تسقيط موتور للكروز

[blazer]

متتعبش نفسك عشان هتتعب جدا عشان تركب ماتور 6 سلندر
والافضل التيربو
والتيربو هيكلفك 10000شامل تعديل العفشه والفرامل
انما عشان تركب الماتور ال 6 سلندر هتغير كل حاجه فى العربيه العافشه والكنترول والضفيره والفتيس والكبالن وكللللله

[AHMED1718]

ماتور اللاسيتى بيترخص عليها عادى ولا هيقولو ده دايو ؟

لو هيترخص عليها فيه فرق يستحق بصراحة عن الكروز

[mido]

متابع

[Formulator]

هى لو وصلت لتسقيط موتور؛
- يبقى تجيب موتور الـ1.4 Eco-TEC Turbo اللى بينزل عليها برا، 1400cc تربو 140 حصان تقريبا..؟!!

أو موتور الـ1.6 Turbo بتاع الأسترا-تربو الجديدة 180 حصان بيركب عليها برضه (لأنهم نفس الشاسيه GM-Platform II للكومباكت).

ممكن تلاقيهم استيراد فـ الحرفيين (مش لازم شيفرولية، ممكن فوكسهول، دايوو أو أوبل.. واحد).

- بس خد بالك من حاجة فـ العفشة والثبات والفرامل (اللى انت فاكرهم تمام)، مش هيستحملوا المواتير دى؟؟!!!
اللى خلى الكروز الـ1.8 بتاع أمريكا الشمالية عفشتها قدام غير الـ1.6 (مقصات وبارات والـMcPheson كله)..
الأهم بقى: من ورا.. مش تورشن-بيم عادية زى اللى عندك فـ الكروز، لأ دى Compund-Crank يعنى تورشن متعدلة Watt-Link زى الأسترا.؟!!
ده بس عشان رفع الموتور من 1.6 لـ 1.8 (وطبعا الـ2.0 نفس الكلام)، فما بالك بموتور تربو؟؟!!!
كل ده لسه ماتكلمناش فـ الدامبرات والسوست.. لازم عفشة سبور وتعمل Lowering للعربية،
الفرامل (عـ الأقل قدام) لازم Brake-Upgrade..؟!!

ربنا معاك،

[thunder155]

متابع

[minicooper20]

مهمه مستحيله بيعها و هات حاجه باماتور اكبر

[M.Elwan]

لو تعرف تستورد من امريكا موتور 1.4 Turbo زيرو تبقى عديت

[TOOLA]

يعنى انا مش فاهم, حضرتك جايب عربية موديل سنتين فاتو(و الله أعلم جايبها زيرو ولا لأ) عشان تستمتع باحساس عربية جديدة لسه بتقفيلها و مش ملعوب فيها و عاوز تسقط مكنة 6 سلندر.

حضرتك التسقيط ليه عربياتو الكلنا عرفينو (بى ام - فولكس - هوندا) متوافر مواتيرو و قطع غيارو و مش محتاج لعب كتير و عربيات بتقبل التسقيط بسهولة كشاسيه و حوض, حرام تلعب فى الكروز, عاوز تركب حاجة بتجرى بسعر حنين, جبلك هوندا 92 او 96 و سقط ال sir, او هاتلك جولف 4 او توليدو او اودى و سقط المكنة التربو او 2300 6 سلندر, عاوز تعلا ممكن تبيه الكروز وتخش على e36 أو e 46 و مواتيرها منوعة بالعبيط ,و تستفيد انك ممكن توفر عن طريق انك تجيب عربية هلكانة بس اساسياتها سليمة كدواخل و شاسيه فهتاخدها بسعر مرتاح و تحط فيها الانتا عاوزو.

[Elawany13]

فعلا السبات و الكنترول ملوش حل بسم الله ما شاء الله بس الموتور بطئ جدا على السرعات اقليلة والتجميع على السرعات العالية بطئ و استهلاك البنزين حوت ماشى تحتك

ولما تحط ماتور 6 سلندر هتوفر فى البنزين !!!!!!!!

[mariner2020]

تصدق بالله انا كنت بفكر في الفكرة دي اشتري كروز يوزد بس حالتها كويسة وابيع موتورها والجير بوكس واسقط موتور بجير بوكس بالليلة بتاعة اللومينا او الكابريس في الخليج مش هتعمل بالمصري 12000 جنيه وجمارك 10 في المية والعفشة تتغير عفشة كوني رياضية وتتباع عفشتها الاصلية وتركبلها جنوط 18 وتنزل العربية عليهم واكيد شكمان ستانلس رياضي لموتور اللومينا .. الليلة مش هتكلفك 30 شيل منهم الحاجات اللي هتبيغها 10 مثلا يبقى 20 ده كبيرو وغير اللون الخارجي لحاجة كدة زي الرالي وابواب لامبو قدام وللي ورا لفوق .. وقول انك شاريها مستعملة ب90 مثلا بقت عربية ب 110 ل115 كبيرها .. بس مفيش زيها اصلا في مصر كلها :) :) :)

أحييك عالفكرة ومتابع بشدة

[TOOLA]

تصدق بالله انا كنت بفكر في الفكرة دي اشتري كروز يوزد بس حالتها كويسة وابيع موتورها والجير بوكس واسقط موتور بجير بوكس بالليلة بتاعة اللومينا او الكابريس في الخليج مش هتعمل بالمصري 12000 جنيه وجمارك 10 في المية والعفشة تتغير عفشة كوني رياضية وتتباع عفشتها الاصلية وتركبلها جنوط 18 وتنزل العربية عليهم واكيد شكمان ستانلس رياضي لموتور اللومينا .. الليلة مش هتكلفك 30 شيل منهم الحاجات اللي هتبيغها 10 مثلا يبقى 20 ده كبيرو وغير اللون الخارجي لحاجة كدة زي الرالي وابواب لامبو قدام وللي ورا لفوق .. وقول انك شاريها مستعملة ب90 مثلا بقت عربية ب 110 ل115 كبيرها .. بس مفيش زيها اصلا في مصر كلها :) :) :)

أحييك عالفكرة ومتابع بشدة

و بعد ما يسقط الكلام الانت قولت عليه ده, على افتراض انه ممكن يركب اساسا على قواعد العربية, و على افتراض انه يلاقى اليسقط الكلام ده بنضافة و يفهم فى ال كروز, بعد كل ده لو احتاس فى قطعة غيار هيعمل ايه؟؟؟؟, هيبعت يجبها من الخليج؟؟.

لو يدفع 90 فى سيارة مستعمل يبقى يدفع 80 ولا 85 بالكتير فى e46 و يسقط المكنة اليشوفها تناسبله بأه و مكن البى ام مرمى فى الحرفيين بحاجته كلها و قطع غياره, و لو مش غاوى البى ام يجيب جولف 5 ولا جيتا ولا اوكتافيا 5 حتى, و بردو مكن الفولكس العالى مرمى فى الحرفيين.

[mariner2020]

و بعد ما يسقط الكلام الانت قولت عليه ده, على افتراض انه ممكن يركب اساسا على قواعد العربية, و على افتراض انه يلاقى اليسقط الكلام ده بنضافة و يفهم فى ال كروز, بعد كل ده لو احتاس فى قطعة غيار هيعمل ايه؟؟؟؟, هيبعت يجبها من الخليج؟؟.

لو يدفع 90 فى سيارة مستعمل يبقى يدفع 80 ولا 85 بالكتير فى e46 و يسقط المكنة اليشوفها تناسبله بأه و مكن البى ام مرمى فى الحرفيين بحاجته كلها و قطع غياره, و لو مش غاوى البى ام يجيب جولف 5 ولا جيتا ولا اوكتافيا 5 حتى, و بردو مكن الفولكس العالى مرمى فى الحرفيين.

يبعت يجيب ايه من الخليج يا عم انت كمان .. أشهر مواقع البيع عن طريق الانترنت امريكية لو مش اخد بالك .. ده يجيب اي حاجة جديدة زيرو من ebay او amazon أو اي موقع امريكي متخصص في قطع الغيار .. وعن طريق شركة شحن مصرية ليها فرع هناك وتكلفة الجمارك 10% بس ويجيب بالكود حاجة تركب بدل ما يتعامل مع بهايم تعمل تباديل وتوافيق وتضيع الدنيا .. الحصول على قطعة لسيارة امريكية من اسهل ما يكون حتى لو العربية مفيش منها غير واحدة بس في مصر .. هيا الفكرة كلها في الحماس والتنفيذ بس .. بالنسبة لمين يسقطهاله على نضيف اي ميكانيكي امريكاني محترم ودول قليلين صحيح في كل محافظة بس في كتير يعرفوا ربنا فيهم ومش استغلالين .. زي ما في ناس عايزة الحرق .. وقبل التسقيط ممكن يجيب ابعاد الموتور بالبحث في النت والقواعد بتاعته بالصور او عن طريق اللي بيعدلوا في عربياتهم في الخليج .. مثلا جدة بويز .. منتدى محترم وفيه ناس بتعدل تعديلات مهولة .. كل ده بسيط هيا الفكرة كلها مين اللي يتحمس ويكون ليه السبق في التعديل ده .. على اد ما هوه حلو .. على اد ما يخوف لان محتاج ميزانية بالاضافة لانك هتكون اول من يجرب ودي مصيبة اصلا عايزة قلب ميت

[TOOLA]

يبعت يجيب ايه من الخليج يا عم انت كمان .. أشهر مواقع البيع عن طريق الانترنت امريكية لو مش اخد بالك .. ده يجيب اي حاجة جديدة زيرو من ebay او amazon أو اي موقع امريكي متخصص في قطع الغيار .. وعن طريق شركة شحن مصرية ليها فرع هناك وتكلفة الجمارك 10% بس ويجيب بالكود حاجة تركب بدل ما يتعامل مع بهايم تعمل تباديل وتوافيق وتضيع الدنيا .. الحصول على قطعة لسيارة امريكية من اسهل ما يكون حتى لو العربية مفيش منها غير واحدة بس في مصر .. هيا الفكرة كلها في الحماس والتنفيذ بس .. بالنسبة لمين يسقطهاله على نضيف اي ميكانيكي امريكاني محترم ودول قليلين صحيح في كل محافظة بس في كتير يعرفوا ربنا فيهم ومش استغلالين .. زي ما في ناس عايزة الحرق .. وقبل التسقيط ممكن يجيب ابعاد الموتور بالبحث في النت والقواعد بتاعته بالصور او عن طريق اللي بيعدلوا في عربياتهم في الخليج .. مثلا جدة بويز .. منتدى محترم وفيه ناس بتعدل تعديلات مهولة .. كل ده بسيط هيا الفكرة كلها مين اللي يتحمس ويكون ليه السبق في التعديل ده .. على اد ما هوه حلو .. على اد ما يخوف لان محتاج ميزانية بالاضافة لانك هتكون اول من يجرب ودي مصيبة اصلا عايزة قلب ميت

بدون الكلام بطريقة "يا عم انتا" و الأسلوب ده, ما علينا, اولا انتا مقرتش ردد المواضيع كويس, اولا كروز واخدة اسم شيفروليه فقط لا غير, لكن مفيش اى حاجة فيها منتمية لشيفورليه هيا داييو لاسيتى تصميم و موتور و شاسيه و شالو اسم دايوو وعلامتها و بدلوه بشيفروليه, فده مش معناه ان عربيات شيفروليه الأصليه (مثل اللومينا) ينفع تنزل على حوض الكروز اساسا او قواعد العربية تقبلها من الاساس, يعنى مينفعش مثلا اجيب موتور m3 و اسقطه فى حتة جولف 5 , ده الانت عاوز تعملو.

ثانيا انا بتكلم بالمنطق و العمليه, انا توقعت لما هوا راح اشترا كروز يعنى اشترا عربية حديثة شبه زيرو, فده معناه انها غالبا العربية الاساسية لاستخدامو, يعنى لو حاجة عطلت او باظت يبقى محتاج اروح انزل اشتريها و اطلع على الميكانيكى و اصلح العربية و امشى, مش ادخل على النت و ادور على الحاجة بالكود و ادفع بالفيزا و استنى بأه يشحونهالى و اركن العربية تحت البيت اسبوعين ولا شهر.

لكن الأفهمو انى لو عايز اركب عربية لمزاجى غالبا ممكن يبقى معايا عربية جنبيها , و اروح اجيب عربية قطع غيارها متوفرة و موجودة, لو العربية عطلت و احتست فى قطعة غيار انزل اشتريها جديد او استيراد و الاقى الشغال فى العربية و اركب و شكرا اروح بعريتى البيت تانى.

مثال بسيط عشان اوريك انك عايش فى الأحلام:

معايا عربية بورا, شاريها قريب, اول ما جبتها كانت شغالة زى الفل و فجاه بدأت تهيس, وانا ماشى تطفى منى فجأه و يا دور يا مادورش, و طبعا ممكن تعملها و انتا ماشى فى شارع زحمة او و انا معايا مراتى, روحت للميكانيكى المعتاد جربنا الطرمبة و نضفنا البوابة و غيرنا الكونترول (طبعا مع توافر قطع الغيار ديه كلها حوالينا),روحت أنجزت و روحت لاشهر واحد بتاع فولكس بدون ذكر اسماء, كشف و استنا لما العربية بطلت, و راح شايل حاجتين و بدلها بقطعة استيراد من المحل الجنبو و هوب العربية اشتغلت زى الفل حتى السحب بتاعها فرق, بس انا كنت قلقان قالى انسى خلاص خلصت و فعلن (طلع فى الأخر موزع الدينامو و حساس الكهرباء).

تخيل بأه السيناريو العظيم ده حصل فى عربية كروز بماتور لومينا ولا كابريس (ده لو ركب اساسا), مين بأه هيكشفلك و يا ترى هيحتاج يجرب قطع غيار ولا لأ و فى الأخر تطلع هيا ولا لأ و هتستنى قد ايه لما تجيلك قطعة الغيار و بكام؟؟؟؟؟.

الكلام سهل اوى, لكن على ارض الواقع التنفيذ صعب و المشاكل البعد التنفيذ ممكن تبقى اكتر, و لو معندكش واحد فاهم فى عربيتك و الفيها كويس و تكون ضامنو و كمان قطع يارها تكون متوفرة, يبقى ربنا معاك.

الا لو هتجيبها جنب عربيتك الاساسية و تكون ركوبة كده للخروج و للمزاج و لو عطلت نركنها فى الجراج تحت البيت مش هيفرق معايا.