بفكر في سوست اسبور للياريس ! ! مقتراحتكم ؟ ؟

[Ahmod]

السلام عليكم ورحمة الله وبركاته

ناوي ان شاء الله على تغيير السوست الموجودة في العربية عندي لانها اقل مايقال عليها سوست عقيمة !

بعيدا عن موضوع الثبات والكلام ده ! العربية عالية عن الارض بطريقة مستفزة وبشكل بشع للغاية !

الى غير انها بحسها بتاخد وتدي زيادة عن اللزوم لدرجة انك لو ريحت ايدك على الشنطة تلاقي العربية بتنزل معاك ! !

وطبعا مش عايز ادخل في موضوع اني اقص السوست والكلام ده لانه اي كلام في اي حتة !

بفكر في سوست رياضية بس ماعنديش خبرة كافية

انا عايز حاجة تهبط العربية بس مش كتير ! يعني مش للدرجة اللى تعملي مشاكل مع الحمولة والمطبات ! وبنفس الوقت انا عارف ان اكيد العفشة هتنشف بس مش عايز السوست اللى تنشف العفشة بزيادة او لدرجة تتعبني وتخنقني !

واكيد طبعا لازم تحسنلي الهاندلنج والثبات بتاع العربية ! !

فايه رايكم ؟ احسن الانواع والاسعار في حدود كام تقريبا ؟

انا الميزانية تقريبا في حدود 1000 : 1500 ممكن ارفعها ل 2000 لو حاجة نضيفة اوي وتستاهل !

وايه رايكم في الناس اللى بتغير السوست الخلفية فقط ؟

واخر سؤال لو فيما بعد حبيت اشيل السوست الاسبور وارجع سوست العربية الاصلية هل ترجع كل حاجة كما كانت ؟ ؟

ياريت اللى عنده اي مقترحات في الموضوع ده يفيدني !

[mido_soliman]

متابع باهتمام

[ahmad--ezzat]

انت هتجيب سوست سبور ورا بس ازاي...العربيه هتبقي واطيه من ورا وعاليه من قدام!!!!!! دي غير انها هتبقي مش مظبوطه وفيها خلل

[Land_Cruiser]

انت هتجيب سوست سبور ورا بس ازاي...العربيه هتبقي واطيه من ورا وعاليه من قدام!!!!!! دي غير انها هتبقي مش مظبوطه وفيها خلل

+11111
ممكن تدخل على koni. تاخد فكره
Koni: the ultimate tool for finding high quality shocks for OE replacement

[Land_Cruiser]

على فكره مكتوب انها هتوطى العربيه بحد اقصى ٣٥ مم لما تركب الكيت ورا و قدام

[Ahmod]

موضوع السوست الخلفية فقط ده فكرة مش اكتر لان اعرف واحد معاه ياريس ومغيرلها السوست الخلفية فقط

وده لان العربية مرتفعة من ورا بطريقة غبية وبشعة بعكس من قدام ! يعني من قدام ارتفاعها عن الارض معقول

انما من ورا كدة حاجة لا تطاق بصراحة !

انا دخلت على موقع كوني وتقريبا كدة ان السوست ليها ارقام ! تمام انا عرفت الارقام المناسبة للياريس بس اسال عليها فين بقى واجيبها منين وبكام ؟

[Land_Cruiser]

بص هو توكيل koni مع ارابكوم اللى فى مدينه نصر و ممكن تكلمهم و تسأل

NASR CITY BRANCH:
Ramo Gardens, El Nasr Road, Building No. 4,
Nasr City, Cario, Egypt.
Tel: +20 2 4183371 / 72 / 73



HELIOPOLIS BRANCH:

12, Dr. Ahmed Raid Turk St., El Hegaz Sq,
Heliopolis, Cairo, Egypt
Tel: +20 2 6238669

[Eng.Geo]

APEXi
بس لازم تغير المساعدين عشان لو هما بتوع العربية أو حاجة مش سبور هتبوظ
وطبعا المساعدين السبور يبقي koni
وطبعا ماينفعش حوار سبور ورا وعادي قدام
في فرق elasticity وهتبقي مشكلة

[yoko]

لومزنقه فلوس خليك في الكوني
لو مستعد تدفع ال2000 جيب إيبخ زي ما انا عملت (فرق خامات كبير بنها وبين الكوني)
وحوار لازم مساعديين مع السوست فلأ مش لازم مع توطيه ال35 مم لكن أكتر من كده يبقى مساعدين سبور

[Ahmod]

طيب هو الفرق مابين الايبخ والكوني يستاهل فرق الفلوس ؟

والكوني تقريبا سعره هيبقى في حدود كام ؟

الايبخ اقدر اجيبه منين ؟ و معلش اخر استفسار هو ال 35 مم ده يعني قد ايه تقريبا ؟

[yoko]

طيب هو الفرق مابين الايبخ والكوني يستاهل فرق الفلوس ؟

والكوني تقريبا سعره هيبقى في حدود كام ؟

الايبخ اقدر اجيبه منين ؟ و معلش اخر استفسار هو ال 35 مم ده يعني قد ايه تقريبا ؟

3سم ونص
والإيبخ سعرهم قرب مره ونص من الكوني وانا شايف الفرق يستاهل

[Land_Cruiser]

اعتقد الكونى ممكن تكون سعرها من ١٣٠٠ج الى ١٥٠٠ج بس ممكن تكلمهم تعرف كام بالضبط و الايبخ طبعا ماركه محترمه جداً بس اغلى شويه زى ما Yoko قاللك ٢٠٠٠ج و على فكره الايبخ بتوطى العربيه ٣ سم