حد سمع عن ضغط السست لتهبيط العربيه ؟ انا سمعت

[shfra]

بسم الله الرحمن الرحيم
كنت بفكر اسقط العربيه شوية عشان عاليه حبتين المهم قولت اقص مثلا السست
وقربت كتير هنا فى المنتدى انه غلط وكده
المهم كنت واقف مع العفشجى وبنتكلم فى ان العربيه توطى وكده
لقيته بيقولى احنا هنوطيها من غير ما نقص ولا نغير سست بسوست رياضيه طبعا انا قولت دى اكيد فزوره :d
قولتله طيب ازاى قالى احنا هنضغط السست من غير تسخين ومن غير اى حاجه المهم مش اقتنعت بالكلام
غير لما ورانى عربيه كانت داخله تعمل شغل عنه وفعلا العربيه متوطيه بشكل حلو اوى من غير قص
بس برده محتاج اعرف هيكون ليها اضرار ولا لأ ؟؟

[eng_maged]

انا كنت قصيت السوست في عربيه شاهين زمان
وكنت قصيت لفه كامله بس لقيتها وطيت اوي

موضوع ضغط السوست اسمع انه مشكلته ان الضغط ده ممكن يفك مره واحده وانت ماشي

[Ashraf_Ashraf]

اعتقد كده انه كل اللى بيعمله انه بيقفل السوسته بربط حلقتين او اكتر ( حسب ارتفاع العربيه ) وبكده هو بيمنع عمل السوسته بحريه واكيد هتفرق كتير جدا فى عمل السوسته وتحملها للاحمال والمطبات
نصيحه لو عاوز توطى العربيه افضل شئ تشوف سوست قصيره من اى عربيه ممكن تركب عندك ولا تقص ولا تضغط وتريح دماغك

[MMamdouh]

معرفناش برضة هيضغط السوست ازاى؟؟؟

MMamdouh

[shfra]

والله يا باش مهندس ممدوح انا اول ما قالى محاولتش اسئله حتى عشان عارف ان اكيد برده هتكون غلط

[mohammedabdallh]

شوف الموضوع ده ممكن يفيدك

http://www.nilemotors.net/Nile/248647-a.html

بس حضرتك هتجبهم اقل فى عدد الفات ورخيصه
احسن من انك تقص السوست او تضغضهم علشان هو هيقفل عدد لفات فى النص وده ممكن يعملك مشاكل بعد كدا

[minicooper20]

هيضغطهم بايه صحيح

[M.Elgergawy]

متابع عملية الضغط دي :)

[eng.m7md.ali]

كنت عامل زمان موضوع علشان اهبط العربية
وجبت حل كويس بس الناس هنا نصحوني وقالو بلاش

http://www.nilemotors.net/Nile/202362-a.html

لو الراجل يقصد الكلام ده يبقى ناخد راي ناس اكتر

[magyver]

هايضغطهم ازاااااااااااااااااااااي ؟

[Ahmed Nasser]

اكيد هيضغتهم بالزراجين بتاعتهم

بس فى حاجة مش المفروض لما يضغتهم ويقصرهم
يركبهم على مساعد قصير

[mohammedabdallh]

بيضغطهم بكلابشات الييات

[SASA3]

الحمد لله مش محتاجين توطيه اكتر من كده لا اما هنمشى نكنس الشارع بمطباتة و نقره

خليها عالية على وضعها احسنلك
لا اما تجيب سوست تانيه بلفات اقل تركب عندك

[ggaamm]

أعتقد أنه هيبقى بالكلابش فعلاً
أو ممكن يكون هيلحم لفتين سوا بلحام أكسجين مثلاً بحيث يبقوا واحد
أو ممكن يكون بتضيق الفراغات اللى بين اللفة والتانية

بس مشكلتها أن مقاومة المساعد والياي بتبقى أقل وهتحس بالمطبات جامد وكما هتاكل المسااعد أسرع لأن الحمل هيزيد على المساعد بدل الياي