تعديلات باسات 2008

[gellish]

تعديل وحدة تحكم الباسات بيكلف حوالي 3 الاف جنية

[smsm_nabawy]

أولا رمضان كريم و صوما مقبولا إن شاء الله

فعلا أنا مش من القاهرة لكن ممكن أنزل القاهرة و أعمل الموضوع دة، بس هل هي نسبة و تناسب بمعنى زيادة التسارع بيزيد معاه إستهلاك البنزين و العكس صحيح أم ماذا

اللهُ أكرم :)
تقبل الله منا و منكم صالح الأعامل ...

مبدأياً ،، أي نعععممم ،، تسارع أكتر ،، يعني حرق أكتر ،، يعني بنزين أكتر !!

بالنسبة للبرمجة ....
هيا برامج بتتحط على الوحدة دي ،،
بيشوف الأول ،، انت عايزها معاك أيه ؟؟

1-هل عايز أكبر أقتصاد للوقود ممكن ؟؟
*طيب لو كده ،، سواقتك أيه ؟؟ هل رياضية ،، ام عاادية خالص !!

و هكذا !!!
و بيتاخد في عين الأعتبار "هل حضرتك معدل في الموتور ،، مزود كامات مثلاً ،، او معدل هيدرز ،، أو أو او ..."
و هيا طبعاً بتبقى نسبة و تناسب !!

بس حسبما أتذكر ،،
أنت في عربيتك ،، كان البرنامج الي بينزل،، بيخلي الكارته تعدل ضخ البنزين في الآر بي امات الصغيرة و تعدله في السريعة كذلك !! علشان تطلع "مع التربو طبعاً" أقصى أداء !!!

في المقابل أستهلاك البنزين بيزيد ،، بس مش زيادة وهمية يعني !!!

بس البرمجة دي ،، بتعدل بحيث أنها تديك أعلى أداء ،، مع أعلى أقتصاد للوقود !! "بالنسبة للأداء ده " مش بالنسبة لأستخدام العربية ككل !!

فطبعاً لو حضرتك عملت ريماب ،، أستهلاك البنزين حيزيد عن المعتاد ،، لكن مش زيادة وهمية !!

و مش حيزيد أعتبطاً ،، لا ،، ده حيزيد علشان حضرتك حتستخدم الموتور بقرص و كبس كتير !!

و الموضوع مككلف ،، لكن اياً كان مش مكلف ولا متعب ولا يزعل زي متروح تسقط مكنة جديدة !! لأن "من وجهة نظري"
1- العربية موتور جميل جداً ،
2-حرام تسقيط مكنة جديدة في عربية جديدة زي دي
3-أي موتور حتسقطه لازم يكون أقوى من الي عندك قبل كده ،، يعني برده استهلاك البنزين حيزيد ،، بس بطريقة أكترر من لما تعمل ريماب

ممكن لو عايز تصرف فلوس في حاجة تعدل فيها تعديل ميكانيكي ،، أنصحك بالعفشة ،، مش الموتور !!

الموتور بظظظظبط كدهو "حطله فلتر سبور ،، و ريماب و كفاية كده !! و لو عايز تحط بواجي سبور ،، حط ،، بس ميتهيقليش أنها حتفرق جامد أوي ،، بس اهي بتفرق برده" !!! :))

ده غير تعديل هيدرز للعربية ،، و لو ينفع تزود كامات زيود "انا صراحةً معرفش هل في وش سليندر لعربيتك في عدد كامات أكتر من المتاح في الستوك ولا ؟؟ بس أعتقد لا !! :)))) "
دي وجهة نظري والله

آسف للأطالة

:$ :$ :$

[hugan]

الراجل بيقول انه عايز يعدل العربية مش يصلحها... بالتالى هو عايز يرفع من مستوى ادائها و يخلليه افضل مما هو علية... و دة الهدف اساسا من اى تعديل

انت بتتكلم من وجهة نظر واحد راكب عربية مساعدينها بايظة و عايز يصلح عربيتة... دة ملوش اى علاقة بعالم التعديلات و الاداء العالى

و لو كلامك صح مكنش نزل للعربيات دى (فولكس واجن و بى ام دابليو و مرسيدس و اودى) عفشات رياضية من اساسة

لو حنتكلم من منظور باسات و سبيرانزا يبقى الباسات اللى متعدلة عفشتها هتحسسك ان الباسات الستوك عبارة عن سبرانزا على الطريق

mmamdouh

ربنا يسهل له وينوله اللي في باله
ويعرف يعدل المطلوب تعديله

[Ahmed.Fahmy]

طيب ماتقولوا للراجل مكان يعمل الريماب فيه ياخواننا
انا من رأييى بلاش موضوع الموتور دا
ممكن تركب تربو اكبر من اللى عندك + ريماب
مع مساعدين رياضية وسوست و وكاويتش عريض وطير يا معلم
ربنا يوفقك وانا متابع معاكم

[madaxman]

طيب ماتقولوا للراجل مكان يعمل الريماب فيه ياخواننا
انا من رأييى بلاش موضوع الموتور دا
ممكن تركب تربو اكبر من اللى عندك + ريماب
مع مساعدين رياضية وسوست و وكاويتش عريض وطير يا معلم
ربنا يوفقك وانا متابع معاكم

++ تربو أكبر من ال عندك بس الراجل بيشتكي من الطلعه في الاول بس يعني الثبات معقول بالنسباله ف مش هيحتاج مساعدين او كاوتش عريض لان الكاوتش العريض هيأثرع السحب بالسلب طبعا
هيا مشكله العربيات دي كدا الطلعه في الاول لأنها تقيله ع الارض لكن بعد ال 80-100 روووح يا معلم حاجه بسم الله ما شاء الله المشكله انها عربيه عاليه يعني الواحد مكسوف يقولك ركب ديفيل ولا فلتر رياضي بس ممكن تروح لعادل وجدي في الحرفيين استاذ تعديل وهيقولك ع انسب حل

[mrwho1982]

اقرا الموضوع ده كده

ممكن يفيدك

http://www.nilemotors.net/Nile/93015-ecu-remap.html

[Abo-Islam]

++ تربو أكبر من ال عندك بس الراجل بيشتكي من الطلعه في الاول بس يعني الثبات معقول بالنسباله ف مش هيحتاج مساعدين او كاوتش عريض لان الكاوتش العريض هيأثرع السحب بالسلب طبعا
هيا مشكله العربيات دي كدا الطلعه في الاول لأنها تقيله ع الارض لكن بعد ال 80-100 روووح يا معلم :m_yes[1]: حاجه بسم الله ما شاء الله المشكله انها عربيه عاليه يعني الواحد مكسوف يقولك ركب ديفيل ولا فلتر رياضي :b4_556: بس ممكن تروح لعادل وجدي في الحرفيين استاذ تعديل وهيقولك ع انسب حل

ممكن توصفلي مكانه بالضبط و ياريت تليفون و بالنسبه لأسعاره نظامها إية.

[madaxman]

اسف ع تأخير ف رد انا معرفش مكانه فين في الحرفيين بالظبط بس دي صفحته ع فيس خش وشوف
TPS garage | Facebook