بخصوص فلتر الاسبور

[smsm_nabawy]

العفو ،، و تشرفت جداً بمعرفتك يا مصطفى

بص طالما أنت فتحت الموقع و هما قالولك على الكود بتاعه ،، يبقى هوا ده أحسن حاجة لعربيتك !!
اما لسعره ،، معرفش عنه والله ،، أنا الي أعرفه ان ال كي أند أن غااالي !!!

بس معرفش هل فعلاً غالي أوي كده !! !!!

أنت بتقول 900 جنيه !!!!

بصراحة أنا شايفه غالي !!

عامةً انا حسب معرفتي الضئيلة بالفلاتر الكي أند أن ،، ان مش معنى الكود ده أنه الوحيد الي يشتغل عندك ،، لكن معناه انه أفضل أداء لعربيتك حيكون معاه !!

لاحظ أنك لسه حتجيب ماسورة "ستاينليس عمولة ،، أو بولي فينيل ،، " او حتسيبه على ماسورة الفلتر بتاع عربيتك ! و ده على حسب رغبتك !! :)

و انا معرفش مين مونستر جراج دول ،، ولا عمرو ديزاين للأسف :(

[SoFiMaN]

اعتقد خليني في الموديل المخصص زي ما قلت في الاول و على فكرة المفروض تقريبا ان الكيت دي بتيجي بالماسورة,, شوف الصورة في اللينك ده
57-0521-1 - K&N 57i Series Kits, Performance Intake Kit

النقطة اني متردد لأني عمري ما جربت الفلتر السبورت مش عارف هيبقى صوته ازاي انا اه عايز صوت بس على الهادي مش حاجة ازعاج ابدا ليا و الاهم اني احس بشكل ملحوظ في اداء السحب ده بالاضافة ملاقيش اني بقيت باكل بنزين

[smsm_nabawy]

الفلتر مبيعملش صوت خااابص ألا على الكبس ،، لو كبست مرة واحدة و فتحت الثروتل و العربية بتحرق بيها حتسمع صوت !!
و أنت على الهادي مفيش صوت يذكر .. عكس الديفيل الي في معظم الأوقات بيعمل صوت

أستهلاك البنزين،، حيعتمد على طريقة سواقتك !! لو حتحرق على طول ،، طبيعي أنك حتاكل بنزين ،، لو على الهادي يبقى العربية مش حتاكل بنزين خالص ،، بالعكس ،، حيوفر معاك :)

أما الأداء ،، أنا مش حقولك حاجة غير "بجد مش حتندم في موضوع الأداء ده" :)

[smsm_nabawy]

شوفت الصورة ،، طالما كده ده الكيت كااامل "من غير كيت التنظيف" ،، يبقى توكل على الله :)

[killypunto]

أولاً مبروك عليك :)

ثانياً هوا شكله كده ؟؟
ولا السفنج ده ؟؟






عامةً لو شكله كده ،، هوا بيتنظف ،، مش بالمدة ،، بالوساخة بتاعته ،، بس أنا مثلاً بنظفه مرتين كل شهر ،، و بغسله مرة كل شهرين

بمعنى ،، أني بطلعه من العربية و أخده معايا البيت ،، و أشغل المكنسة الي بالكهربا ،، و أركب فيها الفرشة ،، مش المكنسة !!

"هي عندنا ممكن تشيل البوذ الي في اللآخر و تركب حسب داعي الأستعمال (تقريباً كل المكانس كده) "

المهم و أشغلها على أقصى قوة شفط ،، و أقعد أمشيها على الفلتر ،، بحيث تشفط كل التراب و كده !!

و ده بيكون بمعدل مرة كل أسبوعين ،، أو كل أسبوعين و حاجة


كل شهين ،، بطلعه و اغسله ،،

بحيث اني أجيب "طشط" و املاه مياه ،، و أحط فيها برسيل ،، و كام نقطة بريل !!
و أنقع الفلتر ،، و أقعد أنزله و أطلعه أكتر من مرة ،، و أجرب أسد بأيدي الزور بتاع الفلتر ،، و أنزله و اطلعه في المياه ،، بحيق أن المياه تدخل في المسام بتاع الفلتر ،، و تطلع !!

و بمسكه و انزله في الطشط ،، و أقعد ألقه في المياه ،، و أحركه يمين و شمال ،، علشان أظمن ان المياه تتغلغل جوا النسيج كويس و تشيل كل الأتربة

و بعد كده أسيبه منقوع 10 دقايق "مش بزود علشان بخاف النسيج بتاع الفلتر يتهرى !!

و بعد كده أشيله و أفرغ المياه دي ،، و طبعاً لون المياه بينزل أسوود !! :)))

بعد كده أشطف ال"طشط" و أملاه مياه نظيفه !! و أشطف الفلتر فيها ،، بنفس الطرق بتاعت تنظيفه "لاحظ ،، تجنب أنك تحط الفلتر مباشرة تحت الحنفية ،، علشان ضغط المياه الي نازله ممكن يقطعلك حتت في نسيج الفلتر ولا حاجة ،، و طالما في أحتمالية لكده ،،يبقى بلاها احسن !!

بشطفه أكتر من مرة ،، كل شوية أكب المياه الي شطفته فيها ، و أستخدم مياه جديدة !!

و بعد كده أمسكه ، و أقعد أنطره كوييسسسس أوي ،، علشان أفضي المياه منه ،، و بحطه في البلكونة ساعتين ولا حاجة في الشمس ،، و الهوا ،، و باخده معايا بعد مينشف و أحطه في العربية

في بعض الفلاتر "مثل ال k & n " دول بيكون ليهم كيت مخصوصة لتنظيفها شاملة زيت معين بيتحط على الفلتر ،، علشان يضمن عدم دخول أتربة للموتور

أنا الفلتر بتاعي سيموتا ،، مش بحط عليه حاجة ،، بس ناوي المرة الجاية ،، أدهنة زيت "باور" علشان يلقط الأتربة :)

يا رب أكون ساعدتك و مطولتش عليك :)

بجد تسلم على الشرح الجامد ده و انا هجرب الطريقه دى عندى لانى الفلتر بتاعى محتاج تنظيف قوى و صوته بقى مش واضح و مأثر على السحب خصوصا من ساعات ما الصيف بقى ما دخل و كده

[smsm_nabawy]

العفو يا باشا :)