مايفك؟

[H_A_T_Em]

انا عندي تعليق بس علي موضوع ال هوندا و الميتسوبيشي الموتور المايفك ال٢٤٠٠ بيطلع من الاس اي ار و ده قدام عيني و حضرتك لو مش مصدقني انا معايا الفيديو و العربيتين ستوكات و ليا و احد صاحبي تاني معاه لانسر شارك هي ٢٤٠٠ دلوقتي بس كان مسقط ال٢٠٠٠ و كان بيطلع من الاس اي ار و الفكره كلها في العزم يعني عزم الشارك ال٢٠٠٠ سيسي ٢٠٠ نيوتن و الhigh revs مش دايما بتدي قوه و بره بيعتبرو المواتير الاس اي ار tourquless engine يعني ممكن الار بي ام يوصل معاك ل٩ بس متحسش بالعزم تحت رجليك و ده مش معناه انو موتور وحش بردو بس العربيه بتجري من خفه وزنها و ليس من قوه عزمها و نفس الكلام للمايفك ال١٦٠٠ .

[A7MED_PHARMA]

يعني ياحاتم تقصد ان الهوندا أقوى ف التسارع علشان وزنها أخف من عربيات تانية
متهيألي إن فرق الوزن مايعملش فرق السرعة الخرافي ده

المشكلة دلوقتي عندي
مشكلة مشكلة
إن الموتور بتاعي بدأ يجيب آخر ..بجد
وأنا لسه ماظبطش فلوس للتسقيط
مشكلة وربنا يحلها
ماينفعش أكلف عمرة .. وأنا هغيره قريب
وماعييش فلوس أغيره دلوقتي أو خلال الشهر أو الشهرين الي جايين ع الاقل

ربنا يحلها من عنده

[SAMEH_FOUAD]

انا عندي تعليق بس علي موضوع ال هوندا و الميتسوبيشي الموتور المايفك ال٢٤٠٠ بيطلع من الاس اي ار و ده قدام عيني و حضرتك لو مش مصدقني انا معايا الفيديو و العربيتين ستوكات و ليا و احد صاحبي تاني معاه لانسر شارك هي ٢٤٠٠ دلوقتي بس كان مسقط ال٢٠٠٠ و كان بيطلع من الاس اي ار و الفكره كلها في العزم يعني عزم الشارك ال٢٠٠٠ سيسي ٢٠٠ نيوتن و الhigh revs مش دايما بتدي قوه و بره بيعتبرو المواتير الاس اي ار tourquless engine يعني ممكن الار بي ام يوصل معاك ل٩ بس متحسش بالعزم تحت رجليك و ده مش معناه انو موتور وحش بردو بس العربيه بتجري من خفه وزنها و ليس من قوه عزمها و نفس الكلام للمايفك ال١٦٠٠ .

ياباشا انا مصدقك من غير حاجة بس ال SiR اللى كانت بتجرى دية اية مانيوال ولا اوتو ,

وعموما انا جريت معاها قبل كدة على المحور هو كان ورايا بفرق قليل يعنى حوالى عربيتين او ثلاث عربيات واتعرفت علية لاننا كان مشوارنا واحد كنا رايحين هايبر وان وطلع واتكلمنا

بالنسبة ل TOURQE LESS فدة اعتقد ماينطبقش نهائى على ال SiR لان المحرك دة بيوصل معاك لسرعة حتى على ال9000 لفة لو عايز تتاكد جرب اركب SIR وامشى لحد اقصى عدد لفات 8400 على مثلا السرعة الرابعة هتلاقى ان العربية بتجيب 200 كم على الرابع جرب بقى تزود عن كدة وتوصل ل8900 لفة هتلاقى ان العربية جابت على الرابع 210 كم ودة انا مجربة ومتأكد من كويس جدا

* بالنسبة لموضوع العربية خفيفة العربية وزنها 1175 لل SiR اعتقد دة مش وزن قليل نهائى على عربية

- ثانيا معلش هية العربية لو وزنها خفيف مش كانت بعد ال120 كم هتقل لان مقاومة الجسم الخفيف للهواء بتبقى اضعف من مقاومة الجسم الثقيل لكن ماشاء الله المحرك تسارعة مابهداش ولا على قبل ال 100 ولا بعد 100 ومعاك شغال لحد سرعة 190 بدون توقف

- لو كانت خفيفة زى ماحضرتك بتقول يبقى انسى ان فرامل العربية توقف بعد سرعة 130 او 140 لان التسارع رهيييييب

- اللى بيجرى العربية دية ثلاث عوامل ( محرك قوى متطور - ايروديناميك عالية - قريبة من الارض بتخلى مافيش هواء كتير يدخل تحت العربية فبيديها باور وثبات فى نفس الوقت )

[MMamdouh]

اللى اعرفة ان مواتير الSIR بتطلع اقصى عزم ليها عند 7000 لفة او حاجة كدة فا عشان تاخد احسن اداء من المكنة دى لازم تبقى حارق طول الوقت و لفات الموتور دايما بين ال7000 و ال9000

MMamdouh

[A7MED_PHARMA]

سمسم .. ممدوح
رجالة
عادي وجدي قالي 10.000 خبطة واحدة
في الــ 2400 .. بكل حاجته؟؟
المبلغ كبير ..صح؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[MMamdouh]

مش عارف... لازم تسالة ال10 دول شاملين ايه... يعنى هتدفعهم و تستلم العربية راكب فيها كل حاجة محتاجاها ولا لا؟؟

و لازم تبعا تقارن دة بالمبالغ اللى سمعتها برة مع مراعاه ايه اللى هتاخدة فى مقابل السعر

طالما شغالة التسقيط كبيرة يبقى لازم تعرف كل التفاصيل... ممكن واحد ياخد منك 5000 بس و يديك مكنة ساقطة فى الحوض و يسيبك بعد كدة بقى تغنى ظلموة فى تضبيط دفيرة و عفشة و فرامل و كل يوم تروح لصنايعى شكل و كل يوم عندك مشكلة شكل لحد ما تكرة اليوم اللى فكرت فيه تسقط و هتلاقى نفسك دفعت فلوس قد كدة و موصلتش لحاجة

اتاكد ال10 دول هتاخد بيهم اية و قارن دة بالاسعار اللى سمعتها برة

MMamdouh

[A7MED_PHARMA]

بص ياسيدي
هو قالي الــ 10.000 ج دول شاملين
1. موتور 2400 مايفك
2. ضفيرته
3. عداداته
4. كونتروله
5.تعديل الفرامل الامامية علشان تمشي مع القوة الجديدة ع العربية

سألته على نظام العادم.. غير الموضوع ودخل ف موضوع تاني
انا كنت فاكر عدل وجدي ده صنايعي .. أو على الاقل كبير ف السن

لقيته شاب بتاع 33 سنة .. ومروق نفسه وقاعد في اوضة مكيفة مالوش دعوة بالصاله
قاعد بيتفق بس.. مش بيمد ايده ف حاجة

[A7MED_PHARMA]

وفتيسه طبعا ...

يعني قالي هتسيب العربية .. وتدفع داون بايمنت .. وتيجي تاخدها بعد 4-7 ايام
تستلمها دايرة وكله تمام

[MMamdouh]

لحد كدة حلو...

انت متاكد ان الموضوع مش محتاج تعديل فى العفشة؟
و قصة الشكمان دى لازم تتاكد منها...
و طبعا لازم يديك ضمان على الشغل و المكنة و الفتيس

عادل شاب صغير فى السن فعلا و هو بيدير مركز تعديل... اللى بيشتغل فعلا هما مجموعة من الصنايعية لكن اللى بيفكر هو عادل و الناس بتنفذ

عادل برضة هو اللى بيستورد الحاجة من برة سواء اللى بيجيبها للبيع او بيستوردها لعميل بالطلب (يعنى ممكن تطلب منه حاجة و هو يستوردهالك و يركبهالك حتى لو مش بضاعة حاضرة عندة)

MMamdouh

[A7MED_PHARMA]

كان نفسي أسأله على الايفو نظامها ايه
يعني لو (لو) ينفع الانسر العادية تتعدل زي الموضوع الي كان زميلنا ايفو عامله من فترة ... ولا لأ

المهم
يعني السعر غااالي؟؟
هو بالنسبة ليا .. غالي تيت

أنا أساسا يوم ماهسقط .. مش هروح أكتر من 5-6 الاف .. يمكن نزود 500-1000 عليهم حسب الظروف
انما فوق أوي كده
مافيش فلوس وربنا

[H_A_T_Em]

بص يا احمد انا شايف انك مش محتج ال2400 قوي او ده الظاهري ليا معرفش بردو استخدامك ايه بس ال2400 ده اللي بيجيبو بينزل بيه اوتوكروسات و شد و فحت و ردم انا شايف انك تجيب مكنه البومه ال1600 هتبقي ميه ميه معاك علي عربيتك و انا شخصيا مجربها و هتكلفك نص التكلفه و 10 ده مش وحش عموما و الافضل انك تغير عفشه

[A7MED_PHARMA]

انا فعلا مش محتاج الــ 2400

انا محتاج سحب كويس أوووووي بس.. يعني أقدر أجري جمب هوندا من غير مايفرق عني
بس
وللأسف موتور البومة الــ 1600 مانيوال .. ضعيف أوي أوي بالمقارنة بالهوندا
وطالما هكلف وأسقط
يبقا أسقط حاجة تستاهل
ولا إيه ؟

[Seifmando]

سؤال

ممكن اسأل سؤال صغير
ضريبة الـ2400 كام
يعنى لو بومة 2008 بميفك 2400 تعمل كام اجمالى الترخيص بتاعها

[A7MED_PHARMA]

ماعرفش والله ياسيف
غالبا اللعب بيكون ف الرخصة .. بتتقيد أقل من كده علشان الضريبة

[H_A_T_Em]

والله هو مش وحش و عربيتك كمان اخف من البوما و مع بعض التعديلات هيبقي افضل ااكيد بس لو حابب بردو اعمل استخاره و شوف ايه النظام .. انت عربيتك مانوال ولا اوتو .