ازاي اغير فلتر الهوا كورولا 2006 1300cc

[hany63]

مساء الخير ياجماعه
كنت بسأل عن كيفيه الوصول لفلتر الهوا و ايه الادوات اللي هايتم استعمالها
انا مركب فلتر k&n ستوك زي الاصلي و عايز انضفه بنفسي زي ما عملت في عربيتي السيفيك
وشكرا ليكم

[hany63]

ايه الحكايه السؤال بره المقرر؟

[Karim_Monir]

هاهاها
تقريبا برة المقرر عشان سالت في حتة غلط كنت اسال في التعديلات
انا برضه مركب كيت كيه اند ان الاوريجنال الانجليزي اللي بيقعد مليون ميل
شوف
انا بفك الفلتر وبحط فوطة عشان مفيش حاجة تدخل جواة
واخدة البيت وفي طبق مية سخنة
هايبهلدك الطبق مش مهم هاتخد كلمتين من المدام وخلاص
وتغلسة بشوية فيري او اريال او اي مسحوق عشان ينزل التراب والزيت اللي سادين المسام
لغاية لو حطيتة في النور تبدء تشوف من مسامه نور
تغسلة بتاع عشر مرات لغاية ما يبطل ينزل اي سواد او زيت او زفت
تنظره كويس وممكن تنشفة بسيشوار دافي او تسيبه للصبح ينشف مع نفسة
بعد كدة تحط علية بفرشة خفيفة شوية زيت باور او تسيبة من غير زيت باور او تحط علية الزيت اللي بيجي معاه وده بيتباع في محلات الاكسسوارات الاصلي ب 80 جنية باين
انا مقضيها زيت باور وساعات من غير
واستمتع بفوقان العربية وادعيلي

[hany63]

ربنا يخليك با استاذ كريم بس انا كنت عايز اعرف طريقة فتح العمه اللي بداخلها فلتر الهوا الاصلي بتاع الفابريقه
عشان انا مركب K&n نفس الاصلي اللي ما بيخرجش من الضمان
اما بالنسبه للتنظيف مافيش مشكله انا معاي الكيت الكامل بتاع التنظيف K&n و شاريه ب165 جنيه من حماده غزي
و فرصه سعيده اني اتعرفت على حضرتك عشان اشكرك على المنتدى اللي علمني حاجات كتيره وبادخل 3 مرات يوميا
وفرصه تقولي على الكيت اللي حضرتك مركبه بكام وشكله ايه و من عند مين واذا كان يمشي علي كورولا1300 اوتو2006
تحياتي

[zonfuly]

معلش انتا مشتري الفلتر بتاع الكرولا الستوك k&n بكام

[Karim_Monir]

مخدتش باللي انك مركب الاستوك
انا مركب الاسبور بالاير ماس بالماسورة الاصلية وكنت مشترية بالف ومائة جنية تقريبا من 3 سنين
اللي انت مركبة زي الاصلي لو هو موديله i57 ودي احسن خامة هاتفك كلبس العمة وتطلع الفلتر تغسلة وتنشفة وتحطة
لكن اللي انا مركبة ده سبوربيفرق شوية في السحب والطلعة بتاعت العربية
طريقة غسيل الفلتر دي ممدوح اللي قايلي عليها وفعلا بقالي 3 سنين ماشي عليها وفل

[hany63]

الفلتر الستوك تمنه كان من 8 اشهر ب 410 جنيه من عادل وجدي

[hany63]

متشكر يا استاذ كريم

[zonfuly]

الفلتر الستوك تمنه كان من 8 اشهر ب 410 جنيه من عادل وجدي

السراحه كويس انا شوفت ناس جابته لعربيات تانيه ب 1200 جنيه