عايز اسقط موتور للافيـــــــــــــو

[Chrispo]

[a7la1=#f08282]

السلام عليكم ورحمة الله وبركاته

انا معايا افيو 2008 بس زهقت من التسارع بتاعها بصراحة حاسسها بطيئة اوى

المهم انا عايز اسقطلها موتور غبى (( يا سلام لو الواحد ينفع يسقط m3 )) ههههههههههههههه

تنصحونى ب ايه يا جماعة ولا ايه رايكم فى الموضوع ده اصلى مش عاجبنى سرعة العربية خالص

واحد قالى ممكن تسقط موتور كابرس او كامارو مش عارف هل هى تستحمل الكلام ده ؟؟؟؟؟؟؟؟

[/a7la1]

[ahmedtunning]

سيبك من الكلام ده في العربيه ديه هتصرف كتير جدا فا لو كده بيع و زود شويه وهتلك حاجة اعلي

[eng.m7md.ali]

مينفعش كابرس ولا كامارو دي عربيات دفع خلقي

[mstool]

موتور اوبترا بس ادفع و فية اوبترا شوفتها مرة على النت 2000 سى سى ممكن تلاقية استيراد 2000 جاى من برة الله اعلم

[Fadi Ezzat]

ماتور الاوبترا بس الاول اتاكد من القواعد
وعندك ماتورين 1600/2000 سى سى
بس طبعا هتعدل الفرامل والعافشة كتيييييييير وهتحتاجج توطى العربية كتير لانها عالية اوى

[eng_sherif_00]

بص ياباشا الافيو بتنزل باربع مواتير على مستوى العالم ماتور 1400 سى سى 16 صباب و 1500 سىى سى 8صباب (اللى عندنا فى مصر) وماتور 1600سى سى نسخة من ماتور النوبيرا بالظبط وهورس باور 110 وماتور ايكو تك 1600 16 صباب هورس باور 115 ....الافضل انك تختار ماتور من المواتير بتاعتها عشان متعدلش فى حاجات كتير وافضهم الايكوتك طبعا وهتلقيه استيراد وده بيجى من امريكا وبعض الدول فى اوروبا مش من كوريا..ممكن لو انت عايز حاجه اعلى من كده تشوف مواتير الاسترا والفكترا ال 200سى سى ودول اعتقد انهم ينفعوا يركبوا خاصة مواتيسر الاسترا لان ماتور الافيو هو ماتور استرا 95

[hashad14]

انا شوفت مواتير فى نصف امامى افيو فى الحرفيين جايه من اوروبا 1600 اوتوماتيك عند محل اسمه الاصدقاء ده شغال على الشيفروليه والاوبل