مساعده في تعديل فليشيا

[AhMeD MeTwAlY]

اولا انا عايز اعدل العربيه مش شكل بس ماتور واداء علي الطريق هي لحد الان ادائها كويس جدا والحمد لله مش بتكسفي
بس انا عايز اخليها عربيه كويسه الفكره بدأت ان اركب ليها فتيس 1600 علي ماتور 1300 لان الاتنين نفس الفتيس انا معاك ان غلط علي الماتور بس مخلي اداء العربيه تحفه
انا جت كلها فتره صغيره وهعمل عمره لان العربيه ادائها مش عجبني وعايز اركب دسك واسطوانه
المهم انا قولت اجيب ماتور 1600 سي سي بدل 1300 لنفس العربيه بوحدة التكييف بتعته لان الماتورين نفس القواعد بس اقصي سرعه علي موقع الشركه 160 ك/س وده شئ مش كويس يعني هجيب ماتور 1600 سي سي عشان امشي 160
الشكل من بره طبعا العربيه واطيه علي الارض مش مرتفعه وهجيب جنوط سبور شكلها محترم مقاس 13 او 14 بس الغالب 13 عشان العفشه
بالنسبه للنور بتاع العربيه عايز اركب زينون واصب فوانيس وره
وهركب كسحات وهشوف كده انفخ الرفارف واكصدامات سبور
او ادهن ميتلك وارجعها لشكلها الاصلي الي طلعت بيه من الشركه بيكون بردو شكلها جامد
الزينون بيكلف كام وان اصب الفوانيس الي وره تكلف كام؟؟
ولسه الزينون مخالف ولي لا هو والفاميه خفيف مش سوبر درك؟؟
هل بقئ العافشه هتستحمل انا كلمة واحد بتاع عفشه قديم جدااا في العفشه قالي مفيش مشاكل
كده تعديل الماتور؟؟
يا ريت حد يرد علي سؤالي بخصوص العفشه واسعار الزينون وهل هو مخالف هو والفاميه الخفيف مش السوبر درك؟

[EngAhmedSayed]

اولا انا عايز اعدل العربيه مش شكل بس ماتور واداء علي الطريق هي لحد الان ادائها كويس جدا والحمد لله مش بتكسفي

طول عمرهاما بتكسفش جد

بس انا عايز اخليها عربيه كويسه الفكره بدأت ان اركب ليها فتيس 1600 علي ماتور 1300 لان الاتنين نفس الفتيس انا معاك ان غلط علي الماتور بس مخلي اداء العربيه تحفه
انا جت كلها فتره صغيره وهعمل عمره لان العربيه ادائها مش عجبني وعايز اركب دسك واسطوانه

لانى بيرجع على الموتور بالاجهاد و احنا كنا اتناقشنا فى الموضوع قبل كدة

المهم انا قولت اجيب ماتور 1600 سي سي بدل 1300 لنفس العربيه بوحدة التكييف بتعته لان الماتورين نفس القواعد بس اقصي سرعه علي موقع الشركه 160 ك/س وده شئ مش كويس يعني هجيب ماتور 1600 سي سي عشان امشي 160

هو الفرق ما بين الموتور 1300 وموتور 1600 هو بس فى التسارع من 0 كيلو متر 100 كيلو متر
بس انا مانصحكش ياصديقى بالسرعة العالية

الشكل من بره طبعا العربيه واطيه علي الارض مش مرتفعه وهجيب جنوط سبور شكلها محترم مقاس 13 او 14 بس الغالب 13 عشان العفشه

دى مشكلتها انى هى واطية من الارض فعلا خليك فى مقاس الجنط بتاعها قلى هو 14 بس متجيبش جنط عريط قووووى

بالنسبه للنور بتاع العربيه عايز اركب زينون واصب فوانيس وره
وهركب كسحات وهشوف كده انفخ الرفارف واكصدامات سبور
او ادهن ميتلك وارجعها لشكلها الاصلي الي طلعت بيه من الشركه بيكون بردو شكلها جامد
الزينون بيكلف كام وان اصب الفوانيس الي وره تكلف كام؟؟
ولسه الزينون مخالف ولي لا هو والفاميه خفيف مش سوبر درك؟؟

طبعا بيعتبر الزينون مخالف مدام مش نازل مع العربية لانة ما بيكونش مصمم على الفانوس فا بيعمل اضاءة قوية على السائقين الاخرين فابيشوش عليهم و هم سايقين يعنىبيعمى قلى سايق قدامك
نفسى المرور بتاعنا ينزل درجة مش مخالفة

هل بقئ العافشه هتستحمل انا كلمة واحد بتاع عفشه قديم جدااا في العفشه قالي مفيش مشاكل
كده تعديل الماتور؟؟
يا ريت حد يرد علي سؤالي بخصوص العفشه واسعار الزينون وهل هو مخالف هو والفاميه الخفيف مش السوبر درك؟

لا العفشة هتكون عادى لانى العربية دى بنفس الموصفات دى نزلة بموتور 1300 وموتور 1600 فا مفيش مشكلة ركب وعيش
وبالتوفيق
واى خدمة
انا بتاسف لحضرتك موبيلى فصل شحن وانا بكلمك
بس اتصلة بيك لقيت حضرتك غير متاح

[AhMeD MeTwAlY]

معلش انا الي اسف بجد موبيلي المنطقه الي كنت فيها الشبكه بتجيب شرطه واحده لما بكون في اعلي مبني
ان شاء الله الموضوع ده بردو هدور فيه وهشوف لو ينفع اركب ماتور تاني سرعته اعلي ومش هيضر العافشه ولي لا وكنت مع واحد صحبي بيقولي هات هيونداي ار بي الجديده بيقولي كويسه جدا وانا مش بقتنع غير بالماني عربيه قوه وثبات وانا مش من النوع الي بيقولي انت ونصيبك يعني مش اركب النترا واكسر عداد لقدر الله حصل شئ انا بخ
انما الماني انت في نسبة امان شوية اقرب مثال امبارح كنت مستعجل شوية فماشي 120-130 في طريق ارياف وفجأه النترا كانت قدامي شاف مطب ضرب فرامل فجأه انا نزلت علي التراب وطلعت تاني لو عربيه غيرها كان زماني في المايه بصطاد سمك (الحمد لله)
ولو فكرت ابيع عشان التعديل هجيب جولف

[EngAhmedSayed]

[quote=xmanx51;3873764565][b]معلش انا الي اسف بجد موبيلي المنطقه الي كنت فيها الشبكه بتجيب شرطه واحده لما بكون في اعلي مبني
ان شاء الله الموضوع ده بردو هدور فيه وهشوف لو ينفع اركب ماتور تاني سرعته اعلي ومش هيضر العافشه ولي لا وكنت مع واحد صحبي بيقولي هات هيونداي ار بي الجديده بيقولي كويسه جدا وانا مش بقتنع غير بالماني عربيه قوه وثبات وانا مش من النوع الي بيقولي انت ونصيبك يعني مش اركب النترا واكسر عداد لقدر الله حصل شئ انا بخ
انما الماني انت في نسبة امان شوية اقرب مثال امبارح كنت مستعجل شوية فماشي 120-130 في طريق ارياف وفجأه النترا كانت قدامي شاف مطب ضرب فرامل فجأه انا نزلت علي التراب وطلعت تاني لو عربيه غيرها كان زماني في المايه بصطاد سمك (الحمد لله)
ولو فكرت ابيع عشان التعديل هجيب جولف

هى دى بقى الفلشيا ياعم متعرفهاش قلى فى الزنقة هى ساعات بتقرفينى بس قرافها لذيذ
يعنى لما تشطب بنزين توقف قدام بنزينة اة والله يجى بتاع تلات مرات معايا ولما تيجى تعطل تعطل فى البركنج و انا بركن
مرة والله العظيم انا مش متخيل الموقف للحد دلوقتى
كنت راجع من اسكندرية الى القاهرة باليل و ماشى على 130 و التحويلات دى بتاعةالطريق المهم للقيت مقطورةا ماشية فى الشمال و ماشى على 60 او 70 حاجة زى كدة المهم انا شايف من بعيد المهم فضلت وراة للحد ما قربت روحت نازل فى اليمين سنة سنة الطريق كان فاضى وانا عند نص المقطورة وبسرعتى القى حائط خرسانى فى نص الطريق قلى انا فى المهم روحت واخد غرزة مع فرملة انا حسيت العربية و الله دخلت تحت نص المقطورة من تحت ورجعت تانى وزى ما عملت فرملة يعنى فرملة
سنة بالدركسيون تجيبها بالظبط و منغير متحط احتملات و تعوم و الكلام الفاضى
يعنى متلاقيش احتمال خالص تسوحك على الطريق والناس قلى معايا قعدين مسهمين محدش بيكلم التانى و كلو قعد سكوت فى مكانة بتاع 10دقايق صحيبى بيقولى هو دة معنى الثبات و بعدالالمانى مفيش بعدة بيقولى لو بالهيونداى لينترا قلى كان زمان مرجيح
يارب بركلى فى فلشيتى

[AhMeD MeTwAlY]

انا بجمع معلومات حاليا علي التعديلات بصفه عامه وبدور لفليشيا بصفه خاصه في مواقع اجنبيه وهفدكم بكل جديد في الموضوع ان شاء الله

[EngAhmedSayed]

انا بجمع معلومات حاليا علي التعديلات بصفه عامه وبدور لفليشيا بصفه خاصه في مواقع اجنبيه وهفدكم بكل جديد في الموضوع ان شاء الله

بس متنسناش فى القسم بتاعنا
جمع وبالتوفيق ان شاء الله

[AhMeD MeTwAlY]

انا عايز اعرف ايه الموتير الي ممكن اسقطها في العربيه سعرها كام والسرعه القصوي ليها كام ؟؟؟
وطبعا هتحتاج تعديل في العافشه

[dado_256]

متااااابع اوى اوى اوى واى

[ahmedesmat1987]

انا عايز اعرف ايه الموتير الي ممكن اسقطها في العربيه سعرها كام والسرعه القصوي ليها كام ؟؟؟
وطبعا هتحتاج تعديل في العافشه

تقريبا يركب عندك الفابيا 1500/1600 والاسكودا وش الاكتافيا 1998 1500 ....انجيكشن..وممكن تفكر فى a4 موديل 95 96 بس للاسف مش متاكد اسال وربنا يوفقق

[AhMeD MeTwAlY]

تقريبا يركب عندك الفابيا 1500/1600 والاسكودا وش الاكتافيا 1998 1500 ....انجيكشن..وممكن تفكر فى a4 موديل 95 96 بس للاسف مش متاكد اسال وربنا يوفقق

المشكله عندي هنا مفيش حد بيسقط غير 128 والعربيات التعبانه دي وانا بدور يعني عجبني شكل جامد للعدادات عملت منه برنت سكرين

http://a7.sphotos.ak.fbcdn.net/hphotos-ak-ash4/311441_10150776131840436_530110435_20697427_1716568_n.jpg

ولسه بحاول اجمع من اليوتيوب