مايفك؟

[A7MED_PHARMA]

يبقا الكلام دلوقتي إن فيه مايفك بتاع لانسر
وفيه مايفك بتاع هوندا
...........................
بتاع الهوندا موديل 94 .. سعره (حسب مانا سألت) مش بيعدي الــ 3.5 بالفتيس بالكهربة
علشان موديل قديم نسبيا
يعني ممكن 5000 يكفوا لو ركبت موتور الهوندا الــ 94 بعفشته بفتيسه بكهربته ...
ولا إيه؟

[eng.m7md.ali]

ال1600 كان عند عادل وجدي من سنه الموتور والفتيس وعداد و4 مساعدين بالطنابير وتنك بنزين
ب8000 وكان فيه عرض كمان انه يبقي بالتركيب
والمفروض ان عادل وجدي غالي

بس اعتقد في حاله احمد حيبقي اغلي بقي عشان مكواه ولا ايه
.؟

ايوة انا فاكره
كان بي 8500 و فتيس تيب ترونيك
اصل واحد صاحبي خدو هههههههههههههههههههه
بس ده كان شامل كل حاجة طبعا ويسلمك العربية تمام

[Eng.Geo]

الموتور الهوندا اللي ب 3.5 ده تقريبا كربراتير عامل 130 حصان
هتركبه وهتحتاج تعمل مكان للقواعد وممكن تحتاج تغير أماكن حاجات كتيييييييييييييير
غير انه طبعا ممنوع في المرور يبقي الموتور هوندا وعربيتك ميتسوبيشي
لو هتركب يبقي تركب مايفك 1600 توين كام اللي بيخرج 175 حصان
وطبعا هتغير عفشة بفرامل
وده كله ممكن يخش في 10000

[M_Nabil]

يبقا الكلام دلوقتي إن فيه مايفك بتاع لانسر
وفيه مايفك بتاع هوندا
...........................
بتاع الهوندا موديل 94 .. سعره (حسب مانا سألت) مش بيعدي الــ 3.5 بالفتيس بالكهربة
علشان موديل قديم نسبيا
يعني ممكن 5000 يكفوا لو ركبت موتور الهوندا الــ 94 بعفشته بفتيسه بكهربته ...
ولا إيه؟

اية يا دكتور مايفيك اية اللى في مواتير الهوندا! الهوندا ماتورها في نظام اسمه فيتيك ( Vtec ) وبعدين ماواتير الهوندا متركبش في اللانسر ولو افترضنا جدلاُ انه ممكن تركب مش هتقدر تثبت الماتور على الرخصة ومش هتعرف ترخصها .. تانى حاجه مواتير الهوندا اغلى من الميتسوبيشى الماتور اللى بـ 3500 جنية بيكون ماتور 1500cc كامة واحدة 130 حصان بعد كدة في كامه واحدة 1600cc بيعمل 5000 جنية 130 حصان بعده 1600cc كامتين SiR وده في منه 160 وفي 170 حصان بيعمل في حدود 10000 جنية ويجى بعده مواتير انتجرا 1800cc حوالى 170 و 180 حصان بعزم اعلى من الـ 1600 وده سعره في حدود 15000 جنية ويجى اخيراً مواتير التايب أر في منها 1600cc سيفيك 185 حصان و 1800cc انتجرا 200 حصان ودى اسعارها بتبدأ من 18 الى 22 ألف جنية

خلاص بيع المكواه وتعلا نركبك هوندا ونضمك للعصابة بتاعتنا :)

[A7MED_PHARMA]

بشمهندس نبيل
منور
أنا أعرف إن البومة(نفس حوض المكوة) بيركب لها مواتير الهوندا
وموضوع إثباته ع الرخصة...هل فيه مشكلة
أنا شوفت عربيات جيب رانجلر .. راكب لها مواتير تويوتا وفيات 131
وشوفت كريستالة راكب لها موتور السيفيك الــ 94

يعني متهيألي إثبات الموتور ع الرخصة مش صعب .. ولا إيه؟؟؟؟ لو كلامي غلط فهمني

طيب لو حبيت أركب موتور يطلع 160 حصان ع الاقل .. والتسارع بتاعه مخيف
أركب إيه؟
ماهي الانسر فكسانة
وموتور الايفو 7 ... غالي تيت وعاوز تعديل شامل وكامل للعربية .. دفع رباعي ودعامات للشايه وحوارات

[أبومعاذ]

اللي أعرفه إن عادي تسقط موتور من عربية تانية في عربيتك و بيتحط على الرخصة عااادي و ليا واحد صاحبي مسقط مايفك في جين2 و مثبوت على الرخصة الموتور

[koke_lancer]

السلام عليكم
حابب انى اقول رائى لو امكن
اولا موضوع موتور هوندا على ميتسوبيشي دة مينفعش مستحيل علشان قانون المرور
الجيب الرانجلر المرور هنا بيسمح انك تحت مواتير انواع تانية علشان ملهاش و بتترخص عادى زى التويوتا الميكروباص و الفيات و البيجو و المرسيدس القديم
الجين 2 ينفع نسقط فيها مواتير الكرستالة و بيسمحو بية فى المرور بردوا لانهم نفس الحوض و العفشة بالملى يعنى بتسقط المكنة من غير اى تعديل فى العفشة و بعدين بروتون اصلا بتاخد مواتيرها من متسوبيشى

ثانيا الموتور 2400 المايفك بيطلع 162 حصان و ال1600 بطلع 173 المايفك و ال2400 موفر فى البنزين اكتر من ال1600
علشان ال2400 كامة واحدة و ال1600 اتنين كامة
بس الفرق الى بيخلى ال2400 يطلع هو عزم المكنة و بعدين فى حاجة هى مش من عندى هى من عند شركة متسوبيشى
الموتور 2400 دة مش موتور اسبور دة هيا معتبراه موتور عادى
و ال1600 هو دة الى معتبراه اسبور
فى حاجة تانية ان ال1600 دة ميركبش غير على الكرستالة بس
و ال2400 لو هيركب هتعدل فى قاعدة موتور
و ال2400 للبومة والمكواه و مينفعش يركبلهم ال1600
و الهوند بحترمها جدا بس ال اس اى ار بيتقارن بالمايفك
و كان فى واحد كاتب موتور 1500 130 حصان
هيلاقى شبهوا فى الانسر موتور 1500 135 حصان بتاع الميراج
و المايفك بيوفر بنزين اكتر من اس اى ار
اى حاجة او اى سوال انا فى الخدمة

[shouk_1987]

طيب لو حبيت أركب موتور يطلع 160 حصان ع الاقل .. والتسارع بتاعه مخيف
أركب إيه؟
ماهي الانسر فكسانة
وموتور الايفو 7 ... غالي تيت وعاوز تعديل شامل وكامل للعربية .. دفع رباعي ودعامات للشايه وحوارات

متهيألى مالكش غير حالين :
1- يا تركب ال 2400 ( ال1600 مش هاينفع فى البومة و المكواة ) و تعدل فى الحوض و تضبط العفشه و خلافه و ممكن تخش فى طنابير و نظام فرامل كامل مع جنوط مش قاقل من 15 عشان العربية تستحمل قوة الماتور الجديد و ده 162 حصان و عزمه عالى بس هتلبس ضريبة حلوة و البنزين مش هيبقى قليل برده ده غير إن النتيجة النهائية غير مضمونه لأن فى الآخر العربية مش خارجة من مصنع .
و بالمرة اللى يعرف كابس الماتور ده نسبته كام يقول.

2- و ده اللى افضله بكتيير و لو مكانك هادور فيه و أحاول أعمله, بييييع يا باشا و ريح دماغك وكمل على اللى هيجيلك و دوّرلك على حتة SiR موديل 2000 و لا حاجة ماتبعدش أوى و تجيب أول التسعينات, أكيد هيبقى الفرق أكبر من الحالة الأولانية بس صدقنى حاجة أنضف كتيير من الحل الأولانى و كفاية إنك واخد حاجة stock خارجة من خط إنتاج مش من إيد صنايعى.
المشكلة إنك تلاقى العربية ديه الأول

بس يا أحمد أمانة لو ربنا كرمك بأى حاجة منهم و جيت القاهرة ماتنسانيش فى test drive على الطاير كدة
عشان أخوك فيرناوى و انت عارفنا بقى
و ربنا يكرمك يا باشا إن شاء الله

[mostafa2012]

انا قدامى موتور 1800 ميراج مانيوال طبعا بكل مشتملاته العرض انه ياخد الماكنة بتاعتى وانا ادفع 3000 ج بالتركيب للماتور الجديد
انا حسيت انه غالى حبتين السعر بصراحة وحسيت انه كده هيكلنى يجى فى 2000 ج على اساس ان الماتور 1800 مالوش قطع غيار اد كده وان الماكنة عندى ماشاء الله زى الفل ولا غلطة مع العلم انها استوك 1300 كاربراتير
ياريت تقولولى رايكم يا رجال تسقيط المواتير الجبارة

[magyver]

مش عارف يادوك انت تاايهة ليية دة ماكتر الناس اللي معدلين الانسر
1600 ماسفك يركب عندك واكيد مش غالي
او ممكن مكنة المكوة الامريكي بتنزل بمكنة 1600 زي بتاعت البومة كدة

[bmw323]

ياعم بيع العربية أحسن

[mailo]

فارما إيه يابني كمية الفراغ اللي إنت فيه ده

احسبها الأول يا باشا وشوف كل التعديلات بتاعتك دي حتتكلف كام من a2z
وبعدين شوف ال out هيبقى إيه
وشوف الفرق يستاهل ولا لأ

وشوف الفلوس دي لو اتحطت في عربية تانية أو فئة تانية هيبقى إيه الوضع

وربنا يكرمك

[A7MED_PHARMA]

انا ركبت دلوقتي 205/45/17 شكله تحفة

يبقا كده خاااااااارجيا تمام
ماجيفر بيقول 1600 مايفك يركب
ورجالة تانية بتقول مايركبش؟؟؟
طيب إيه بقا

كنت امبارح عند السمباوي مع واحد صاحبي بيجيب حاجات
سألته على المواتير
قالي الــ 2000 بتاع البومة بيعمل 8 الاف من غير الفتيس
كنت هــــــ #$^%#^##^%#^$

عموما
بعد تركيب الجنط الــ 17
الموتور هيتأخر شوية .. لحد ماكمل فلوس علشان أعمل كل حاجة تمام

[eng.m7md.ali]

انا ركبت دلوقتي 205/45/17 شكله تحفة

يبقا كده خاااااااارجيا تمام
ماجيفر بيقول 1600 مايفك يركب
ورجالة تانية بتقول مايركبش؟؟؟
طيب إيه بقا

كنت امبارح عند السمباوي مع واحد صاحبي بيجيب حاجات
سألته على المواتير
قالي الــ 2000 بتاع البومة بيعمل 8 الاف من غير الفتيس
كنت هــــــ #$^%#^##^%#^$

عموما
بعد تركيب الجنط الــ 17
الموتور هيتأخر شوية .. لحد ماكمل فلوس علشان أعمل كل حاجة تمام

روح احسن لعادل وجدي وخد رايه في الكلام ده هل هيتسقط عادي من غير تعديل ولا لا؟؟ وبعد كدة اعرف اجابة السؤال وروح لحد تاني مدام عادل غالي فحت زي مااحنا عارفين :)

[A7MED_PHARMA]

كان ف دماغي إني أروح حتى أبص بصة عند عادل
وأشوف المكوة يركب لها إيه ؟؟
وأشوف خياراتي وفلوسي

وربنا يسهل