تعديل الفيرنا 2011

[debana911]

ان شاء الله ناوى اجيب فيرنا جديده وطبعا عرفت ان الفيرنا ثباتها وحش وعاوز اركبلها عفشه رياضيه وجنوط 17 /45/205 والفرامل لو امكن دى البدايه وبعدين هاعمل شغل فيبر فى الاكصدامات والعتب بس ده المرحله التانيه
المطلوب
1/ الناس اللى اعمل عندهم الشغل ده ويبقى فوق النمره واحد ويكونو مضمونين
2/ اسعار العفشه الرياضيه والجنوط والكاوتش والمقاسات المناسبه للعربيه وانواع كل حاجه فيهم
مع العلم انى من السويس ومش من القاهره

[debana911]

ياناس حد يرد عليا بقى

[bassem.naguib]

متهيالي جنوط 17 حتبقى كتير قوي وحتنشف العفشة بزيادة .. بالإضافة أن سعرها حيكون غالي .. ويفضل الجنوط 15 من وجهة نظري .

[ahmedaglan]

بص ياباشا حضرتك مش هتحتاج تجيب غير مساعدين كونى والجنوط تكون 16 بوصة من نوعية كويسة وتكون نوع hrs ودول اندونيسي ووزنهم خفيف ومش هيضرو العفشة لما تركب المساعدين الي قولتلك عليهم وتجيب كاوتش 205/45 كومهو او هنكوك ودول ممتازين جدا
اما عن موضوع العفشة وتركيبها ففي ناس كتير كويسين وممتازين زى عبدو عفشة في عين شمس في جسر السويس ف القاهرة
وبالتوفيق في القرار السليم

[debana911]

وينفع اجيب مساعدين من غير سوست
ومشكله الفرامل ليها حل ولا ايه

[ahmedaglan]

ايوة ينفع تجيب مساعدين من غير سوست لان السوست هتبقي جديدة عندك وحرام نرميها وهيبقي عزمها قوى علشان لسة جديدة وهتسبها لغاية متجيب اخرها وبعد كدة تغيرها
اما عن موضوع الفرامل متقلقش مش هيجرلها حاجة
وبالتوفيق

[debana911]

الله يكرمك يا ابو حميد

[debana911]

طيب فى حد عنده اى معلومات ممكن تفيدنى تانيه ياجماعه
لانى بحب اخد المعلومه من كذا جهه

[ahmedaglan]

ياباشا انا تحت امرك ولو في اي استفسار انا ف الخدمة

[debana911]

ربنا يكرمك ياحمد بحته بى ام m3

[ahmedaglan]

هههههههههههه
او حتة راديو صغير مش هيجري حاجة

[banky]

بص يا debanaaaa انا ليا راى تانى ... انا بردو معايا فيرنا 2011 و بردو من السويس ....
مع كل احترامى للأستاذ احمد عجلان ....
انا رايى انك تجيب سوست مش مساعدين و تكون سوست apexi او eibach او koni بس تاخد بالك انها تكون بتوطى العربية 3سم بس مش اكتر من كدة ...
لأن اكتر من كدة غلط على العربية عشان هاتبقى ناشفة اوى و هاتبقى من ورا الفرد فاتحة لبرة و ده غلط على الكاوتش ...
و معاهم جنط 16 يبقى لذيذ اوى .... و الفرد 205\45 زى ما الأستاذ قالك و نفس النوع بتاع الأستاذ او لو عايز حاجة نظيفة اوى يبقى بريدجستون بس هايبقى غالى ...
و كدة مش هيأثر هلى العافشة بتاعت العربية خالص .... هى المساعدين بس اللى ممكن يأثر عليها بس الكلام ده مش قبل سنتين تلاتة كدة ... و ساعتها إبقى هات مساعدين سبور يمشو مع السوست اللى هاتجيبها ده ان شاء الله زى مثلا بالستن او اى نوع كوايس بردو .... و كدة هتلاقى العربية ثابتة جدا جدا و الفرامل بتاعتها بقت احسن بس مش بفرق كبير ...

و الله يوفقك ان شاء الله

[khaled_yassin]

انا هقول الى اعرفوا والله اعلم
احسن جنوط للفيرنا على العرببيه كدة هى ال14 لان ال15 بتعمل بلونه فى الكاوتش وناس هنا اشتكت منها
طيب فى سوست سبور نزلت وبتتباع للفيرنا وكانوا بيقولوا سعرها 3000 جنيه طبعا سعر خرافى والى قالوا شارب حاجة بس هى بتتباع فى محلين وابعتلك صورهم لو عايز
فى اكتر من فيرنا مركبه 16 وبصراحة مش افتى ولا اعرف نظامها ايه
وفى عربيه فيرنا بتاعة طارق فيرنا مركب فيها جنوط 17 وماتور النترا 2000 سى سى
بس بعد ما تركب كل دة هتوقفها ازاى ؟

[ELGASERCBR]

انا هقول الى اعرفوا والله اعلم
احسن جنوط للفيرنا على العرببيه كدة هى ال14 لان ال15 بتعمل بلونه فى الكاوتش وناس هنا اشتكت منها
طيب فى سوست سبور نزلت وبتتباع للفيرنا وكانوا بيقولوا سعرها 3000 جنيه طبعا سعر خرافى والى قالوا شارب حاجة بس هى بتتباع فى محلين وابعتلك صورهم لو عايز
فى اكتر من فيرنا مركبه 16 وبصراحة مش افتى ولا اعرف نظامها ايه
وفى عربيه فيرنا بتاعة طارق فيرنا مركب فيها جنوط 17 وماتور النترا 2000 سى سى
بس بعد ما تركب كل دة هتوقفها ازاى ؟

بالضبط هي اصلا فراملها مش كويسه والسؤال ده اهم من كل الي هتعمله في العربيه هتوقفها ازاي

[banky]

بس على فكرة لما العربية تهبط الفرامل بتاعتها هتبقى احسن