تظبيط فيات 128

[ramy_saad74]

السلام عليكم ورحمه الله وبركاته
يجماعه انا عاوز اعدل عربيه فيات 128 يعني اقلب العفشه باور رياضيه طبعاواركب بارات علشان الثبات واسقط ماتور اونو 105 حصان واعمل بودي كيت وجنوط وحركات كده
ياتري فين اقدر اعمل الحاجات ديه كله والتكلفه هتكون كام افيدوووووووووووووووووووووووني ا

[ramy_saad74]

ويتري تسقيط الماتور بياثر علي الشاسيه بيشرخ وكده وممكن ارش رصاص او المونيوم في الحوض علشان اقوي الشاسية

[ramy_saad74]

ايه 15 مشاهده ومحدش بيرد ليه ارجو الرد للاهميه

[capo_em]

السلام عليكم ياريس
أنا هفيدك على قد خبرتى لأنى كنت من مالكى الفيات 128 لمدة عام واحد والحمد لله خلعت منها
بص ياسيدى الفاضل حكاية التظبيط وتسقيط المموتور بس وكل ده أنا فكرت فيه ولقيت مفيش فايدة مهما تعمل هتفضل 128 بالنسبة لصب الرصاص أفتكر إنك لازم تكون عربيتك فى السمكرة وتصب عليها علشان متبوظش البوية واللون لو هى ماشية وشغالة وهترجع تانى ترش وكمان الجنوط والباور والعفشة مش هتظبط زى ما انت فاكر وفى النهاية التكلفة هتزيد والعربية هتبقى كويسة فترة قليلة فى الأول وبعدين تظهر المشاكل والله أعلم أعتقد انك عشان تعمل الشغل ده ما لا يقل عن 5 آلاف جنيه حطهم على تمنها وهاتلك حاجة افضل كحالة وموديل
والله الموفق

[prisoner]

السلام عليكم ياريس
أنا هفيدك على قد خبرتى لأنى كنت من مالكى الفيات 128 لمدة عام واحد والحمد لله خلعت منها
بص ياسيدى الفاضل حكاية التظبيط وتسقيط المموتور بس وكل ده أنا فكرت فيه ولقيت مفيش فايدة مهما تعمل هتفضل 128 بالنسبة لصب الرصاص أفتكر إنك لازم تكون عربيتك فى السمكرة وتصب عليها علشان متبوظش البوية واللون لو هى ماشية وشغالة وهترجع تانى ترش وكمان الجنوط والباور والعفشة مش هتظبط زى ما انت فاكر وفى النهاية التكلفة هتزيد والعربية هتبقى كويسة فترة قليلة فى الأول وبعدين تظهر المشاكل والله أعلم أعتقد انك عشان تعمل الشغل ده ما لا يقل عن 5 آلاف جنيه حطهم على تمنها وهاتلك حاجة افضل كحالة وموديل
والله الموفق

+111111111111111111 بالظبط كده هوة ده اللى انا عملته بالرغم من عشقى للعربية دى حمالة قسية لدرجة ممتازة انت ممكن تجنط وترش العربية بوية كويسة وفوانيس امامية كريستال وخلفية ممكن تعملها ليدات فى الحرفيين عند بتوع تعديل الفوانيس وديفل ويبقى كده فل عليها قوى هاديلك شكل ممتاز وعلى قدها واعتقد لو حبيت تسقط ممكن 1300 لانشيا هايكون افضل و لو فعلا تقدر هاتلك عربية حديثة شوية وانت هاتحس ان الفرق يستاهل انك تركب عربية بجد تحياتى

[mstool]

لو فية امكانية اعمل الكلام العالى دة على اى عربية تانية لو مفيش مش هتقدر تسقط حاجة جامدة زى كدة زى بتاع الاونو ال 105 حصان تجنبا للمشاكل و حط فى دماغك ان صيانة الموتور دة اصلا فى الاونو مقرف فى مصر هنا عشان تلاقى حد يفهم هيجرحلك جيبك جامد اوى طبعا فاهمنى
لو ناوى تشتغل و مصمم على الشغل هيبقى حاجة مش هتتعجى ال 75 حصان و ياريت تبقى جديدة مكنة مش اقل من موديل 95 عشان تستحمل العربية و صب الرصاص اعرف ان مفيش بيع للعربية بتمن اكتر من
10 الاف جنية و البيع هيبقى تقيل
لان بالعقل مينفعش تجيب راجل 75 سنة تلعبة ماتش كورة ساعتين لو كمل معاك ربع ساعة يبقى وحش
كلام الناس اللى جربت مكنة الانشيا 1600 عاشت معاهم العربية سليمة 8 شهور فقط لاغير للحقيقة

[smsm_nabawy]

حيكلف كتير ،،

مستعد تدفع كام ؟؟ ؟

لأن على قد ميزانيتك حنقدر نفيدك !!

[prisoner]

لو فية امكانية اعمل الكلام العالى دة على اى عربية تانية لو مفيش مش هتقدر تسقط حاجة جامدة زى كدة زى بتاع الاونو ال 105 حصان تجنبا للمشاكل و حط فى دماغك ان صيانة الموتور دة اصلا فى الاونو مقرف فى مصر هنا عشان تلاقى حد يفهم هيجرحلك جيبك جامد اوى طبعا فاهمنى
لو ناوى تشتغل و مصمم على الشغل هيبقى حاجة مش هتتعجى ال 75 حصان و ياريت تبقى جديدة مكنة مش اقل من موديل 95 عشان تستحمل العربية و صب الرصاص اعرف ان مفيش بيع للعربية بتمن اكتر من
10 الاف جنية و البيع هيبقى تقيل
لان بالعقل مينفعش تجيب راجل 75 سنة تلعبة ماتش كورة ساعتين لو كمل معاك ربع ساعة يبقى وحش
كلام الناس اللى جربت مكنة الانشيا 1600 عاشت معاهم العربية سليمة 8 شهور فقط لاغير للحقيقة

+1111111111111111 كلام مظبوط الله ينور عليك

[إبراهيم المصرى]

التعديلات اللى بتتكلم عليها حتكلف كتير وفى الاخر هى برضه 28 ففى رأىى المتواضع الرنج اللى انت عامله للتعديلات + تمن العربيه ممكن يجبلك عربيه فيها الاوبشن فابريقه زى البور والتكيف وازاز الكهرباء واكيد احسن مليون مرة لان خلينا صرحه ال28 عرييه شعبيه زى الفول والطعميه الغنى والفقير ميستغنوش عنهم بس الغنى بيفطر بيهم بس لاكن لما يحب يدلع نفسه ممكن ياكل كافيار فهى عربيه كويسه جدا بس فى حدود الاحتياجات الضرورويه والامكانيات المتاحه