عاوز سوست Eibach ل E36

[fahd_628]

السلام عليكم

انا عاوز سوست Eibach pro-kit للعربية عندى E36 !

المشكلة انى مش عارف اجيبهم منين فى مصر !!!!

انا دورت على النت و لقيت ان الكود بتاع الكيت بتاع العربية عندى E2021-240

و دة بيوطى العربية 3 سم قدام و 1.5 سم ورا و دة اعتقد ممتااااااااااااااااز فى الطرق المصرية الجميلة :)

حد يعرف اجيب السوست دية منين ؟؟؟؟؟؟؟؟؟؟؟؟؟؟؟؟؟؟

شكرا جزيلا

[fahd_628]

محدش يعرف ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟

[Ahmed Selim]

لازم من مصر ؟

أنا معرفش حد فى مصر عنده أيباخ.......بس أعرف كونى لو بتفكر فيهم.

و لو مصمم على الأيباخ......جرب جروب على الفيس بوك أسمه حاجة زى أدفعلى
دول بتديهم مواصفات الحاجة اللى أنت عاوز تجيبها من أمريكا....بيحسبولك الشحن و الجمارك مع سعرها و بتدفع النص تقريباً و لما الحاجة بتوصل بتدفع النص الباقى.

لو عاوز كونى عليك و على أرابكوم فى القاهرة.........لو بتفكر قولى و أديلك نمرة واحد شغال هناك.

[fahd_628]

للأسف لازم من مصر :(

و بالنسبة لأدفعلى انا فعلا بتعامل معاهم و طالب منهم 7 حاجات للعربية عندى ان شاء الله حتوصل الأسبوع الى جاى بس كل الحاجات الى انا طالبها رفايع بس مهمة متوزنش حاجة

هما بيحاسبو 10 $ للكيلو ! و انا دورت لقيت السوست 12 كيلو :) يعنى 120 $ شحن فقط :) + الشحن داخل امريكا علشان يوصلهم كتيير جدا كدة :(

فا انا قولت لو فى مصر حد عنده اجيبهم منه :(

المشكلة ان ال Eibach pro-kit مصممين انهم يشتغلو كويس مع مساعدين العربية الأصليين !

الكونى اعتقد لازم المساعدين بتاعهم علشان تبقى تمام !

مش عارف بقى حعمل اية :( حشوف كدة و لو احتجت كونى حبعتلك :)

شكرا لمساعدتك

[Ahmed Selim]

العفو يا باشا

بس حاول تبعت لكونى تسألهم على سوست نفس الفكرة تشتغل مع المساعدين الأصلى للعربية.

هما محترمين و بيردو بسرعة......و مش هيغشوك.......لو مفيش هيقولك مفيش.

ساعة لما جبت مساعدين الميجان سألتهم هل تنفع مع السوست الأصلى و لا هتأثر و قالولى مش هتأثر و العربية هتوطى حوالى نص سم بالمساعدين الكونى بس من غير السوست........و بالفعل ده اللى حصل....وطيت نص سم و السوست الأصلى شغالة معاها تمام.

[fahd_628]

طيب تمام انا حسألهم و حشوف