تسارع افضل للجيتا

[mishoo_22]

يا جماعة معايا واحد صاحبى معاة جيتا 2010

تسارعها مش عاجبوا

بما ان تسارعها حلواوى 0-100 فى 10 ثوانى

هو عايز يخليها فى 8 ثوانى مثلا

اية الحاجات والتعديلات اللى ممكن تتركب من غير متاثر على المتور وتزود التسارع والسحب جامد

[OmaR_FekrY]

ممكن فلتر هوا رياضى ... بوجيهات سبليت فاير و اسلاكها ... بس حرام عليه دى لسه جديده و عامه الالمانى كله تسارعه فى البدايه بطىء نسبيا بس بعد ال 100 مبتشوفهوش

[Moe86]

هى ال1600 ؟ يبقى تسارعها 12 ثانية أساسا مش 10
هى عربية تقيلة و مريحة ماشاء الله مش يتاعة جرى, ممكن يركب فلتر هواء K&N ال apollo هيفوق العربية بس الفرق هيبقى بسيط قوى قبل ال100
أى تعديلات تانية هتبقى مكلفة و فى الأخر تدى فرق تسارع تافه
لو الموضوع فارق معاه قوى, يركب موتور ال TSI اللى هو 1400 و تربو بالفتيس بتاعه استيراد من الحرفيين, موتور مفترى بجد , و يسيب الموتور الأصلى فى حاله من غير لعب

[mishoo_22]

هو عايز حاجات بسيطة تزود التسارع شوية وعايز يخلية زى تسارع البرافو والجولف
اصل هو بتاع شد
فهو عايز يركب حاجات من غير ميلعب فى المتور وياثر علية
قتقترحوا يركب اية

[fahd_628]

علشان يوصل ل 8 ثوانى مفيش حل غير تيربو

غير كدة عمرها ما حتبقى 8 ثوانى و متسمعش اى حد يقولك حتفرق معاك ثانية ولا ثانيتين ببوجيهات ولا فيلتر ولا الكلام دة

[mishoo_22]

طيب ممكن سؤال حضرتك

ممكن يركب 2 تيربو ولا مينفعش لازم تربو واحد ؟
ممكن يركب حاجة تانية مع التيربو علشان يزود التسارع اكتر؟

[blazer]

يعنى انت قلت عاوز يوصل ل 8 ثوانى يبقى تربو واحد كفايه تربو واحد ببوست عالى ممكن يوصله ل 6 ثوانى بس هيغير الانترنلز بتاعه الماتور نصيحه خليه يسقط ماتور الجيتا ال 2000 التربو بيدى 200 حصان وتسارع 6.7 ثنايه وبينزل بفتيش مانيوال 6 سرعات

[mishoo_22]

لو هو حضرتك مش عايز يغير المتور بتاعو وغير كدة التور اللى هيشترة غالى جدا
ممكن حضرتك تشرحلى التربو ببوست اللى قولت علية وتكاليفة بكام

[Ahmod]

يا باشا انت كدة هتلعب في عربية جديدة وهيبقى حرام عليك

هتركب تربو على قد ماهيزودلك التسارع على قد ماهيقلل العمر الافتراضي للمكنة

يعني تخيل كدة مثلا واحد بيقدر يشيل 40 كيلو هو قدرته كدة

تيجي انت بقدرة قادر تركبله حاجات تخليه يشيل 100 كيلو

تفتكر العمر الافتراضي هيفضل واحد ؟

يعني لو تربو وحرق وشد وقرص اعتقد الماتور بالكتير تلت سنين وهيودع

والحاجة النضيفة يبقى هتدفع كتير

عايز رأيي ومن غير زعل طالما هو بتاع جري وشد ماكنش جاب الجيتا

الجيتا برستيج وهدوء وثبات مش جري وشد

الاحسن يبيعها وبتمنها هيجيب حاجة تجري وتشد زي ماهو عايز

[yoko]

ملوش غير التربو وعشان ينزل العربيه من 12 ثانيه ل8 يبقى هيدفع في حدود 25 الف جنيه على الاقل نصيحة يا يجيب جولف أو برافو بتربوا جاهزيين يا يقعد بدي ويرضى بيها أي تعديل تاني ولا ليه أي 3 لازمة وكبيره هتفرق ثانيه

[mishoo_22]

عندك حق

[tawfeek]

رأى يبيع و يجيب حاجة تجرى انما الجيتا ثبات و رلحة و حرام اللعب فيها