هغير العفشة , وعايز اجيب عفشة رياضية .... حد ممكن يفيدنى .

[myself112]

دلوقتى انا ان شاء الله هغير العفشة بتاعه العربية كلها , فقولت بدل ما هى مصاريف بمصاريف يبقى اكيد عفشة رياضية . المهم انا سألت على نوع اسمه d2 عند tps قالى بتبدأ من 4500 جنيه وبيجبهالى بالطلب , وواحد سألته على الكونى قالى ممكن توصل ل 3000 و برده بالطلب .... دلوقتى بقى انا عايز اسال عند حد تانى او على انواع تانية او اعرف ايه احسن من ايه لانى مش فاهم حاجة الحقيقة , انا عايز ثبات العربية يزيد , وارتفاعها عن الارض يقل ..... العربية تويوتا ياريس 2007 .
يا ريت الى يعرف حاجة , او مكان اسأل فيه يبقى جزاه الله كل خير ......

[misoalex]

مدام تيوتا يارس يبقى مفيش ادامك غير الاماكن اللى انت سألت فيها اعتقد عادل وجدى من اشهر الناس فى التعديلات دى

او تشترى الحاجات بنفسك انت من النت وتتحمل مصاريفها

بس اظن ان 3000 ده سعر معقول فى عفشه اسبور لعربيه تويوتا

او لو عاوز الارخص يبقى تقص السوست العربيه حتوطى والثبات حيزيد وتغير المساعدن تجيب مونرو من هشام لهيطه
تصدق شوفت عربيه جين 2 جايب سوست اسبور وبيقص منها وباللمبه كمان مش بالصاروخ كان هاين عليا انط فى كرشه

[myself112]

مدام تيوتا يارس يبقى مفيش ادامك غير الاماكن اللى انت سألت فيها اعتقد عادل وجدى من اشهر الناس فى التعديلات دى

او تشترى الحاجات بنفسك انت من النت وتتحمل مصاريفها

بس اظن ان 3000 ده سعر معقول فى عفشه اسبور لعربيه تويوتا

او لو عاوز الارخص يبقى تقص السوست العربيه حتوطى والثبات حيزيد وتغير المساعدن تجيب مونرو من هشام لهيطه
تصدق شوفت عربيه جين 2 جايب سوست اسبور وبيقص منها وباللمبه كمان مش بالصاروخ كان هاين عليا انط فى كرشه

تسلم على الرد ....
طب حضرتك تعرف النوع الى عند عادل وجدى D2 ده كويس ولا ايه ظروفه , وبعدين بيقولى السعر بيبدأ من 4500 و الكونى عايز اكلم توكيلهم فى مصر اشوف ايه ظروفهم .... بالنسبة للاخ بتاع الجين تو ربنا يديله الصحة بقى هنعمله ايه بس ..

[myself112]

بالنسبة للمساعدين المنرو دول , حضرتك تعرف رنج سعرهم كام ؟؟ و معلش انا سامع انهم اى كلام , ايه رأيك فيهم؟؟

[askoda]

Intersted

[Ahmed Selim]

D2 ده اول مرة أسمع عنه......بس لو أغلى من الكونى جيب كونى و أنت مغمض.

الخيارات المتاحة بالنسبالك هتبقى كونى و أيباخ Eibach و أيبكس Apex

شوف مين بيبعهم فى مصر و بناء على الميزانية المتاحة قرر.

اللى واخد وكيل كونى هو أرابكوم فى مدينة نصر.....و أعتقد سعر الطقم سوست و مساعدين هيعدى ال 3000 جم

و فيه حل تانى أنك تجيب سوست رياضية بس مع مساعدين منرو heavy duty أو سبورت لو فيه لعربيتك.

و حاول تبعد عن قص السوست.....لو السوست أتقصت بطريقة مش مظبوطة هتخلى العربية تتنطط فى المطبات جامد.

[Frozen_Pain]

طيب لو عاوز اجيب بارات ومقصين وتكون حاجة رياضية؟؟

[ahmedtunning]

ال d2 افرس من الكوني مكتير وهيا اسمها d2coliver بتقدر تتحكم في كل حاااااااااااااجة فيه فوق و تحت شمال و يمين عن تجربة بس بره مصر
هي غاليه بس تستهال و انا عندي في عربيتي دلوقتي كوني وبرده مالهاش حل

[ahmedtunning]

YouTube - ‪eBay: moto_discounts : D2 Racing Coilovers Suspension Kit Shocks Springs‬‏

[myself112]

D2 ده اول مرة أسمع عنه......بس لو أغلى من الكونى جيب كونى و أنت مغمض.

الخيارات المتاحة بالنسبالك هتبقى كونى و أيباخ Eibach و أيبكس Apex

شوف مين بيبعهم فى مصر و بناء على الميزانية المتاحة قرر.

اللى واخد وكيل كونى هو أرابكوم فى مدينة نصر.....و أعتقد سعر الطقم سوست و مساعدين هيعدى ال 3000 جم

و فيه حل تانى أنك تجيب سوست رياضية بس مع مساعدين منرو heavy duty أو سبورت لو فيه لعربيتك.

و حاول تبعد عن قص السوست.....لو السوست أتقصت بطريقة مش مظبوطة هتخلى العربية تتنطط فى المطبات جامد.

تسلم على الرد , بالنسبة لارابكوم كل ارقامهم الى موجودة على السايت بتاعهم غير موجودة بالخدمة مش عارف بقى اوصلهم ازاى ....؟؟ و بالنسبة للانواع التانية مش عارف اوصل لحد بيبعهم فى مصر مش عارف ليه ؟؟ يا ريت لو حد يعرف يقولى ...

طيب لو عاوز اجيب بارات ومقصين وتكون حاجة رياضية؟؟

كان نفسى افيدك و الله , بس عند عادل وجدى اعتقد فيه الحاجات دى ... هو انا مش عارف اسعاره غالية ولا فعلا الحاجات دى اسعارها كده ...

ال d2 افرس من الكوني مكتير وهيا اسمها d2coliver بتقدر تتحكم في كل حاااااااااااااجة فيه فوق و تحت شمال و يمين عن تجربة بس بره مصر
هي غاليه بس تستهال و انا عندي في عربيتي دلوقتي كوني وبرده مالهاش حل

يعنى لو جبت الكونى مش هزعل , ,اقول كنت جبت الd2 احسن , ولا ايه ...... حضرتك جبت الكونى منين وبكام ؟

[myself112]

بالنسبة للمساعدين المنرو, اسأل عليهم مين , لانى مش عارف اوصل لحد لغاية دلوقتى ....

[Ahmed Selim]

تسلم على الرد , بالنسبة لارابكوم كل ارقامهم الى موجودة على السايت بتاعهم غير موجودة بالخدمة مش عارف بقى اوصلهم ازاى ....؟؟ و بالنسبة للانواع التانية مش عارف اوصل لحد بيبعهم فى مصر مش عارف ليه ؟؟ يا ريت لو حد يعرف يقولى ...

الرقم ده لواحد كان شغال هناك أسمه أ/ممدوح......بس الرقم معايا من 5 سنين مش عارف بقى لسه شغال و لا لأ
0101818328

الباقى حاول تبعت لهم على المواقع بتاعتهم و تسألهم على وكيلهم فى مصر.

بالنسبة للمساعدين المنرو, اسأل عليهم مين , لانى مش عارف اوصل لحد لغاية دلوقتى ....

المونرو ليهم وكيل فى شارع دمشق جنب أبراهيم بتاع الأستيكر.....معروف جداً لو نزلت هناك و سألت على الشيخ إبراهيم بتاع الأستيكر ألف من يدلك.

[ashouhdy]

طب والعفشة دى بتنشف العفشة وتقطم الضهر ولا اية ؟؟؟

[Ahmed Selim]

طب والعفشة دى بتنشف العفشة وتقطم الضهر ولا اية ؟؟؟

كل لما تروح ناحية الأكثر رياضية كل لما تكون أنشف.....هتحس بكل فتفوتة فى الأرض.

فيه بعض التكنولوجيا الجديدة اللى بتحاول تتغلب على الموضوع ده زى FSD بتاع كونى بس أسمع أنه مش بيستحمل طرق المحروسة العظيمة.....ده بعتمد أن المساعد فيه حساسات بتقدر تحس بنوعية الطريق و السرعة اللى أنت ماشى عليها و تديك أحسن combination ما بين الراحة و الثبات.

بس طبعاً مع طرق مصر.......أسمع أن النوع ده بيجيلو هلع مغولى.

[ashouhdy]

هههههههههه اصل كنت قريت على النت ان العفشة الرياضية مش بالضرورة تكون ناشفة ودى كانت رد مجلة او برنامج مختص بالسيارات ردا على نشوفية الكيا سيراتو

كان الرد بيقول وموجة لشركة كيا : العفشة الناشفة مش لازم تكون رياضية والعفشة الرياضية مش بالضرورة تكون ناشفة

عشان كدة سئلت

ويمكن عشان بركب بى ام 328 بتاعت واحد صديقى وهى عفشة رياضية 100% بجنوط 18 ومش بحس نهائى بأى نشوفية !!