إعـــــــلان

Collapse

.

,
See more
See less

تجربة قيادة رياضية لBMW E46 مع سوست Merwede

Collapse
X
 
  • Filter
  • الوقت
  • Show
Clear All
new posts

  • تجربة قيادة رياضية لBMW E46 مع سوست Merwede

    من حوالى اسبوعين جبت لصديقى احمد الزرقانى طقم سوست سبور لعربيتة الE46 لان العربية كانت بعفشتها الاصلية و كانت السوست فيها تعبانة و العربية بتتمرجح شويتين فى الملفات ومع مطبات الهوا و احمد عايز يحسن الثبات و الhandling بتاع العربية بشكل كبير فا جبتلة الطقم دة من واحد معرفة بيصفى محل اكسسوارات بسعر كويس و كان عندة طقم لل46

    يوم الجمعة اللى فات راح للميكانيكى عشان يركب السوست و بعد التركيب كان اول انطباع ان العربية وطيت على الارض... دة طبعا طبيعى مع اى سوست سبور لان جزء من شغل السوست دى بيعتمد على تخفيض مركز ثقل العربية و دة بيفرق جدا جدا فى الملفات

    دى صور لعملية التركيب و الفرق بين السوست الاصلية و السبور:

    سوست امامى


    سوست خلفى


    قبل و بعد امامى


    قبل و بعد خلفى


    القلق بعد التركيب كان من المطبات الصناعية الغبية اللى فى البلد و الحك فى جسم العربية... طبعا عشان العربية وطيت الموضوع بيحتاج حرص مع المطبات القصيرة و لازم تتخاد بزاوية... غير كدة المطبات الطويلة بتتاخد عادى لان السوست مش بتسمح ان العربية تهبط جامد لما تنزل من على المطب فا مفيش منها خوف

    كمان كان فيه بعض التخوف من ان العربية تبقى ناشفة بزيادة و متعبة زى ما هو متعارف الا ان العربية كانت طبيعية خالص و متحسش باى نشوفية الا لو اخدت مطب جامد و حتى هنا مبتحسش انك اتهبت جوة العربية لكن بتحس ان العفشة ناشفة سنة و بتنقل جزء من الصدمة للركاب... الكلام دة طبعا مقارنة بعربية كان فيها سوست مقصوصة و انا سوقتها و كانت ناشفة بغباء جدا لدرجة انك لو دوست على جنية فضة فى الارض ممكن تعرف انت دوست على الناحية الملك ولا الكتابة من كتر ما العافشة ناشفة جدا

    امبارح كان موعد التجربة فى الجرى و القيادة الرياضية عشان نشوف الفرق بين اداء العربية بالسوست العادية و السوست السبور... التجربة كانت فى اماكن متطرفة من مدينة الرحاب و حوالين المدينة... بداية التجربة كانت الميدان الكبير اللى بعد بوابة 6... الميدان عبارة عن صينية كبيرة و العربيات هناك مش كتير فا قررنا نشوف مدى تماسك العربية فى الصينية دى قد اية...

    الاختبار بداء من حوالى سرعة 40 و فى اقرب نقطة للرصيف بتاع الصينية (اضيق ملف فى الميدان) و فضلنا نزود السرعة مع ملاحظة تماسك العربية و حفاظها على نفس الخط... احنا فضلنا نزود السرعة لحد ما وصلت الى 70 كيلو و العربية ما شاء الله لا بتميل ولا بتتطوح نهائى كما لو كانت ملزوقة فى الارض

    المشكلة الوحيدة ان العربية بجنوطها الاصلية و كاوتشها الاصلى و الفردتين الخلفى حالتهم مش قد كدة فا عند السرعة دى بداء عجل ورا يتزحلق خفيف و بداء الDSC يشتغل فا طبعا منقدرش نضغط اكتر من كدة لان الكاوتش حالتة لا تسمح بس عموما الفرق بين اداء العربية قبل السوست السبور مكنش كدة خالص و كان فيه نسبة ميلان لجسم العربية كبيرة جدا انما بعد السوست تقريبا جسم العربية مكنش بيميل خالص و فضلت محافظة على الخط اللى هى ماشية فية بالرغم من المطبات اللى فى الملف... لولا حالة الكاوتش كان ممكن نضغط على العربية اكتر من كدة

    التجربة اللى بعد كدة كانت فى سلسلة ملفات ضيقة متتالية لاختبار مدى تجاوب العربية لتغيير الاتجاة السريع عدة مرات على سرعة... احنا جربنا العربية فى ميداين صغيرة و فى كذا باركنج و كان كل اختبار فيه 6 او 7 ملفات ورا بعض و كلهم عكس بعض على سرعات محتلفة و العربية كانت بتستجيب بمنتهى السلاسة و الدقة فى كل ملف و كانت بتاخد الملفات اكنها ماشية على قضيب مش على الاسفلت...

    المشكلة برضة هنا ان لما زودنا السرعة الكاوتش بداء يفقد تماسكة و بداء يحصل under-steer انما محصلش خالص اى ميلان زائد لجسم العربية او احساس ان العربية مش قادرة تستجيب لحركة الدركسيون نتيجة انتقال وزن جسم العربية بشكل زائد

    اخر اختبار كان فى منطقة لسة بتتبنى فا الطريق علية نسبة رمل و مزحلق فا جربنا الدريفتات فى المنطقة دى... و العربية بتعمل دريفت مكنش فية فرق يذكر قبل و بعد السوست... نفس حالة العربية و هى بالعرض كانت تقريبا واحدة... الفرق الكبير ظهر لما الدريفتاية بتخلص... قبل السوست السبور كان وزن العربية بيترمى الناحية العكسية بقوة اول ما الدريفتاية تخلص و طبعا لازم السواق يبقى عامل حسابة على رد الفعل دة و يلم العربية عشان متتطوحش منة...

    بعد السوست انتقال الوزن من جنب لجنب بقى اقل بكتير و نهاية الدريفت بقت اكثر اتزان و العربية اسهل فى السيطرة عليها و دة بيدى فرصة ان الواحد يدريفت على سرعة اعلى فى نفس الملفات اللى كنا بندريفت فيها قبل كدة و حتى ان الواحد يدريفت فى اماكن اضيق من الاول نتيجة الثقة فى ان العربية مش هتخرج عن مسارها بشكل كبير او تتزحلق اكتر من اللى السواق عايزة

    طبعا النتيجة مبهرة بالرغم من الكاوتش التعبان اللى فى العربية و التغير فى مستوى الاداء اكثر من رائع... و مقارنة بان العربية وطيت و بقت محتاجة حرص زيادة فى المطبات الصناعية الا ان التحسن فى الاداء اكبر بكتير جدا من الجانب السلبى دة و فعلا قيادة العربية متعة كبيرا جدا جدا

    انا بصراحة مش عارف اتخيل الاداء بعد ما نركب جنط 17 و كاوتش 225\45\17 (دى الخطوة الجاية ان شاء الله) و اعتقد بعدها الاداء هيبقى مذهل... انا عارف ان الكاوتش بيفرق فرق كبير جدا فى الاداء و لو حسبنا الفرق دة مع فرق السوست الحالى بالكاوتش الاصلى اعتقد هيبقى ثبات العربية حاجة فوق الوصف ان شاء الله

    عموما اوعدكم لما نركب الجنوط و الكاوتش هنعيد الاختبارات تانى و نقولكم ايه الاخبار

    MMamdouh
    [CENTER]What is the difference between ignorance and apathy?...I don't know & I don't care[/CENTER]

    [CENTER][SIGPIC][/SIGPIC][/CENTER]


    [SIZE=6][marq="3;right;3;scroll"]اللى ميعرفش... يقول هجس[/marq][/SIZE]

    [marq="Error"]what goes around... comes around[/marq]


    [CENTER][URL="http://www.cardomain.com/ride/567267"]MMamdouh's Lanos on CarDomain
    [/URL][/CENTER]

    [URL="http://www.nilemotors.net/Nile/showthread.php?t=85421"]
    [/URL]

  • #2
    اشكرك جدا جدا جدا يا ممدوح علي انك شيلت من عليا الهم الكبير في كتابة الموضوع. إنت طول عمرك احسن مني في الكتابة. :)

    النقطة اللي نسيت تذكرها هي انه تم تركيب UltraRacing Strut Bar امامي في اعلي المحرك في نفس توقيت تغيير السوست. وبالتأكيد ساهم في احداث الفرق.

    ونظرا لانك لم تكن موجود عند تجربة السيارة في نفس الختبار مع وجود البار وقبل تغيير السوست، فأقدر اؤكد ان الفرق الاكبر في الثبات يرجع للسوست. يعني اذا كان الثبات اتحسن ١٠ درجات، فتقييمي ان منهم ٨.٥ سوست و١،٥ سترات بار.

    نقبل الدعوات بوافر الرزق للتمكن من الحصول علي الجنوط ال١٧ انش :) :) :)
    I feel the [B]NEEEEED[/B]
    The need for [B][I]SPEEEEEEED[/I][/B]

    Comment


    • #3
      I feel the [B]NEEEEED[/B]
      The need for [B][I]SPEEEEEEED[/I][/B]

      Comment


      • #4
        شكرا جدا لنقل التجربة
        هو الراجل لسه عنده لأني عايز اركب زيهم عندي و ممكن التكلفة بالتفصيل
        وبرضه الstrut bar الله يكرمك يا ممدوح؟
        من موضوعاتي
        [URL]http://www.nilemotors.net/Nile/81803-320-2005-a.html[/URL]
        [URL]http://www.nilemotors.net/Nile/114761-bmw-x3.html[/URL]
        [URL]http://www.nilemotors.net/Nile/9108-bmw-520i-2001-a.html#post97004[/URL]
        [URL]http://www.nilemotors.net/Nile/115595-2002.html[/URL]

        Comment


        • #5
          نوفو وجهين لعملة وحدة
          هههههههههههههههه
          علي فكرة يا نوفو نفس الراجل اللي قلتلك عليه هو اللي ممدوح جاب من عنده
          [CENTER]تحياتي : شريف ياسر[/CENTER]
          [CENTER][U]منسق قسم BMW[/U] [/CENTER]
          [CENTER] [/CENTER]

          Comment


          • #6
            الف مبرووووووووووك

            انت اكيد عارف ان المساعدين بعد التوطية دية مش هتعمر معاك !!!

            لازم مساعدين سبور يا اما دول حيبوظو قريب لأنهم مش هيستحملو السوست دية
            [CENTER]الحمد لله[/CENTER]
            [CENTER] [/CENTER]
            [CENTER][sor2]http://farm3.static.flickr.com/2639/3939929853_4547d6e150.jpg[/sor2][/CENTER]

            Comment


            • #7
              ايه يا باشا التقارير الجامده دى .. بسم الله ما شاء الله.

              ربنا يبارك له فيها و يحفظهاله.
              [CENTER][B]القران الكريم بجودة صوت عاليه جدا[/B]
              http://www.nilemotors.net/Nile/230790-a.html[/CENTER]

              Comment


              • #8
                مبروك يا أحمد وعقبال الكاوتش إن شاء الله

                بس برده هتتقطعوا على نزلة المقطم حتى لو غيرتوا العربية كلها :d

                Comment


                • #9
                  المشاركة الأصلية كتبت بواسطة novo مشاهدة المشاركة
                  شكرا جدا لنقل التجربة
                  هو الراجل لسه عنده لأني عايز اركب زيهم عندي و ممكن التكلفة بالتفصيل
                  وبرضه الstrut bar الله يكرمك يا ممدوح؟
                  طقم السوست انا جايبة فى التصفية ب1200 و كان عندة طقم او طقمين E46 غير اللى اخدتة و تقريبا طقمين E36 و طقمين E30... انا ممكن احاول اقرص علية فى السعر بما ان دة تانى طقم اخدة منة لو انت عايز طقم و انا كنت بلغت شريف برضة بالموضوع لو حد تانى عايز

                  الstrut bar من عند عادل وجدى و افتكر كان ب 480 تقريبا

                  MMamdouh
                  [CENTER]What is the difference between ignorance and apathy?...I don't know & I don't care[/CENTER]

                  [CENTER][SIGPIC][/SIGPIC][/CENTER]


                  [SIZE=6][marq="3;right;3;scroll"]اللى ميعرفش... يقول هجس[/marq][/SIZE]

                  [marq="Error"]what goes around... comes around[/marq]


                  [CENTER][URL="http://www.cardomain.com/ride/567267"]MMamdouh's Lanos on CarDomain
                  [/URL][/CENTER]

                  [URL="http://www.nilemotors.net/Nile/showthread.php?t=85421"]
                  [/URL]

                  Comment


                  • #10
                    المشاركة الأصلية كتبت بواسطة sheko_2000eg مشاهدة المشاركة
                    نوفو وجهين لعملة وحدة
                    هههههههههههههههه
                    علي فكرة يا نوفو نفس الراجل اللي قلتلك عليه هو اللي ممدوح جاب من عنده


                    MMamdouh
                    [CENTER]What is the difference between ignorance and apathy?...I don't know & I don't care[/CENTER]

                    [CENTER][SIGPIC][/SIGPIC][/CENTER]


                    [SIZE=6][marq="3;right;3;scroll"]اللى ميعرفش... يقول هجس[/marq][/SIZE]

                    [marq="Error"]what goes around... comes around[/marq]


                    [CENTER][URL="http://www.cardomain.com/ride/567267"]MMamdouh's Lanos on CarDomain
                    [/URL][/CENTER]

                    [URL="http://www.nilemotors.net/Nile/showthread.php?t=85421"]
                    [/URL]

                    Comment


                    • #11
                      المشاركة الأصلية كتبت بواسطة fahd_628 مشاهدة المشاركة
                      الف مبرووووووووووك

                      انت اكيد عارف ان المساعدين بعد التوطية دية مش هتعمر معاك !!!

                      لازم مساعدين سبور يا اما دول حيبوظو قريب لأنهم مش هيستحملو السوست دية
                      ربنا يستر... هى كدة كدة المساعدين من ضمن الحاجات اللى عايزين نغيرها بس قدام شوية فا هنسيب دول يشطبوا و بعد كدة نشوف بديل محترم

                      MMamdouh
                      [CENTER]What is the difference between ignorance and apathy?...I don't know & I don't care[/CENTER]

                      [CENTER][SIGPIC][/SIGPIC][/CENTER]


                      [SIZE=6][marq="3;right;3;scroll"]اللى ميعرفش... يقول هجس[/marq][/SIZE]

                      [marq="Error"]what goes around... comes around[/marq]


                      [CENTER][URL="http://www.cardomain.com/ride/567267"]MMamdouh's Lanos on CarDomain
                      [/URL][/CENTER]

                      [URL="http://www.nilemotors.net/Nile/showthread.php?t=85421"]
                      [/URL]

                      Comment


                      • #12
                        المشاركة الأصلية كتبت بواسطة kar!m مشاهدة المشاركة
                        ايه يا باشا التقارير الجامده دى .. بسم الله ما شاء الله.

                        ربنا يبارك له فيها و يحفظهاله.
                        ربنا يخلليك يا باشا

                        MMamdouh
                        [CENTER]What is the difference between ignorance and apathy?...I don't know & I don't care[/CENTER]

                        [CENTER][SIGPIC][/SIGPIC][/CENTER]


                        [SIZE=6][marq="3;right;3;scroll"]اللى ميعرفش... يقول هجس[/marq][/SIZE]

                        [marq="Error"]what goes around... comes around[/marq]


                        [CENTER][URL="http://www.cardomain.com/ride/567267"]MMamdouh's Lanos on CarDomain
                        [/URL][/CENTER]

                        [URL="http://www.nilemotors.net/Nile/showthread.php?t=85421"]
                        [/URL]

                        Comment


                        • #13
                          المشاركة الأصلية كتبت بواسطة mailo مشاهدة المشاركة
                          مبروك يا أحمد وعقبال الكاوتش إن شاء الله

                          بس برده هتتقطعوا على نزلة المقطم حتى لو غيرتوا العربية كلها :d
                          بلاش انت يا ابنى... انت متقطع على نزلة المطقم مرتين قبل كدة

                          MMamdouh
                          [CENTER]What is the difference between ignorance and apathy?...I don't know & I don't care[/CENTER]

                          [CENTER][SIGPIC][/SIGPIC][/CENTER]


                          [SIZE=6][marq="3;right;3;scroll"]اللى ميعرفش... يقول هجس[/marq][/SIZE]

                          [marq="Error"]what goes around... comes around[/marq]


                          [CENTER][URL="http://www.cardomain.com/ride/567267"]MMamdouh's Lanos on CarDomain
                          [/URL][/CENTER]

                          [URL="http://www.nilemotors.net/Nile/showthread.php?t=85421"]
                          [/URL]

                          Comment


                          • #14
                            مبرووووووووووك والسوست هتعمل فرق كبير (عن تجربه في عربيتي)
                            بس الي مستغربه إن عدد اللفات هو هو مزدش!!!
                            يعني انا في الإيبخ السوست عدد لفتها زاد وبقت قريبه من بعض والقطر بتاع السوسته نفسه زاد 50% على الأقل
                            [img3]http://img21.imageshack.us/img21/3957/28138510150332809507433.jpg[/img3]

                            Comment


                            • #15
                              المشاركة الأصلية كتبت بواسطة yoko مشاهدة المشاركة
                              مبرووووووووووك والسوست هتعمل فرق كبير (عن تجربه في عربيتي)
                              بس الي مستغربه إن عدد اللفات هو هو مزدش!!!
                              يعني انا في الإيبخ السوست عدد لفتها زاد وبقت قريبه من بعض والقطر بتاع السوسته نفسه زاد 50% على الأقل
                              الله يبارك فيك

                              اللي عاجبني في السوست دي ان اداء العربية اتحسن جدا من ناحية الثبات بس بدون جعل الركوب في العربية مرهق جدا من ناحية ان السوست مش ناشفة زيادة عن اللزوم.

                              خصوصا ان بلدنا مليانة مطبات مراجيحي تقطم الظهر
                              I feel the [B]NEEEEED[/B]
                              The need for [B][I]SPEEEEEEED[/I][/B]

                              Comment

                              Working...
                              X