انا قررت اشد 128 بس خمس اسأله للمساعده

[zxcer128]

انا عارف انكم تقولوا عليه مجنون بس انا قررت اشد 128 بتاعتي علي بسيط بس عايز المساعده العاجله
و لان العربيه فيها حاجات كتير بايظه و لاني ممبحبش اكون نصاب و لوقلت لاي حد علي مشاكل العربيه
مش هيشتريها فقررت اشتري ليه شويه حاجات و اديني اتعلم عليها و بعدين ابيعها و اتكون حالتها احسن
انا جبت امبارح مروحه 175 جنيه جديده لان الاستراد كانت 100 و تعبانه برضه ومن غير ضمان
انا هاجيب شويه حاجات زي و عايز نصحيتك
1* مساعدين قدام (هو انا عندي واحد بايظ بس بتاع العفشه قالي احسن تجيب اتنين)
انا سألت محل في شارع شبرا بتاع فيات بس
قال مينفعش تركب مساعدين أوبل كورسا عشان رفايعين و قال مساعدين 127 مش هيعملولك اي حاجه غير انهم يوطي العربيه شويه و بتاع العفشه هيظبط العجل و كلام ده اشتغلات بس بتاع العفشه بيعمل شغل
قولتله المساعد الزيت و هواء أفضل من الزيت و لا ايه قالي مساعد الهواء بيضرب مع اول مطب جامد
و قال عنده صيني 270 و تركي 280 و ألماني 360
انت رايكم ايه في الكلام ده و ترشحولي مساعدين ايه و بكام ؟
2*انا الاسبرتير اللي و كوندنسر و الابلتين بايظين و بوجيهات لازم يتغيرو
فيه بعض الاعضاء بيقولوا هات اسبرتير الاكتروني و هات البوجيهات 3 شمعه انا لقتها ب 55 جنيه
و مكانيكي قالي انت عايز طقم زبزبه عشان الكاسيت بيفصل و العربيه ماشيه و قال الطقم ده 60 جنيه و راجل بتاع المحل قالي هي دي الاسلاك اللي بين البوجيهات و الاسبرتير و ديه ب 20 جنيه انا مش عارف اصدق مين ارجو نصيحه
3*سالته علي الفلتر الهواء قاللي ده ملوش لازمه غير يعملك صوت عالي و مش بيفرق فى السحب و انا كنت عايز اعرف يفرق مع 128 و يعمل كام
4*انا الراجل اللي ماتور بتاعك خفيف و اخرك سنه و اتعمرهب2000 جنيه و انا فكرت اني كمان 6 اشهر مثلا اجيب ماتور استراد 1300 ريجاتا او 1500 ريجاتا بالفتيس يعمل 2500 بس قالي هيجلك ماتور تعبان و قالي هتشد الشاسيه و تركب شدادا و بار بار و تصب رصاص ب 1000 جنيه او اكتر و تجيب قاعدة ماتور عشان ميش هيركب غير انك هتغير مقصات و فرامل و شويه حاجات تانيه الكلام ده صحيح و هيخش علي كام ؟
5*هو البار و الشداد بكام و بيتباع فين و مين يركبه و ياخد كام ؟
ايه رايك فى الكلام اتمني الاجابه علي اسألتي الخامسه في اقرب وقت لاني ابتديت اشتغل فيه ؟

و لو حد عنده حاجه تانيه عايز يضيفه لا يبخل علي

مع احترامي لكل الناس اللي رفضه اني اشد فيها اي حاجه بس حسييت اني هتعلم فيها و منها عشان لما اشتري عربيه بعدين احدث ابقي فاهم و مش كل تيته اروح للمكانيكي و برضك اتعلم السوقه لاني الخابطه فيها ما تنبكيش ؟

[zxcer128]

معلش سؤال سادس هو ايه ياي إسبور و بكام و الجنوط 13 إنش بالكاوتش العريض بكام انا سألت واحد قالي 2400 بس حسيت سعر ممبالغ فيه

تابلوه الاوبل كورسا يعمل كام و يجاب منين ؟
عداد ار بى ام ومعه مجموعه من عدادت الزيت والمياه والحراره يعمل كام و يجاب منين ؟

انا مش هعمل الحاجات ديه دلوقتي بس كنت عايز اعرف انا الحاجات الخمسه اللي فوق هما الاساسين لاني لازم اعملهم

[مواطن مصرى]

الاخ الكريم

انا هاحاول اجاوب عن بعض اسئلتك

مساعدين قدام
قال عنده صيني 270 و تركي 280 و ألماني 360

انت رايكم ايه في الكلام ده و ترشحولي مساعدين ايه و بكام ؟

احسن مساعدين البوما البولندى يليها التركى و الطاقم التركى كان قدام بـ 250 وورا 200 فى شهر مارس اللى فات اكيد طبعا الاسعار عليت شويه

انا الاسبرتير اللي و كوندنسر و الابلتين بايظين و بوجيهات

ممكن تشترى اسبيراتير اليكترونى صينى فى حدود 80-100 جنيه يغنيك عن الابلاتين و الكوندنسر بس لازم تغير الموبينه بموبينه كهرباء فى حدود 120 جنيه و تعيد ظبط الكهرباء من تانى و ده الحل الاحسن

أو ممكن تشترى اسبيراتير عادى و ابلاتين و كوندنسر يابانى من التوفيقيه و تخليها على حالتها

البوجيهات مش هتفرق واحد او اثنين او ثلاثه شمعه مع عربيه 128 موتورها تعبان شويه اللى هيفرق نوع البوجيهات تكون اصليه مش مضروبه او مرطبه

خذ بالك لو الموتور بيطلع زيت على البوجيهات هات بوجيهات سن قصير مش سن طويل

و مكانيكي قالي انت عايز طقم زبزبه عشان الكاسيت بيفصل و العربيه ماشيه و قال الطقم ده 60 جنيه

الكلام ده نصب مفيش حاجه علميه بالاسم ده

و راجل بتاع المحل قالي هي دي الاسلاك اللي بين البوجيهات و الاسبرتير و ديه ب 20 جنيه انا مش عارف اصدق مين ارجو نصيحه

انت محتاج فعلا تغير سلوك البوجيهات الطاقم بيعمل من 20 الى 40 جنيه السلك العادى و يبدا من 60 جنيه للسلوك الفحم او الكاربون حسب الخامه و فيه طاقم اسلاك اسمه اسبلبت فاير سعره معدى جامد

سالته علي الفلتر الهواء قاللي ده ملوش لازمه غير يعملك صوت عالي و مش بيفرق فى السحب و انا كنت عايز اعرف يفرق مع 128 و يعمل كام

]

مش هيفرق لو كان الموتور حالته تعبانه و لو كان هيفرق فاكيد الانواع الاصليه هى اللى هتشغل كويس و ده مش هيقل عن 200 - 300 جنيه للفلتر k^n والانواع الصينى اخرها صوت عالى و السلام

انا الراجل اللي ماتور بتاعك خفيف و اخرك سنه و اتعمرهب2000 جنيه و انا فكرت اني كمان 6 اشهر مثلا اجيب ماتور استراد 1300 ريجاتا او 1500 ريجاتا بالفتيس يعمل 2500 بس قالي هيجلك ماتور تعبان و قالي هتشد الشاسيه و تركب شدادا و بار بار و تصب رصاص ب 1000 جنيه او اكتر و تجيب قاعدة ماتور عشان ميش هيركب غير انك هتغير مقصات و فرامل و شويه حاجات تانيه الكلام ده صحيح و هيخش علي كام ؟

انت ممكن تشترى موتور فيات ريجاتا 1300 سى سى بالفتيس بتاعو تركبه مكان موتورك من غير شداد او بار او رصاص او اى تعديلات تبوظ العربيه لما تيجى تبيعها بعدين بس يشترط انك تجيب موتور حالته كويسه و اى موتور تانى هتحتاج تعمل تعديلات كثيره علشان يركب صح

البار و الشداد بكام و بيتباع فين و مين يركبه و ياخد كام ؟
ايه رايك فى الكلام اتمني الاجابه علي اسألتي الخامسه في اقرب وقت لاني ابتديت اشتغل فيه ؟

الشداد او البار عباره عن وصله بين قمه المساعدين الاماميين او الخلفيين و فائدته الوحيده زياده احتمال عفشه السياره للمطبات مع السرعات العاليه
بيتعمل عموله بسيخين حديد فى المخرطه و لن تزيد تكلفته عن 100-150 جنيه
او فيه بيتباع جاهز فى محلات التعديلات فى بورسعيد بس مش عارف بكام
وبيركبوا العفشجى او اى ميكانيكى بيشتغل فى العفشة
الفكره كلها قبل ما تركب شداد ان الشاسيه ميكونش مفتوح او ملحوم قبل كده و الا هيفتح تانى العن من الاول لما تركب الشداد

[Dr_Mido]

و مكانيكي قالي انت عايز طقم زبزبه عشان الكاسيت بيفصل و العربيه ماشيه و قال الطقم ده 60 جنيه

لا بيغير سلوك البوجيهات كانت بتعمل كدة عندى زمان غيرتهم وبقى الكاسيت شغال كويس

[إبراهيم المصرى]

انا عارف انكم تقولوا عليه مجنون بس انا قررت اشد 128 بتاعتي علي بسيط بس عايز المساعده العاجله
و لان العربيه فيها حاجات كتير بايظه و لاني ممبحبش اكون نصاب و لوقلت لاي حد علي مشاكل العربيه
مش هيشتريها فقررت اشتري ليه شويه حاجات و اديني اتعلم عليها و بعدين ابيعها و اتكون حالتها احسن
انا جبت امبارح مروحه 175 جنيه جديده لان الاستراد كانت 100 و تعبانه برضه ومن غير ضمان
انا هاجيب شويه حاجات زي و عايز نصحيتك
1* مساعدين قدام (هو انا عندي واحد بايظ بس بتاع العفشه قالي احسن تجيب اتنين)
انا سألت محل في شارع شبرا بتاع فيات بس
قال مينفعش تركب مساعدين أوبل كورسا عشان رفايعين و قال مساعدين 127 مش هيعملولك اي حاجه غير انهم يوطي العربيه شويه و بتاع العفشه هيظبط العجل و كلام ده اشتغلات بس بتاع العفشه بيعمل شغل
قولتله المساعد الزيت و هواء أفضل من الزيت و لا ايه قالي مساعد الهواء بيضرب مع اول مطب جامد
و قال عنده صيني 270 و تركي 280 و ألماني 360
انت
رايكم ايه في الكلام ده و ترشحولي مساعدين ايه و بكام ؟
خليك ف بتوعها احسن
طالما هتبيع هات التركى
2*انا الاسبرتير اللي و كوندنسر و الابلتين بايظين و بوجيهات لازم يتغيرو
فيه بعض الاعضاء بيقولوا هات اسبرتير الاكتروني و هات البوجيهات 3 شمعه انا لقتها ب 55 جنيه
و مكانيكي قالي انت عايز طقم زبزبه عشان الكاسيت بيفصل و العربيه ماشيه و قال الطقم ده 60 جنيه و راجل بتاع المحل قالي هي دي الاسلاك اللي بين البوجيهات و الاسبرتير و ديه ب 20 جنيه انا مش عارف اصدق مين ارجو نصيحه
3*سالته علي الفلتر الهواء قاللي ده ملوش لازمه غير يعملك صوت عالي و مش بيفرق فى السحب و انا كنت عايز اعرف يفرق مع 128 و يعمل كام
مفروض يكون موجود علشان الموتور ميخشلوش تراب ويفوت بسرعه وبالنسبه للصوت بالعكس الصوت بيقل ف وجود فلتر الهواء
4*انا الراجل اللي ماتور بتاعك خفيف و اخرك سنه و اتعمرهب2000 جنيه و انا فكرت اني كمان 6 اشهر مثلا اجيب ماتور استراد 1300 ريجاتا او 1500 ريجاتا بالفتيس يعمل 2500 بس قالي هيجلك ماتور تعبان و قالي هتشد الشاسيه و تركب شدادا و بار بار و تصب رصاص ب 1000 جنيه او اكتر و تجيب قاعدة ماتور عشان ميش هيركب غير انك هتغير مقصات و فرامل و شويه حاجات تانيه الكلام ده صحيح و هيخش علي كام ؟
خليك فى 1300 بتاع الفيات 128 كفايه عليها اوى علشان متحتجش تعديلات كتير ومكلفه
5*هو البار و الشداد بكام و بيتباع فين و مين يركبه و ياخد كام ؟
بتاع عفشه او ميكانيكى بس بعدها هتظبط زوايا وعند اى بتاع اكسسوار فيات ممكن من شارع زكى او التوفيقيه او ش مجلس الامه
ايه رايك فى الكلام اتمني الاجابه علي اسألتي الخامسه في اقرب وقت لاني ابتديت اشتغل فيه ؟

و لو حد عنده حاجه تانيه عايز يضيفه لا يبخل علي

مع احترامي لكل الناس اللي رفضه اني اشد فيها اي حاجه بس حسييت اني هتعلم فيها و منها عشان لما اشتري عربيه بعدين احدث ابقي فاهم و مش كل تيته اروح للمكانيكي و برضك اتعلم السوقه لاني الخابطه فيها ما تنبكيش ؟

[zxcer128]

انا متشكر علي ردك الجميل مواطن مصرى
بس ياريت توضيح في موضوع المساعدين لان في المنتدي بيقول بتاع الاوبل كورسا احسن
و ناس يقولوا مساعدين راضيين و كلام كتير علي تواطيه ياريت تفسير اكتر برضك في موضوع
مساعد الهواء و زيت و الزيت بس


و ياريت حد يعرف يقولي اسعار الموتير بالفتيس تقريبا سعرها كام و هو انا ممكن الاقي حاجه موديل تسعينات و احسن مكان و ياريت حد يقول احسن شخص؟

[مواطن مصرى]

انا متشكر علي ردك الجميل مواطن مصرى
بس ياريت توضيح في موضوع المساعدين لان في المنتدي بيقول بتاع الاوبل كورسا احسن
و ناس يقولوا مساعدين راضيين و كلام كتير علي تواطيه ياريت تفسير اكتر برضك في موضوع
مساعد الهواء و زيت و الزيت بس

و ياريت حد يعرف يقولي اسعار الموتير بالفتيس تقريبا سعرها كام و هو انا ممكن الاقي حاجه موديل تسعينات و احسن مكان و ياريت حد يقول احسن شخص؟

قلت لحضرتك احسن مساعدين للـ 128 هى البولندى تليها التركى و الاثنين غاز على زيت

مش هتفرق مع 128 مساعدين رياضيه و سوست سبور و توطيه السياره و تعريض الكاوتش و الجنوط المومو و الكلام الجامد ده لانه مكلف جدا جدا بالقياس لانك لما هتبيع العربيه مفيش 128 موديل قديم فى مصر سعرها هيعدى 20 الف جنيه فنصيحه اخويه ظبط عربيتك على وضعها الاصلى بدل ما تغرم مبلغ و قدره و فى الاول و الاخر دى اسمها 128

اسعار المواتير بالفتيس اللى اعرفه الريجاتا لانى سالت عليهم كذا مره
الموتور 1300 سى سى بالفتيس حوالى 2000
الموتور 1500 سى سى بالفتيس من 2500 الى 3000 حسب الحاله (لا انصحك بيه)

المكان فى الحرفيين او بورسعيد منطقه اسمها عمارات بنك الاسكان
المهم مش المكان او مين احسن واحد المهم تاخد معاك ميكانيكى امين او حد بيفهم فى المواتير علشان تنقى موتور حالتو كويسه وورقه سليم و تتفق مع المحل انه لو حالته مش كويسه ترجعه و تاخد فلوسك فى خلال اسبوعين

[zxcer128]

يعني نعتبر الاجابه الصح
1* اشتري اثنين مساعدين بولندي او تركي غاز و زيت (و مسمعش كلام الراجل اللي قالي الزيت احسن من غاز و زيت)
2*كوندنسر ياباني وطقم اسلاك كربون ب60 جنيه و بوجيهات تلاته شمعه اصلي (عشان لما اغير الماتور)
3*اشتري فلتر هواء لما اجي اشتري الماتور الجديد هو صحيح انا هشيل الكربتدير عشان اركب فلتر
4*اشتري ماتور 1300 (هو فيه فرق جامد بينه و بين 1500 فى القوه و لا تكلفه علي الفاضي) وده كده مش هيخليني اغير مقاصات و لا فرامل و لا قاعده الماتور صح
5*اشتري بار و شداد مع الماتور في حدود 150 جنيه عشان امسك الشاسيه

انا اه هبيعها بس ناوي تقعد معايا من سنه اللي اتنين و مش عايز ابعها و تكون متلصمه و صاحبه يدعي عليه
عشان كده عايز اجيب الاحسن بس فى الحاجات اللي فرق فى السعر مش كبير
اتمني الاجابه عشان انزل اشترى الحاجات دي العصر
بس حد يعرف حد انزل اشتري منه الحاجات ديه لان لما نزلت اشتري المروحه لقيت واحد بيقول مفيش مراوح جديده كويسه خد الاسراد كانه جديد 100 و لقيت و احد تاني فى وسط البلد قال الجديد 130 و واحد قال خد ابو 170 لان تاني ماركه تعبانه الخ الخ الخ
فياريت حد يقول انزل اشتري الحاجات دي منين لان برضك عندي حاجات بايظه فى العربيه تاني لسه هشتريها
جوز كوبلن و تنك بنزين فيه حد قالي ممكن اعدلهولك و علبه دريكسيون و تيل فرامل اليد

[zxcer128]

اتمني اي حد يرد عليه بسرعه لان هزل كمان 3 ساعات اجيب شويه حاجات و قلت انزل توفقيه صح

[إبراهيم المصرى]

نصيحه لوجه الله تعالى حاول متفتحش فى المصاريف لانه فى البيع مش هتبان وهتحس انك رميت الفلوس ومتمشيش ورا كلام الصنيعيه لانهم عيزين يفتحوا شغل بأى طريقه وخلاص
الخلاصه متعملش حاجه الا لما تكون العربيه محتاجه ليها أوى وضروريه علشان تمشيك لحد ما ربنا يكرم وتجيب زيرو او حاجه مستعمله موديل حديث قدر الامكان وفى مثل بيقول شراء العبد ولا تربيته

[condour]

انا عارف انكم تقولوا عليه مجنون بس انا قررت اشد 128 بتاعتي علي بسيط بس عايز المساعده العاجله
و لان العربيه فيها حاجات كتير بايظه و لاني ممبحبش اكون نصاب و لوقلت لاي حد علي مشاكل العربيه
مش هيشتريها فقررت اشتري ليه شويه حاجات و اديني اتعلم عليها و بعدين ابيعها و اتكون حالتها احسن
انا جبت امبارح مروحه 175 جنيه جديده لان الاستراد كانت 100 و تعبانه برضه ومن غير ضمان
انا هاجيب شويه حاجات زي و عايز نصحيتك
1* مساعدين قدام (هو انا عندي واحد بايظ بس بتاع العفشه قالي احسن تجيب اتنين)
انا سألت محل في شارع شبرا بتاع فيات بس
قال مينفعش تركب مساعدين أوبل كورسا عشان رفايعين و قال مساعدين 127 مش هيعملولك اي حاجه غير انهم يوطي العربيه شويه و بتاع العفشه هيظبط العجل و كلام ده اشتغلات بس بتاع العفشه بيعمل شغل
قولتله المساعد الزيت و هواء أفضل من الزيت و لا ايه قالي مساعد الهواء بيضرب مع اول مطب جامد
و قال عنده صيني 270 و تركي 280 و ألماني 360
انت رايكم ايه في الكلام ده و ترشحولي مساعدين ايه و بكام ؟

أنا جبت طقم مساعديني أمامي وخلفي من شهر تقريبا أسباني هواء وزيت وكان قدامي الالماني والمونرو وكنت عايز اجيب المونرو بس مفيش منه غير زيت فقط فجبت الاسباني الطقم الواحد ب425 جنيه
2*انا الاسبرتير اللي و كوندنسر و الابلتين بايظين و بوجيهات لازم يتغيرو
فيه بعض الاعضاء بيقولوا هات اسبرتير الاكتروني و هات البوجيهات 3 شمعه انا لقتها ب 55 جنيه
و مكانيكي قالي انت عايز طقم زبزبه عشان الكاسيت بيفصل و العربيه ماشيه و قال الطقم ده 60 جنيه و راجل بتاع المحل قالي هي دي الاسلاك اللي بين البوجيهات و الاسبرتير و ديه ب 20 جنيه انا مش عارف اصدق مين ارجو نصيحه

نصيحه بلاش الالكتروني حسب علمي انه لو عطل صعب التعامل معاه او تدوير العربيه مؤقتا , هتضطر تبدله وكمان مش كل الصنايعيه بيفهمه فيه فممكن متلقيش صنايعي كويس وقت حدوث مشكله فيه , خليك في الاسبراتير العادي افضل .

3*سالته علي الفلتر الهواء قاللي ده ملوش لازمه غير يعملك صوت عالي و مش بيفرق فى السحب و انا كنت عايز اعرف يفرق مع 128 و يعمل كام
مش عارف تقصد ايه بفلتر الهواء , هل تقصد العمه ؟ لو تقصد عمة الكربراتير لو مش موجوده لازم تجيب للماتور عمه عشان مينفعش تمشي من غيرها ...

4*انا الراجل اللي ماتور بتاعك خفيف و اخرك سنه و اتعمرهب2000 جنيه و انا فكرت اني كمان 6 اشهر مثلا اجيب ماتور استراد 1300 ريجاتا او 1500 ريجاتا بالفتيس يعمل 2500 بس قالي هيجلك ماتور تعبان و قالي هتشد الشاسيه و تركب شدادا و بار بار و تصب رصاص ب 1000 جنيه او اكتر و تجيب قاعدة ماتور عشان ميش هيركب غير انك هتغير مقصات و فرامل و شويه حاجات تانيه الكلام ده صحيح و هيخش علي كام ؟

فيه خيارين قدامك في حال تسقيط ماتور جديد:
1- ماتور 128 1300 , سعتها هتجيب الماتور بس من غير فتيس ولا كربراتير ولا عمه ولا سبراتير ولا مارش ولا جمبين ولا دينمو , لان المفروض عربيتك فيها كل الحجات دي وهتوفر كده معاك , هيكلف الماتور فقط تقريبا 1200جنيه

2- ماتور ريجاتا 1500 , ده لازم تجيبه كامل بالكربراتير 2 باب ودينمو ومارش وفتيس 6 غيار وجمبين امامي عشان الفرامل وسبراتير , ده هيكلفك تقريبا 3500 جنيه (3000 ماتور كامل +500 للجمبين وقاعده ماتور وشداد سفلي )


لو العربيه مش هتفضل معاك وقت طويل زي مابتقول سنه او سنتين يبقى الخيار الاول أفضل ليك

5*هو البار و الشداد بكام و بيتباع فين و مين يركبه و ياخد كام ؟
ايه رايك فى الكلام اتمني الاجابه علي اسألتي الخامسه في اقرب وقت لاني ابتديت اشتغل فيه ؟

و لو حد عنده حاجه تانيه عايز يضيفه لا يبخل علي

مع احترامي لكل الناس اللي رفضه اني اشد فيها اي حاجه بس حسييت اني هتعلم فيها و منها عشان لما اشتري عربيه بعدين احدث ابقي فاهم و مش كل تيته اروح للمكانيكي و برضك اتعلم السوقه لاني الخابطه فيها ما تنبكيش ؟

انا رديت عليك باللون الازرق داخل الاقتباس
البار والشدادات بيعملهم بتاع العفشه على ايديه وبيكلفه 500 جنيه لو هتعمل شداد امامي وخلفي وشدادين من الجامبين الاماميين ودول هتحتاجهم لو هتسقط ماتور ريجاتا 1500 + هتقوي الشاسيه ودي ليها طرق عديده , ممكن تصب على الشاسيه رصاص وممكن تعمل حشو حديد بقلب الشاسيه وممكن تعمل تلبيسه للشاسيه من بره ..

لو هتجيب ماتور ريجاتا 1500 يبقى بلاش تصلح اي حاجه دلوقتي في الماتور زي الفتيس او السبلاتير او الكربراتير لان الحجات دي هتغيرها وهتيجي مع الماتور الجديد فهتدفع فلوس على الفاضي .

حاول لما تجيب حاجه للعربيه جيبها من نفس الموديل او الماركه يعني المساعدين جيبهم فيات مش تجيبهم لماركه تانيه ودايما اتعامل مع محل قطع غيار لتوكيل فيات فقط وحاول تتأكد ان القطع اصليه

وبالتوفيق ان شاء الله