مايفك؟

[Ralliart]

السلام عليكم
حابب انى اقول رائى لو امكن
اولا موضوع موتور هوندا على ميتسوبيشي دة مينفعش مستحيل علشان قانون المرور
الجيب الرانجلر المرور هنا بيسمح انك تحت مواتير انواع تانية علشان ملهاش و بتترخص عادى زى التويوتا الميكروباص و الفيات و البيجو و المرسيدس القديم
الجين 2 ينفع نسقط فيها مواتير الكرستالة و بيسمحو بية فى المرور بردوا لانهم نفس الحوض و العفشة بالملى يعنى بتسقط المكنة من غير اى تعديل فى العفشة و بعدين بروتون اصلا بتاخد مواتيرها من متسوبيشى

ثانيا الموتور 2400 المايفك بيطلع 162 حصان و ال1600 بطلع 173 المايفك و ال2400 موفر فى البنزين اكتر من ال1600
علشان ال2400 كامة واحدة و ال1600 اتنين كامة
بس الفرق الى بيخلى ال2400 يطلع هو عزم المكنة و بعدين فى حاجة هى مش من عندى هى من عند شركة متسوبيشى
الموتور 2400 دة مش موتور اسبور دة هيا معتبراه موتور عادى
و ال1600 هو دة الى معتبراه اسبور
فى حاجة تانية ان ال1600 دة ميركبش غير على الكرستالة بس
و ال2400 لو هيركب هتعدل فى قاعدة موتور
و ال2400 للبومة والمكواه و مينفعش يركبلهم ال1600
و الهوند بحترمها جدا بس ال اس اى ار بيتقارن بالمايفك
و كان فى واحد كاتب موتور 1500 130 حصان
هيلاقى شبهوا فى الانسر موتور 1500 135 حصان بتاع الميراج
و المايفك بيوفر بنزين اكتر من اس اى ار
اى حاجة او اى سوال انا فى الخدمة

+1
الراجل ده كلامه زي الفل
انا سألت كتير الـ4g92 mivec اللي هو 1600 172 حصان مبيركبش غير في الكريستالة وان كان كل شيئ ممكن منصحكش تلعب في القواعد طالما في حاجة تانية متاحة وكمان هو مش الحل الامثل لان نسبة انضغاطه 11:1 فهتحتاج تحطله بنزين 95
بالنسبة لكل المواتير اللي ممكن تركب عندك من غير تعديل في القواعد بخلاف مواتير البومة 1300 و1500 و1600 :-

عندك 4g93 ده 1800 اللي من غير تيربو ابعد عنه لان قطع غياره مش كتير وهو اصلاً موتور ملهوش لازمة والحلو منه هو التيربو وده بيلعب في 200 حصان وعزم 270 نيوتن.متر بس معرفش ظروف قطع غياره وطبعاً عايز بنزين 95

في كمان 4g94 وده 2000 سي سي في منه 1 كامه (وده اللي شفته في مصر) وده ملهوش لازمة 130 حصان وعزم 176 نيوتن متر
والاتنين كامة بتاعه 145 حصان بس نسبة انضغاط عالية وعايز بنزين 95 ده لو كان موجود اصلاً في مصر

الـ4g69 mivec ده 2400 162 حصان عزمه 219 نيوتن يعني اضمنلك انه يحط على عربيات كتير وهو مرتاح وبياخد بنزين 92 علشان نسبة انضغاطه 9:1 وقطع غياره موجوده ومن رأيي هو احسن حل ليك

[A7MED_PHARMA]

رالي

إنت شكلك لافف كتير أوي ع الموضوع ده

إنت مسقط عندك ولا إيه؟؟
وبأي حال
الميزانية وقت النية .. هي إلي هتحكم عليا
بس برضوو أنا مش هسقط موتور يدي هورس أقل من 160 وإنت طاااالع
علشان أحط على أي حد يسسخن عليا
وللأسف
بعد التظبيط الشكلي للعربية(شوف صورة التوقيع)
طول مانا ماشي .. ناس تيجي جمبي وتسخن علشان أجري
أنا ببص بطرف عيني(قال يعني الواد مابيجريش غير قصاد بي أم).. وأعمل نفسي مكبر دماغي
وخصوصا
بعد ماعربية سبارك (سباااااااااااااااااااارك) علمت عليا إمبارح
ههههههههههههههههههههههههههههههههههه

[M.Ayman]

طب معلش يا جماعه انا عندى سؤال كان فى عضو معانا بس فى قسم بريليانس بيسأل يقدر يسقط ميفيك 2.4 على ال frv و واحد رد قال ان فى حد فى الصين مسقطلها ميفيك 1.6 ..... انا عايز اعرف العربيه تستحمل ايه و ايه يركب فيها من غير تعديل فى القواعد -على فكره المفروض موتورها اصلا ميتسوبيشى او تكنولوجيا ميتسوبيشى -

[A7MED_PHARMA]

انا اعرف واحد كان مسقط موتور لانسر 1800 ف عربية اسبيرانزا

لكن البريليانس .. معرفش

[A7MED_PHARMA]

متهيألي طالما نفس الموتور..بتاع الانسر
يبقا قطعا نفس القواعد.. لكن ماعرفش نفس الفتيس ونظام التعليق ولا لأ ؟؟؟

[Ralliart]

والله موضوع التسقيط حاطه في خطة خمسينية d: لما ربنا يكرم بقى يا احوش الاول يا اسيب البلد دي خالص وابقى اشتري ايفو 8 بتمن كريستالة
بالنسبة للعربيات الصيني اللي اعرفه ان الاسبيرانزا نفس حوض البومة والمكوه بالظبط وبتاخد نفس الموتور بفتيسه وعفشته وكل حاجة
البريليانس معرفش عنها حاجة للأسف

[A7MED_PHARMA]

تعرف يارالي
مع إني مش عاوز أسافر
لكن لو طقت في دماغي وسافرت.. هيبقا بسسسسس
بسسسسسس
بس علشان نفسي أجرب العربيات الامريكي المعدلة إلي بتطلع 350 حصان دي
الرجالة هنا تركب البومة .. بتاع 100 حصان بتولع الاسفلت
طيب إحساسي هيبقا إيه لما أركب عربية 350 حصااااااااان

ونفسي .. نفسي قبل ماموت أركب إيفو "7 أو إيفو "9 أصلي
العربيات الخرافية دي

[Kareem.ElAraby]

تعرف يارالي
مع إني مش عاوز أسافر
لكن لو طقت في دماغي وسافرت.. هيبقا بسسسسس
بسسسسسس
بس علشان نفسي أجرب العربيات الامريكي المعدلة إلي بتطلع 350 حصان دي
الرجالة هنا تركب البومة .. بتاع 100 حصان بتولع الاسفلت
طيب إحساسي هيبقا إيه لما أركب عربية 350 حصااااااااان

ونفسي .. نفسي قبل ماموت أركب إيفو "7 أو إيفو "9 أصلي
العربيات الخرافية دي

كلنا هذا الرجل

CIVIC SI
ACCORD
S2000
EVO
STI
M6
M3
Porcshe
Alfa Romeo

That\s my To Drive LIST ONLY if itravelled abroad !

[M.Ayman]

والله موضوع التسقيط حاطه في خطة خمسينية d: لما ربنا يكرم بقى يا احوش الاول يا اسيب البلد دي خالص وابقى اشتري ايفو 8 بتمن كريستالة
بالنسبة للعربيات الصيني اللي اعرفه ان الاسبيرانزا نفس حوض البومة والمكوه بالظبط وبتاخد نفس الموتور بفتيسه وعفشته وكل حاجة
البريليانس معرفش عنها حاجة للأسف

متهيألي طالما نفس الموتور..بتاع الانسر
يبقا قطعا نفس القواعد.. لكن ماعرفش نفس الفتيس ونظام التعليق ولا لأ ؟؟؟

انا اعرف واحد كان مسقط موتور لانسر 1800 ف عربية اسبيرانزا

لكن البريليانس .. معرفش

شكرا يا جماعه عموما صاحب العربيه هيسأل فى TPS جراج و ربنا يسهل لو الموضوع ينفع يبقى حاجه تحفه ..... و نظام تعليق العربيه مكفيرسون مش مالتى لينك بس ثباتها حلو ما شاء الله ........ بس رأيكم لو نفع تسقيط الميفيك 1.6 او 2.4 ممكن اظبط العفشه و افرامل ويبقى ثياتها و فراملها مناسبين ولا هتبقى مبتقفش ؟ وهل المرور بيرخصهم عادى

[eng.m7md.ali]

شكرا يا جماعه عموما صاحب العربيه هيسأل فى TPS جراج و ربنا يسهل لو الموضوع ينفع يبقى حاجه تحفه ..... و نظام تعليق العربيه مكفيرسون مش مالتى لينك بس ثباتها حلو ما شاء الله ........ بس رأيكم لو نفع تسقيط الميفيك 1.6 او 2.4 ممكن اظبط العفشه و افرامل ويبقى ثياتها و فراملها مناسبين ولا هتبقى مبتقفش ؟ وهل المرور بيرخصهم عادى

الماكفيرسون او mcpherson ده بيبقى في الامام اما multi link يبقى ورا .. اكيد حضرتك تقصد torsion beam ده بيبقى نظام التعليق المتصل عكس الmulti link

[M.Ayman]

الماكفيرسون او mcpherson ده بيبقى في الامام اما multi link يبقى ورا .. اكيد حضرتك تقصد torsion beam ده بيبقى نظام التعليق المتصل عكس الmulti link

معلش فعلا انا اتلخبطت هو التعليق الامامى ماكفيرسون بس الخلفى معرفش للاسف مفيش حد عارف و فى حد قال ان الماكفيرسون ده الارخص و استنتج ان الخلفى متصل و بصراحه مش مقتنع بس مقدرش اعرف ..... ممكن تقولولى اعرف ازاى عندى فى العربيه ؟

[A7MED_PHARMA]

المرور في مصر
ماتعرفلوش قانون ... كله بمزاج البيه الظابط والله اعلم

[A7MED_PHARMA]

صحيح
بخصوص ترخيص المواتير ع العربيات
الرخصة أساسا بيتكتب فيها سعة المحرك بسس .. لكن نوع المحرك أنا ممكن أحلف إن الظابط الي بيفحص أو الظابط مايفهمش فيهم أساسا .. هما كل الي بيعملوه .. بياخدو الرقم من على الموتور ويثبتوه الرخصة
ايه المشكلة بقا لو الموتور 2000 سي سي بتاع لانسر
ولا حتى 2000 سي سي بتاع أي ماركة تانية
مش هما كل الي لهم ... رقم الموتور .. وسعته بس علشان الضريبة ؟؟؟؟

لو حد عنده معلومة اكيدة عن المواتير ف المرور.. يقولنا

[M.Ayman]

من حيث مبيهموش فمبيهموش :) بس بيعرفوا ان كان موتور العربيه ولا لأ على ما اظن يعنى بيبقى مكتوب اسم الشركه على الموتور انما فى السعه كتييير بيبقى مرخص عربيته مثلا 1300 او 1500 و هو معاه موتور 2000 او 2400 او يمكن اكثر ........ مش فاكر مين كان بيحكى عن يوم المرور فى الترخيص هو مسقط اظن 2800 سى سى او رقم قريب من كده و كانت اصلا حوالى 1300 الاول :) الراجل بتاع المرور بيقوله اه دى 1300 سى سى قاله لا ياباشا دى 1500 :)))))))) و اترخصت كده ههههههههههه ...................... و المفروض ان البريليانس بتاخد من ميتسوبيشى مش عارف ايه الوضع فى الترخيص بقى

[eng.m7md.ali]

معلش فعلا انا اتلخبطت هو التعليق الامامى ماكفيرسون بس الخلفى معرفش للاسف مفيش حد عارف و فى حد قال ان الماكفيرسون ده الارخص و استنتج ان الخلفى متصل و بصراحه مش مقتنع بس مقدرش اعرف ..... ممكن تقولولى اعرف ازاى عندى فى العربيه ؟

الماكفيرسون ده في كل العربيات طبعا في العفشة الامامية

بالنسبة بقى multi link ده بيبقى كل عجلة تتحرك لوحدها زي الصورة دي :





وده ال torsion beam .. بيبقى العجلتين متصلتين مع بعض :






طبعا الmulti link احسن من حيث الثبات والراحة في الطرق المصرية

كمان كان فيه مواضيع بتتكلم عن نوع العفشة الخلفية هنا في المنتدى لو تحب زيادة المعلومات