حد جرب الحوار ده ؟؟؟؟

[mr_vampire]

السلام عليكم ياشباب ....

- من الاخر كدة انا عربيتي مكوة كربراتير وكنت عملت حركة كدة عشان اركب فلتر رياضي ... شلت العمة خالص بس لقيت وش الكربراتير شكل كدة غريب ( الي حد ما سداسي بس غير منظم ) ففصلتله جزء كدة عشان يعلي لفوق لشكل مدور اقدر اركب فيه الفلتر او اركب كوعة واودي الفلتر للمكان اللي عايزه ...

- الفكرة مشيت وكل حاجة تمام بس منظره مش عاجبني وكمان عند ال 3 ار بي ام بحس ان العربية بتكن وبعدين بتسحب تاني .. فكنت سمعت ان في عربيات بتعمل كدة بعد ال3 بس الغريبة اني محستش بكدة قبل الفلتر ...

- فبفكر ارجع العمة تاني واركب الفلتر علي ماسورة العمة اللي رايحة ورا الشبكة علي طول بحيث يبقي برده العزل كويس ومتسحبش هوا من اي مكان تاني برا الفلتر وكمان استفاد بالفلتر الرياضي فالاداء والصوت ...

- فقي حد جرب يركب فلتر رياضي عالعمة علي طول ؟؟؟ وهل هتفرق في حاجة فالاداء او فالصوت ؟؟؟؟

تحياتي .....

[opelawy]

يا ريت صور عشان نتعرف نتخيل معاك و نحل المشكلة

[mr_vampire]

للاسف مفيش صور دلوقتي بس الموضوع ببساطة ان لما شيلت العمة مكنش ينفع اركب الفلتر علي طول علي الكربراتير ففصلت جزء يثبت عالكربراتير وبالتالي يطلعلي جزء اركب فيه الفلتر او اركب كوعة ( وهنا ركبت خرطوم سوستة عشان اعرف اعمله حرف l )واودي الفلتر ورا الشبكة. بس المنظر مش عاجبتي فبفكر ارجع العمة تاني واركب الفلتر عليها علي طول.

[smsm_nabawy]

الفلتر مش مناسب للعربية !!

أدخل جيب الكود بتاع الفلتر بتاع عربيتك !!

[smsm_nabawy]

كل متبعده عن الموتور يكون أحسن !! و الصوت كويس معايا جداً

العربية شاهين

موتور لانشيا