عايز عنوان حماده غزي اللي في القاهره

[ahmad--ezzat]

سلام عليكم,,,
في البدايه
احب اشكر محمد ممدوح ويوكو علي الاهتمام وسرعه الرد في استفساري بخصوص السست السبور
ان شاٱﺀ الله ناوي اخلص ف سوست سبور لنوبيرتي عشان موضوع القص في السست ظهر عيوب مع الوقت وانصح اي حد ميعملش الموضوع ده ابددددددددددددااااااااااااااا لانه بيسبب تنطيط وعدم اتزان

المهم عايز اعرف العنوان بالظبط عشان اجيب طقم
وهل ممكن ملائيش للنوبيرا بتعتي ولا موجود

شكرا يارجاله وانتظروا التقييم الكامل ان شاﺀ الله بعد التركيب

واللي عايز اي استفسار بخصوص السوست السبور يسال عشان رايح لحماده انهرده

[ahmad--ezzat]

ياريت سرعه الرد يارجاله عشان نازل حاليا :)

[Mohab555]

بص خلى طيبة مول على يمينك و خليك فى الصف ده بعده علطول هتلاقى صيدليه اسمها البرلسى هتلاقى جنبها ممر ادخل فيه هتلاقى المحل على الشمال .... السوست الى عنده نوعها ميورد هولندى و هتلاقى apex

[ahmad--ezzat]

متشكررررررررررر جدااااا

[ahmad--ezzat]

رحت لحماده غزى اللى فى مدينه نصر
المحل كله سوست سبور وكماليات

المهم فى شاب قاعد اسمه مؤمن
واضح انه مش فاهم اوى وعلى فكره هو اللى ماسك المحل حتى الكارت بأسمه

قلتله عايز سوست سبور لموبيرا ..هل موجوده؟
قالى لازم اشوف المسسته الاصليه...ٌقلتله انا لسا هجيبلك السسته قالى انا مش عايز اديك حاجه غلط والمشكله ان الكارتين فى المخزن اتلخبطط ومش عارف ايه وكلام مفهمتوش اوى....وقالى لو سست الماتيز تمشى معاك او الجوليت عندى وهجبهالك

يا جماعه المحل عنده سست كتير وشوفت علي مكتوب عليه علب الاطقم نوع العربيه يعنى شفت ماتيز واكسيل وستروين وعربيات كتير...انا قعدت ادور بنفسى وملئتش نوبيرا ولا اوبترا ولا اى حاجه من العربيات اللى نعرفها...هو شكله عنده بس مش واخد باله.....زى ميكون المحل بتاعى وهو واقف ولا عارف حاجه تقريبا....هو شب محترم جدا بس للاسف مش فاهم

المهم سيبته ورحت ارابكوم قالى خلصانه للاسف يا فندم ومش جايه طالبيه تانيه

رحت لجو محمد عثمان لايت شب اشقر اسمه احمد بقله عندك سوست سبور نوبيرا...قالى نوبيرا دى غريبه اووووووى....طبعا لايته بيتكلم بتناكه وشكله مش عايز يشتغل ادانى نمرته وقالى كلمنى بعد ساعه...كلمته بعد ساعه مردش ....بعد ساعتين بكلمه رد عليا وقالى اصل محمد عثمان رقمه غير متاح..طبعا نو كومنت

فيه محل اسمه كار بويز بيقوله كويس
بس للاسف معرفش مكانه
اى مساااعده يارجاله

[moha4tec]

حلو الموضوع و نقل التجربه.
و تسلم يا كبير على المعلومات .
عموما هقولك نصيحه .شوف اى عفشجى محترمو اساله اى سوست عربيات تانيه بتركب عندك ؟؟؟ و لما يرد عليك و يكون متاكد تروح عند حماده غوزى و تقول لمؤمن و هو يجيبلك زيهم او تجبله سوسته زى بتاعتك تاخدها من اى عفشجى صحبك و تبقى ترجعهاله تانى بعدها .
للاسف الكراتين كانت متخزنه و المطره نزلت و مسحت الكلام اللى مكتوب على الكراتين . و انا لما رحتله قالى كده .على فكره مؤمن طيب جدا و جدع جدا و رجوله و محترم و زوق بس خبرته قليله زى ما انت قلت كده .بس خدوم جدا .
دا انا رحتله انا وواحد صاحبى و فرجنا على البضاعه اللى فى المحل كله و مزهقش مننا .و تعبناه معانا .و كان جدع .
بمعنى انت لو فاهم كويس انت عاوز اه هتروح تقوله و هو مش هيتاخر خالص
و دى امانه بقولها من واقع تجربتى للمحل ده مرتين او 3 .
و دى مش دعايه و لكنى بذكر اللى حصل معايا .وانا مش بشكر فى البضاعه و لكنى اشكر حسن استقبال و تعامل مع الزباين فقط
و الله اعلم

[ahmad--ezzat]

حلو الموضوع و نقل التجربه.
و تسلم يا كبير على المعلومات .
عموما هقولك نصيحه .شوف اى عفشجى محترمو اساله اى سوست عربيات تانيه بتركب عندك ؟؟؟ و لما يرد عليك و يكون متاكد تروح عند حماده غوزى و تقول لمؤمن و هو يجيبلك زيهم او تجبله سوسته زى بتاعتك تاخدها من اى عفشجى صحبك و تبقى ترجعهاله تانى بعدها .
للاسف الكراتين كانت متخزنه و المطره نزلت و مسحت الكلام اللى مكتوب على الكراتين . و انا لما رحتله قالى كده .على فكره مؤمن طيب جدا و جدع جدا و رجوله و محترم و زوق بس خبرته قليله زى ما انت قلت كده .بس خدوم جدا .
دا انا رحتله انا وواحد صاحبى و فرجنا على البضاعه اللى فى المحل كله و مزهقش مننا .و تعبناه معانا .و كان جدع .
بمعنى انت لو فاهم كويس انت عاوز اه هتروح تقوله و هو مش هيتاخر خالص
و دى امانه بقولها من واقع تجربتى للمحل ده مرتين او 3 .
و دى مش دعايه و لكنى بذكر اللى حصل معايا .وانا مش بشكر فى البضاعه و لكنى اشكر حسن استقبال و تعامل مع الزباين فقط
و الله اعلم

لا خالص مفيش اي دعايه,,,انا عارف ان مؤمن جدع ومش تنك زي بقيت التجار,,,,بس مفادنيش للاسف

السسته اللي عندي مقصوصه يعني شكلها هيبقي متغير يعني مشوهه
والعفشجي اللي بتعالمل معاه معندوش سوسته نوبيرا طبعا عشان اخدها

والله الموضوع اصبح صعب جدا لاني مش عارف اتحرك بالعربيه

طيب هل الموضوع ينفع بصوره مثلا من النت !!!!

انا متاكد ان مؤمن عنده سوست نوبيرا لانه عنده كميه كراتين لجميع الانواع,,,حتي في الكومبيوتر اللي عنده كانت موجوده

[ahmad--ezzat]

ياجماعه دي نمره مؤمن عشان الناس اللي بعتتلي علي الخاص
01223700301

[sabregas2010]

يعنى ممكن الاقى عنده السوست السبورت بتاعه النيو اكسنت 2010

[Ahmed Selim]

كار بويز ورشة مش محل كماليات

بس على ما أعتقد ممكن يجيبولك الحاجة اللى أنت عاوزها بالطلب أو عن طريق معارف.

لو هتروح أسأل على المهندس خالد غازى......

الورشة مكانها فى شارع السندباد.......أوصل لأخر الشارع و أنزل من تحت الكوبرى.....خد يو ترن و أرجع هتلاقى الورشة على يمينك.

[spidars]

طب هو حماده غازي مكانه فين في القاهرة

[Ahmod]

طب ماتقلنا كدة رنج اسعار السوست اللى موجودة

لان انا بفكر على سوست ايباخ للياريس بس بصراحة خايف من انها تنشف العفشة زيادة !!

وفي نفس الوقت سمعت ان سعرها معدي وهتدخل في ال 2000 فما فوق !!

[ahmad--ezzat]

يعنى ممكن الاقى عنده السوست السبورت بتاعه النيو اكسنت 2010

مسألتوش والله يافندم

كار بويز ورشة مش محل كماليات

بس على ما أعتقد ممكن يجيبولك الحاجة اللى أنت عاوزها بالطلب أو عن طريق معارف.

لو هتروح أسأل على المهندس خالد غازى......

الورشة مكانها فى شارع السندباد.......أوصل لأخر الشارع و أنزل من تحت الكوبرى.....خد يو ترن و أرجع هتلاقى الورشة على يمينك.

يعنى افهم من كده انه مش بيبيع؟
امال الناس اللى جابت من عنده عفشات وكده جابتها ازاى...انا لما كنت عند اربكوم قالى روح كار بويز احتمال تلاقيها عنده
طيب ممكن استأزنك فى نمره خالد غازى

طب هو حماده غازي مكانه فين في القاهرة

مهو مكتوب يا فندم فى الموضوع :))))

طب ماتقلنا كدة رنج اسعار السوست اللى موجودة

لان انا بفكر على سوست ايباخ للياريس بس بصراحة خايف من انها تنشف العفشة زيادة !!

وفي نفس الوقت سمعت ان سعرها معدي وهتدخل في ال 2000 فما فوق !!

الاسعار للسست بتبدء من 1000 جنيه
لا مفيش سست ب 2000
الكونى سعرها 1200 على كلام اربكوم
بالنسبه لليارس مش عارف الحقيقه
ويامسهل


انا كلمت مؤمن وقالى هيسألى فى فرع بورسعيد عن سوست النوبيرا
بس واضح ان الناس هنا منفضالى جامد

[الغزالى]

احمد .. افتح اى موقع للسوست سواء ايباخ كونى .. وهات السوست بتاعه النوبيرا وشوف الاكواد بتاعتها وقول لمؤمن ده عليهااااااااااااااااااااااااااااااا ...
ونصحيه اخر محل تفكر تجيب منه هوا بتاع جو ده
اتعاملت معاه مره وان شاء الله اخر مره
-------
لو تستحميل شويه وتطلبهم من بره بئى
:d

[الغزالى]

او كلم tps ,, عادل وجدى