فرامل الماتريكس

[assmy]

فرامل عربيتي الماتريكس 2007 , انا غير معجب بيها بحس أنها متلحقكش فى الزنقات أو على السرعات العالية.
أنا عامل كل الصيانات فى مواعيدها و التيل جديد أوريجينال ففكرت انى أغير التيل بتيل مستوي أعلى "سيراميك"
فعندى كذا سؤال:
1 هل الفرامل هتبقا أحسن
2 التيل السيراميك ممكن يبوظ الطنابير
3 عاوز اشترية من أمازون فأخترت تيل لل الألنترا لآن مواصفال الماتريكس غير موجودة بالموقع هل يركب عندى
شوفو اللينك للتيل ده
Amazon.com: Wagner QC924A ThermoQuiet Ceramic Disc Brake Pad Set: Automotive

شكرا مقدما للجميع

[فنان]

راجع على الطنابير الامامية احتمال تكون محتاجة تغيير

[ahmedsamir5edr]

هي فراملها كده .. مش بايظه ولا حاجه .. و مفيش حل غير تغيير الطنابير ورا ب ديسكات .. او طنابير مقاش أكبر .. و يكون نوع نضيف

بس احنا قتلنا الموضوع ده بحثا في الفيرنا ثم توقفنا و محدش كمل عشان التكلفه

[assmy]

هي فراملها كده .. مش بايظه ولا حاجه .. و مفيش حل غير تغيير الطنابير ورا ب ديسكات .. او طنابير مقاش أكبر .. و يكون نوع نضيف

بس احنا قتلنا الموضوع ده بحثا في الفيرنا ثم توقفنا و محدش كمل عشان التكلفه

شكرا لكل من رد على المشاركة
الطنابير بحالة ممتازة كشفت عليها و التيل جديد أصلى بغيرة كل 20 ألف
فكرت تغير الطنابير ولكن تكلفتها غالية Brembo تمنها 70 أسترلينى بدون الشحن ومش مضمون التحسن , العربية بصراحة كويسة جدا و مازالت بحالة الزيرو و لكن الفرامل ضعيفة مقارنة بوزن السيارة الثقيل و غالبا ده هيبقى سبب بيعى ليها

شكرا للجميع

[MMamdouh]

التيل السيراميك مش هينفعك... التيل بيحتاج حرارة عالية عشان يشتغل كويس و صعب توصلة للحرارة المثلى بتاعتة فى عربية ملاكى عادية... دا عايز عربية سباق او سوبر كار مثلا

هى المشكلة عندك ايه تحديدا عشان ممكن ميكونش العيب فى الفرامل اصلا؟؟

MMamdouh

[assmy]

التيل السيراميك مش هينفعك... التيل بيحتاج حرارة عالية عشان يشتغل كويس و صعب توصلة للحرارة المثلى بتاعتة فى عربية ملاكى عادية... دا عايز عربية سباق او سوبر كار مثلا

هى المشكلة عندك ايه تحديدا عشان ممكن ميكونش العيب فى الفرامل اصلا؟؟

MMamdouh

المشكلة تحس ان الفرملة على السرعات العالية مش بتمسك العربية كويسة , يعنى تحس ان الفرامل ضعيفة عليها وزن كبير و العربية بتنكفا على الأمام تزحف من الأمام فقط و الفرامل الخلفية عمرها ما قفلت , أنا بسوق هوندا و جيتا طبعا حاسس بفرق كبير جدا فى الفرامل
الطنابير كويسة, التيل جديد أصلى , الهوا متاخد من الأربع عجلات , الماستر سليم , زيت الفرامل غير محروق , لجلاش فرامل اليد 4 -5 تكات , كاوتش ميشلان جديد
مخى باظ من فراملك يا ماتريكس

[MMamdouh]

عادتا زحف العربية مع الفرامل بيبقى مشكلة كاوتش مش فرامل... و العجل الخلفى مش المفروض انة يعمل lock مع الفرملة الشديدة فا دة طبيعى

MMamdouh