال على العفشة لحد 15 جنط سبور بخلوص وعرض 7 بوصة

بمقاس 195 50 15

او كما ذكر فى كتالوج العربية 185 55 15 ولكن افضل المقاس الاول ال 195

ارجو انك تجيب كاوتش طرى ... ويفضل نوع بريدجستون my-01 الفردة ب 470 جنية بس تستاهل بجد طرية وصامتة تماما

والجنط ارجو انك تجيبة تايوانى Hi-joint او ماليزى وابعد عن الصينى

وارجو انن تملى الكاوتش نايتروجين وترصص حلو قوى وبعد اول 1000 من تركيب الكاوتش ترصص تانى

مع العلم والتنبية انك لازم وحتما تركب رينجات من جوة الجنط منعا للغربلة .... الرينج ثمنة 20 جنية بيكون خليط من البلاستيك ومادة اخرى عشان يستحمل الحرارة

.................................................. .................................................. .......................................

[khaled_yassin]

تمام يا دكترة

[luaai]

شكله ايه الرينج ده وبيركب فين بالظبط؟

[killypunto]

متابع بخصوص الرينجات ...............

[momo44]

افضل قياس للفيرنا وبدون مشاكل جنط 15 والقياس كالاتى.... 195-50-15

+100000000

[AutoTycoon]

يعني اية hi joint ؟

[prisoner]

فعلا احسن مقاس المقابل لل175/70/13 زى الفيرنا والانسر الكريستالة 195/50/15 من غير اى تاثير على العفشة مفيهاش مشكلة والرينجات المصنوعة من البلاستيك حتى لو عليها ايه برضوا بتتشقق وبتكسر ممكن تعملها الومنيوم او حديد انا عامل الحديد وماشاء الله زى الفل وبتمسك فى الجنط وبتبقى ثابتة وطبعا عن تجربة النوعين البلاستيك والحديد فيه فرق شايع والرينج ده بيقبى عبارة عن حلقة حديد بتركب بين الجنط والطمبورة علشان الجنوط الاسبور بتكون مصنعة بشكل عام مش لسيارة مخصوصة بعينها فيبقى فيه فرق بين الجنط والطمبورة بيعمل غربلة جامدة وبالتوفيق