سؤال يا ولاد الحلال

[waled369]

السلام عليكم و رحمة الله و بركاته
أولا بصراحة منتدى رائع و دي أول مشاركاتي لأن أنا لسه مسجل النهاردة بس و عموما تشرفت بحضراتكم .
بصراحة أنا عندي عدة أسئلة
أولا أنا عندي سيارة تويوتا كرولا 1300 موديل 1997 طبعا هيه كربراتير فهل ينفع أغيره إلى انجيكشن و كم هيتكلف
ثانيا اذا مش هينفع أقدر أسقط فيها موتور تويوتا كامري و يا ترى هلاقيه في مصر و لا لأ
المهم الهورس باور للماكينة الحالية 97 حصان ايه الطريقة اللي ممكن أزيد بها قوة عزم الماكينة نفسها اذا لم ينفع فيها تسقيط موتور تويوتا كامري
و إيه أنسب ماكينة تنفع تتسقط لها تعطي عزم أحسن و كم تكلفتها تقريبا
حاجة تانية أنا عايز أجيب لها فوانيس كريستال أمامية ياترى ألاقيهم فين و كم سعرهم
شكرا للجميع

[MMamdouh]

انت حطت ميزانية كام؟ اصل الميزانية هى الفيصل... ممكن تخليك تركب تربو او تخليك تركب فلتر

MMamdouh

[mohamed ibiza]

طبعا ممكن تغير نظام الحقن و تخليها انجكشن او هاف انجكشن و لو عايز تزود حاجات معقولة في القدرة و العزم عدلها خليها انجكشن بعدها حط فلتر سبور و سلوك بوجيهات سبليت فاير و و بوجيهات ايريديوم لو عايز قوة رهيبة بقي يبقي تربو بس منصحكش بيه مش عشان وحش ولا غلط لا بس هيخلي العربية طيارة و القدرة الحصانية هتعلي جامد و العربية عندك وزنها مش تقيل

[waled369]

شكرا على الرد يا شباب
بالنسبة للميزانية مفتوحة بس تقريبا لو ركبت لها تيربو يكون عند مين بالضبط و عنوانه أو موبايله ايه ؟
أنا مركب لها طقم أسلاك و بوجيهات قوية جدا و فلتر سبورت و كمان حاطط فيها (ستابليزر) كهرباء علشان يعطي باور أكتر بالإضافة لجهاز بلازما كامل .
الحاجات دي غيرت فعلا السحب لكن مش بالمستوى المطلوب .
المهم التيربو ممكن يتكلف كم بالضبط ؟
ثانيا المصابيح الأمامية ممكن ألاقيها كريستال فين ؟
ياريت حد يفيدني أكتر
و ياترى ممكن أسقط عليها ماكينة أكبر لو تويوتا كامري مثلا و لا ايه ؟
شكرا

[mohamed ibiza]

معتقدش ان مكنة الكامري تنفع عندك الحوض بتاع الكامري ضخم و انت الحوض عندك صغير اما التربو فالمعلم اللي رد عليك الاول متخصص تربوهات

[waled369]

محمد ممدوح يا ريت ترد عليا يا مان
و ما قولتوا لي يا جماعة لو هاغير الكربراتير إلى انجيكشن كم تتكلف و عند مين بالظبط و يا ريت تردوا عليا في موضوع الفوانيس الكريستال الأمامية

[MMamdouh]

اولا معتقدش ينفع تقلب المكنة من كربراتير لانجكسن لان فيه اماكن لحساسات مش حتبقى موجودة عنك فى البلوك

الاسهل تجيب مكنة انجكشن بكونترولها و ضفيرتها

MMamdouh

[waled369]

بالنسبة للتيربو يا مان كم يكلفني و مين أحسن واحد أقدر أتعامل معاه في الأمر ده
ياريت تفيدني يا ريس
و برضه بالنسبة للفوانيس الكريستال الأمامية مفيش حد يفيدني فيها ألاقيها فين و أسعارها كام
شكرا

[tommys]

الفوانيس الكريستال هاتلاقيها في بور سعيد عند واحد مش فاكر إسمه وده رقمه 0129464656 عنده نوع ممتاز جدا مشش موجود في مصر إلا عنده هو لأنه مستورد ولسه جايب شحنه من بره جديده ومنها للكورولا ال 97 ......

[mohamed ibiza]

ليه يا mmahomud مينفعش يقلبها من كربراتير لهاف انجكشن علي الاقل طب ايه رأيك في ابيزا 94 كربراتير و اتقلبت هاف انجكشن و موجودة في اسكندرية

[waled369]

tommys
شكرا ع المعلومة دي و ان شاء الله اتصل على الرقم ده و أشوف الفوانيس عنده
محمد ابيزا
شكرا على ردك و يا ريت تقول لي مين اللي ممكن يعمل الماكينة هاف انجيكشن
محمد ممدوح
أنا عرفت انك بتركب تيربو للسيارات بجميع أنواعها فياريت تقول لي التكلفة عندي هتكون كم و المدة تاخد معاك وقت اد ايه لأني من خارج القاهرة
سلاااااااام يا شباب

[mohamed ibiza]

اي ميكانيكي بيفهم ممكن يعملها هاف انجكشن يا باشا انا الميكانيكي بتاعي مرة بيقولي عايز اقلبهالك انجكشن قلتله لا

[waled369]

ماشاء الله على سرعة الرد يا باشا
للأسف الميكانيكي بتاعي نصاب كبير و انا باتعامل معاه لأن والدي الله يرحمه كان بيتعامل معاه فقط لا غير أما هوه من وجهة نظري عربجي بس علشان خاطر عضم التربة
لا تنس تدعي لوالدي بالرحمة و المغفرة و لكل أموات المسلمين

[mohamed ibiza]

يا رب ارحم كل المسلمين احياء و اموات يا رب بص انا هسألك الميكانيكي بتاعي لو ممكن فقولك و ده علي ضمانتي اي حاجة تحصل اطبقلك في زمارة رقبته :):)

[waled369]

قشطة يا مان الله يجزيك خير يا باشا و عامة أنا هاكون في مصر قريبا جدا ان شاء الله
منتظر ردك و اديني عنوانه و رقم موبايلة
و نخللي الطبق في زمارة رقبته دي بعدين دا صاحب عياااااااااال