الرجاء المساعدة (تعديل في Ecu )

[samehafez]

بسم الله الرحمن الرحيم
اولا ..شكرا مقدما ..
انا معايا افيو 2007
...ا عاوز اعدل ECU
انا سمعت ان فيه كذا طريقة
1- تجيب شيب جاهزة و تشيل الدفولت ( الميزة ان لو حصل اي مشكلة هتشيل الجديدة و تركب الاصلي )
2- توصل جهار علي opd II و هو هيبرمج ال اي سي يو و بيكون فيه 3 انظمة تقريبا
3- برمجة ال اي سي يو

الاسئلة
1- ما هو الافضل
2- فين اقدر اعمل الكلام ده
3- بكام ؟

و سؤال اضافي
عاوز اركب cold air intake kit
فين و بكام ....و يا ريت لو حد يكون بيعمل الموضعين مع بعض .... و يا سلام لو كان واحد جامد و بيفهم

[FLYINGPEUGEOT]

بص ياباشا انا هقوللك على حاجه بسيطه الاول

انا اول مره سققط فيها مكنه...كنت بنام احلم بالشيب...لحد ما عملت الى فى دماغى
وجبت promex super chip من بره ...عملتلها حوالى 800 جنيه



وركبتها بنفسى..هى بيجى معاها wiring diagram
بس لازم تكون فاهم بردو شويه فى الكهربا...المهم

الشيبايه دى المفروض انها بتشتغل على 3 حاجات
1-engine inspiration
2-fuel saver cancellation
3- top speed timing limit

واتجربت كتير بره وأدت نتائج هايله على الداينو...يعنى ملهاش حل
المهم ركبتها وكللو تمام

وطلعت اجرب يامعلم....والمفاجأه...كناااااااااااااااافه !!!!!!!!!!!!!!!!!!!

كل الى عملتو ان موتورى كان اخرو 230 ...جبيت بيها 245
وشكرا على كده

ماحصلش تغيير فى الاكسليريشن والاداء عموما...طبعا دمى اتحرق ...ورحت شايلها

وبعد فتره بدءت اعددل فى الموتور....الاكزوزت كله اتغير..الانتاك....دورة البنزين كلها اتعددلت..رشاشات وطلمبه وكله...الاجناشن سيستم سلوك ومباين وكله

طبعا اداء خرافى...قولت طب ما اجرب الشيبايه تانى كده..رحت مركبها تانى..
وطلعت اجرب....عارف ايه اللى حصل....خياااااااااااااااااااااااااااااااااااااال

اكسلراشن فظييييييييييييييييييع ...0 الى 100 كنت بجبهم فى 7.5
بعد التعديلات الى قولتلك عليهم اصبحت من 0 الى 100 فى 6.5
بعد الشيبايه اصبحت 5.5 وكسور !!!!!!!!!!!!!

انا اسف لو طولت عليك بس كنت عايز اشرحلك بالتفصيل..ان الشيبايه لوحدها
ملهاش لازمه بالذات فى المواتير الستوك....بالعغكس دى هتعبلك الموتور على الفاضى

الشيب دى بتكون آخر مرحله فى التعدييييييييل...وشكرا
واى استفسار انا تحت امرك

[samehafez]

تسلم يا باشا علي السرعة دي
طيب انا عاوز اعمل تعديلات بس مش جوهرية يعني زي فلتر الهواء مثلا ....و برضة انا مش منتظر ان العربية تتحول بورش و بصراحة انا مش عاوز اسقط موتور او اركب تربو او الكلام ده انا بس عاوز تحسين اداء العربية 15-20 %
بس طبعا حضرتك عارف ان الافيو سحبها و خصوصا علي الاول و التاني ضعيف ده غير ان انا كنت ركبت افيو 2005 خليجي و كان فيه ملاحظة ان rpm علي الخامس كان بيوصل 4500 لكن في عربيتي ما بيعديش 4000 فلو ممكن الموضوع ده يتعدل ؟؟
و بردة كنت عاوز اعرف موضوع فيشة حساس الاوكتان موجود في الافيو زي اللانوس ؟؟
و بالنسبة للتطويل ****
يا باشا دا انا المفروض اشكرك علي التطويل

[MMamdouh]

ركب فلتر رياضى... الفلاتر و المواسير عند عادل وجدى

ممكن تعمل شكمان بواسير اكبر عند لطفى اللى فى احمد عصمت

MMamdouh

[samehafez]

شكرا للردود

بعد ابحاث عن الشباية ..واضح انها ملهاش لازمة دلوقتي لكذا سبب ...ان الشيباية الخاصة بالافيو متبرمجة علي اساس ان الموتور 1600 و طبعا الموتور عندنا 1500
يبقي الخطة دلوقت هتنحصر في فلتر الهواء
تمام كدة لو فيه حاجة تانية ممكن تتعمل (غير موضوع الشكمان ) يا ريت النصايح ؟
و شكرا

[Xpert]

علشان تعديل ال Ecu يديك اداء .. لازم تكون عملت تعديلات علي الموتور نفسه ... اقل حاجه مثلاُ كامات و ايكزوست ... ده اقل واجب .. انت بتعدل ال اي سي يو علشان يقرا التغيرات اللي انت عملتها و يكون متوافق معاها ... غير كده الشيبايه تبق فلوس في الهواء ...

[FLYINGPEUGEOT]

تسلم يا باشا علي السرعة دي
طيب انا عاوز اعمل تعديلات بس مش جوهرية يعني زي فلتر الهواء مثلا ....و برضة انا مش منتظر ان العربية تتحول بورش و بصراحة انا مش عاوز اسقط موتور او اركب تربو او الكلام ده انا بس عاوز تحسين اداء العربية 15-20 %
بس طبعا حضرتك عارف ان الافيو سحبها و خصوصا علي الاول و التاني ضعيف ده غير ان انا كنت ركبت افيو 2005 خليجي و كان فيه ملاحظة ان rpm علي الخامس كان بيوصل 4500 لكن في عربيتي ما بيعديش 4000 فلو ممكن الموضوع ده يتعدل ؟؟
و بردة كنت عاوز اعرف موضوع فيشة حساس الاوكتان موجود في الافيو زي اللانوس ؟؟
و بالنسبة للتطويل ****
يا باشا دا انا المفروض اشكرك علي التطويل

العفو ياباشا...احنا اخوات.....وبالنسبه للحساس دا ..انا مش عارف موجود فى ال ecu بتاع الافيو ولا لا
مش شرط يكون موجود زى اللانوس حتى لو نفس الموتور

ركب فلتر رياضى... الفلاتر و المواسير عند عادل وجدى

ممكن تعمل شكمان بواسير اكبر عند لطفى اللى فى احمد عصمت


MMamdouh

+11111111

..........................................

سامح باشا انت ليه مش مقتنع بتعديل الشكمان زى ما ابو يوسف قالك..دا من اهم التعديلات الجوهريه اللى لازم تتعمل..على العموم خد عندك

1- تعديل نظام اخراج العادم exhaust system

هيدر+ماسوره 2.5 بوصه من الاول للاخر +تلغى الكتاليزر + علبة شكمان خلفيه رياضيه محترمه (لطفى)

واتفرج على الاداء وادعيلى

2- تعديل نظام دخول الهواء intake system

فلتر + بايب محترمين (k&n ...simota)....
(ارابكوم ...عادل وجدى )


3- تعديل نظام الاشعال ignition system

لو هتوفر يبقى ...بوجيهات سبليت فاير + سلوك سبليت فاير
لو هتعمل الصح بصرف النظر عن التكلفه .....msd ignition kit كامل ومحتوياته كاالتالى
ignition coil+spurk plugs+spark plugs wires+amplifier ignition multi channel

اما لو عايز الوسط..واداء حلو بردو...هتجيب بوبينا msd بس بالسلوك بتاعتها....وبوجيهات سبليت فاير او ngk-r اللى msd بتنصح بيها دايما.. وشكرا

4-suspension system او بالبلدى العفشه

-الفرامل عندك كويسه..سيبها زى ماهى

-العربيه عندك عاليه ذياده عن اللزوم !!!

هتجيب طقم مساعدين كونى صفر ادجستبل بالسوست...بس العربيه هتبقى نشفه قوى

...لو عايز العربيه انعم شويه واداءها رياضى بردو
وثابته

هتجيب طقم مساعدين كونى حمر ادجستبل بالسوست....وشكرا على كده

وطبعا طقم جنوط 15 او 16 نضيف

وشكرااااااااااااااااااااااااااااااااااااااااااا

على فكره كل التعديلات دى تعتبر مبدئيه...مفيش حاجه اوفر خالص
طبعا فى حاجات تانيه كتير تعمل
بس الحاجات دى اسهل التعديلات وارخصها
وكلها external

واتفرج على اداء العربيه هيبقى عامل ازاى
وادعيلى
واى استفسار انا معاك

وكل دا هتلاقيه عند (عادل وجدى)

وياريت اى سندويتش عا الماشى :D:D

[Xpert]

يابني مش مستاهله شيبايه الا لو عملت تعديل جزري في المكنه .... غير كده خليك في الحاجات الخفيفه دي ...

[samehafez]

اساتذة و رؤساء اقسام ................
شكرا شكرا شكرا ..............تلاتة شكرا
و شكرا ...........فلاينج بيجو علي التوضيح و النصيحة و سندويتشات ايه يا عم اتفضل فيه فتة

[Karim_Monir]

لو جاللك ساندوتش يا هاني ما تنسانيش في حتة
بس ما تكونش سانوتشات هاو هاو او نهق
يا مضمون يا بلاش
شبعنا هاوهاوة

[eng_mkhalaf]

FLYINGPEUGEOT
رد هايل جدا - كدة أنت ليك عندى سندوتش من عند حسن بكتريا بتاع الحى السادس - سندوتش إصلى بيطلع للغالين بس :)

[FLYINGPEUGEOT]

اساتذة و رؤساء اقسام ................
شكرا شكرا شكرا ..............تلاتة شكرا
و شكرا ...........فلاينج بيجو علي التوضيح و النصيحة و سندويتشات ايه يا عم اتفضل فيه فتة

العفو ياسامح باشا..وبالنسبه للفتته...ياريت بالتقليه :D

لو جاللك ساندوتش يا هاني ما تنسانيش في حتة
بس ما تكونش سانوتشات هاو هاو او نهق
يا مضمون يا بلاش
شبعنا هاوهاوة

والله ياكريم باشا عندك حق الواحد حاسس ان ودانو طولت شويه من كتر السندويتشات المشبوهه اللى بتجيلى وباكولها :D:D:D

بس دلوقتى مبقبلش غير السندويتشات المعتمده بس :D
وكل متجيلى حاجه مضمونه .....هباصيلك قطمه عا الماشى :D

FLYINGPEUGEOT
رد هايل جدا - كدة أنت ليك عندى سندوتش من عند حسن بكتريا بتاع الحى السادس - سندوتش إصلى بيطلع للغالين بس :)

البشمهندس الكبير بتاعنا بنفسه هيجبلى سندويتش :)
بس ايه المعززه دى كلها ياباشا..حسن بكتريا مره واحده.:D

...ماتنساش بقه تتوصى بالجراثيم واللذى منه:D:D

والف شكر ياباشا :)

[hamedo0]

ركب فلتر رياضى... الفلاتر و المواسير عند عادل وجدى

ممكن تعمل شكمان بواسير اكبر عند لطفى اللى فى احمد عصمت

MMamdouh

ازيك يابشمهندس محمد انا عمرى كله في عين شمس واول مره اسمع عن لطفي ده هو فاتح جديد

[samehafez]

يا باشا الفته اصلي و وكالة كمان ..............
انا دلوقتي بدور علي حد يكون عاوز يعمل الكلام ده في عربيتة لعدة اسباب


1- يشجعني عشان انا كسول جدا
2- اهو نسلي بعض في المشاوير
3- يتولي هو كل عمليات الكلام مع محلات قطع الغيار و الميكانيكية ( اه انا مصلحجي ) ....من الواضح ان من كتر قعدتي في البحر مبقتش بعرف اتعامل مع بني ادمين ....
4-2 احسن من واحد
ها من عاوز يشاركني في الرحلة دي و له الاجر و الثواب ...

[MMamdouh]

ازيك يابشمهندس محمد انا عمرى كله في عين شمس واول مره اسمع عن لطفي ده هو فاتح جديد

انا معرفش هو فتح امتى بس انا بسمع عنة من فترة طويلة

افتح الملف المرفق ببرنامج جوجل ايرث حتلاقى مكانة

MMamdouh