تعديلات الجيتا

[hicho1001]

انا جبت جيتا خليجى من شهرين العربية جميلة ما شاء الله بس فيها مشكلتين الاولى فى السحب بتاعها اليابانى ال1600 كله اسرع منها يعنى انا على طريق اسكندرية مرضتشى تزيد عن 195 ومعاية اتنين مع انى على الخامس والrbm ugn 5.5 ولسا فى سادس المشكلة التانية ان العفشة بتاعتها كونى مش سبور يعنى انا كنت راكب بولو بعفشة سبولر مكنتشى بتطنطط زيها فياريت حد بيفهم فى التعديلات يرد عليا بخصوص تعديلات الموتور ولو هعدل فى العفشة

[zAzU]

اليابانى سحبه احسن فى الاول والتانى لكن من اول التالت يعنى من 90 وانت طالع الالمانى بيدوووووووس بس احسنهم الفكترا

[Ahmed Selim]

العفشة الكونى ستريت ( Street ) دى معمولة كبديل للأصلى وبالتالى أدائها هيكون أحسن شوية من الأصلى بس مش زى السبورت ( sport ) يعنى موضوع الطنطيط ده ممكن يكون طبيعى شوية

أنا معايا كونى سبورت وزى الفل بس طبعاً ناشفيين قوى بالنسبة لشوارعنا العظيمة

هى العربية عاملة معاك كام ألف كيلو ؟؟؟

فى عربيات مبتديش كل اللى عندها الا بعد فترة يعنى الميجان مثلاً بعد 5000 كم تبقى أحسن من الأول و كمان طبيعى أن سحبها يكون أقل من اليابانى والكورى

[hicho1001]

عاملة 7000 كم

[M.Mokhtar]

عاملة 7000 كم

نصيحه من اخوك
سيب العربيهكده احسن
العربيه لسه بحالتها حرام تلعب فيها من دلوقت

[dr_3eshoo]

نصيحه من اخوك
سيب العربيهكده احسن
العربيه لسه بحالتها حرام تلعب فيها من دلوقت

كلام صحيح و اؤيده العربيه كده طبيعي

[blazer]

سيبها زى ماهى لما يحصل لهم حاجه
لا قدر الله ابقى غير بللى انت عاوزه

[hamada_moon14]

يا جماعه معروف ان الجيتا سحبها مش كويس لان المكنة 1600 وعلى بودي تقيل انتم ناسيين ان دي الماني فأكيد ان لازم يكون سحبها مش زي سحب الانسر او التويوتا مثلا لان دول البودي بتاعهم خفيف

[mohameduoser]

انا جبت جيتا خليجى من شهرين العربية جميلة ما شاء الله بس فيها مشكلتين الاولى فى السحب بتاعها اليابانى ال1600 كله اسرع منها يعنى انا على طريق اسكندرية مرضتشى تزيد عن 195 ومعاية اتنين مع انى على الخامس والrbm ugn 5.5 ولسا فى سادس المشكلة التانية ان العفشة بتاعتها كونى مش سبور يعنى انا كنت راكب بولو بعفشة سبولر مكنتشى بتطنطط زيها فياريت حد بيفهم فى التعديلات يرد عليا بخصوص تعديلات الموتور ولو هعدل فى العفشة

I think 195 is very good speed and the stabilty is the most important for example yaris can get same speed but without any stabilty

[mr_joooe]

ilike this car it`s very good car ..but 195 K.M i think jetta can do better from this speed ,,i get this speed by nubira ..jetta should be best..but i know the jetta engine it`s not enogh for this car
min. 2000CC for this heavy body

[m000dy]

ياجميل
نصيحه من اخوك
اوعى تلعب فيها دلوقت خااااااااالص
بص احسبها كالتالى
اولا الالمانى طول عمره تقيل فى السحب وده لانهم فضلوا معاملات الامن على الجرى وده ظهر فى البدى التقيل نسبيا عن بقية العربيات اليابانى والكورى
يعنى انت خسرت 20 او 40 كيلو فرق فى السرعه النهائيه لكن عوضتهم متانه وامان وكمان استابيليتى ولو ان موضوع الامان ده مش اوى لان اى عربيه بعد ال 120 بتبقا زيها زى اى عربيه تانيه
وماتنساش انت راكب المااااااااااااااانى فبلاش تنزل من مستواك وتقارن بيابانى او كورى

[Mystique]

أنا مع الأعضاء اللي قالوا حرام تلعب ف العربية وهي لسة جديدة كدة..
الألماني معروف ان سحبه أقل سنة ف الغيارات الأولانية..وده بسبب تقل العربية كمان على الموتور
بس متنساش ان دي ميزة على السرعات العالية لأنها بتدي ستابيليتي أحسن.
وعلى فكرة..هي سحبها بيفتح ويبقى أحسن ف الغيارات الأعلى.

[ahmad alshaaer]

انا اخويا معاه جيتا 2008 وانا فعلا سقتها منه كتير واخرها 195
وده طبيعي لان العربيه تقيله على موتور 1600
وماتلعبش في العربيه
هو في بعد 195 ايه تاني يابرنس
وربنا يبارك لنا في سياراتنا

[MMamdouh]

if you feel like modding your car then by all means do it

it is an extreme feel of thrill and joy to upgrade your car regardless of its age or model

MMamdouh