السحب بتاع ال316 مش عاجبنى !!!

[Z_ahmed salah]

انا جبت 316 2007 الحمدلله بعد عناء ماشية 50 الف بس سحبها مش عاجبنى خالص هيا السيرفس بتاعها معمول و كله تمام !! فى ناس قالولى اركب شجرة !؟!؟!! انا معرفش يعنى ايه و ناس قالولى اركب تيربو بس انا معرفش ايه الفرق و مش عايز اعمل حاجة تبوظ الماكنة عشان لسه جديدة يا ريت تساعدونى

شكرا مقدما

[3mr Farrag]

مع احترامي ليك و لعربيتك
بس حرام الواحد يدفع فلوس في 316
ده اصلا مش موتور و ما ينفعش عليها
ده غير انها بتنزل مانيوال و اسمع انها كمان جر امامي !!
يبقي فين ميزه البي ام

عايز رأيي تتباع و تجيب 320
لأن مهما هتلعب فيها هيبقي مالوش لازمه و خساره و هي عربيه جديده

[monamize4]

انت كنت راكب ايه قبل كده ؟
عامة ال 316 سحبها مش جامد ,,,,, بلاش تركب تيربو

[m_fadel1977]

باشا كشفت على الشكمان دة برضو ممكن يكون سبب من اسباب عدم السحب

[SAMEH_FOUAD]

اولا الف مبروك

ثانيا : العربية ماشية 50 الف كيلو ممكن تكون مش متفتحة كويس , فحاول تسافر بيها او تتطلع بيها على طرق مفتوحة تقدر تقرص عليها شوية وشوية شوية هتلاقى الدنيا بتتحسن

ثانيا : ياريت تجرب بنزين 95 هيفرق مع المحرك جدااا بس بعد فترة يعنى مش اول لما تحطة , انت بس وصل التانك لاقل مستوى فية ومون 95 وبعد مثلا يومين ولا حاجة هتلاقى الدنيا ظبطت والكنترول ظبط ال TIMMING- IGNITION على البنزين الجديد

وبردة عشان تبقى عارف , ال 316 تقيلة فى الطلعة لكن بعد كدة بتجرى كويس

- ظبط ضغط الكاوتش و واملاة نيتروجين هيفرق معاك بردة

ممكن بعد كدة تعمل check up على البوابة وتقوم بتنظيفها هتفرق معاك جدااااااااا

[MMamdouh]

حط مكنة 25

MMamdouh

[Z_ahmed salah]

مع احترامي ليك و لعربيتك
بس حرام الواحد يدفع فلوس في 316
ده اصلا مش موتور و ما ينفعش عليها
ده غير انها بتنزل مانيوال و اسمع انها كمان جر امامي !!
يبقي فين ميزه البي ام

عايز رأيي تتباع و تجيب 320
لأن مهما هتلعب فيها هيبقي مالوش لازمه و خساره و هي عربيه جديده

مع احترامى ليك و لردك
انت ليه محسسنى ان انا جايب توكتوك !!!!! هيا العربية على السرعات بتجرى هيا الطلعة بس و بعدين ال320 دى اوتوماتيك و الاوتوماتيك دى مش سواقة اصلا و طبعا مافيش 320 مانيوال
و حوار الجر الامامى ده اشتغالة دى استيراد من المانيا مش مصرى و السبب الاساسى ان انا جايبها 316 المانيوال .

شكرا لاهتمامك

[Z_ahmed salah]

انت كنت راكب ايه قبل كده ؟
عامة ال 316 سحبها مش جامد ,,,,, بلاش تركب تيربو

كنت راكب اكسنت مش عايز اقولك على الثبات طبعا
شكرا ليك بس اعمل ايه طيب ؟!!

[Z_ahmed salah]

باشا كشفت على الشكمان دة برضو ممكن يكون سبب من اسباب عدم السحب

كاشف عليها فى التوكيل و الحمد لله مافيش حاجة !!

[Z_ahmed salah]

اولا الف مبروك

ثانيا : العربية ماشية 50 الف كيلو ممكن تكون مش متفتحة كويس , فحاول تسافر بيها او تتطلع بيها على طرق مفتوحة تقدر تقرص عليها شوية وشوية شوية هتلاقى الدنيا بتتحسن

ثانيا : ياريت تجرب بنزين 95 هيفرق مع المحرك جدااا بس بعد فترة يعنى مش اول لما تحطة , انت بس وصل التانك لاقل مستوى فية ومون 95 وبعد مثلا يومين ولا حاجة هتلاقى الدنيا ظبطت والكنترول ظبط ال TIMMING- IGNITION على البنزين الجديد

وبردة عشان تبقى عارف , ال 316 تقيلة فى الطلعة لكن بعد كدة بتجرى كويس

- ظبط ضغط الكاوتش و واملاة نيتروجين هيفرق معاك بردة

ممكن بعد كدة تعمل check up على البوابة وتقوم بتنظيفها هتفرق معاك جدااااااااا

اولا : الف شكر ليك و لاهتمامك و الله يبارك فيك و عقبال ما تركب ال760 ان شاء الله
موضوع التفتيح ده ممكن عشان صاحبها ماكنش بيجرى بيها فعلا
سؤال بس هوا انا اجرب ال95 ؟! ولا امشى بي ال 95 على طووول ؟!! وشكرا ليك تانى كبير

[Z_ahmed salah]

حط مكنة 25

MMamdouh

انا لسه شارى العربية مابقلهاش اسبوع !! وكنت بدور على ماكنة نضيفة و مش ماشية كتير بعد كل ده !! اشيلها و احط مكنة 2500 !! حرام يا بيه !!!
ماعندكش حل تانى !!؟

[ana]

باشا صفه عامه فى العربيات الاوروبى ان التسارع من 0:100 بيبقى وحش والكورى بيبقى العكس اما بعد ال100 بتبقى وحوش على عكس العربيات الكورى واليابانى برضه والف مبروك ليك وربنا يديك خيرها ويكفيك شرها و نصيحه متعملش اى حاجه فى العربيه لو عايز تحسن اداء شويه ركب فلتر هواء k&n وبس
تحياتى

[i_Am_Legend]

اهم حاجة بنزين من مجطة نضيفة..وفلتر هوا نضيف...وضبط ضغط الاطار علي الكتالوج..وشكرا

[3mr Farrag]

مع احترامى ليك و لردك
انت ليه محسسنى ان انا جايب توكتوك !!!!! هيا العربية على السرعات بتجرى هيا الطلعة بس و بعدين ال320 دى اوتوماتيك و الاوتوماتيك دى مش سواقة اصلا و طبعا مافيش 320 مانيوال
و حوار الجر الامامى ده اشتغالة دى استيراد من المانيا مش مصرى و السبب الاساسى ان انا جايبها 316 المانيوال .

شكرا لاهتمامك

انت ليه اخدت الموضع بزعل!!!
انا والله ما اقصد
قد ما انا بقول ان البي ام عربيات محترمه بس حرام اجيبها و تكون 1600
و انت بتقول مش عاجبك الموتور و اكيد اعربيه مش رخيصه
يبقي بدل مانت عايز تعدل و تركب تربو و تعمل حاجات و تصرف فلوس
تجيب احسن بقمن التعدل 320 ستوك

وانا اسف لو اتضايقت من كلامي
انا راكب اكسنت اكيد مش هتريق عليك يعني

[SAMEH_FOUAD]

اولا : الف شكر ليك و لاهتمامك و الله يبارك فيك و عقبال ما تركب ال760 ان شاء الله
موضوع التفتيح ده ممكن عشان صاحبها ماكنش بيجرى بيها فعلا
سؤال بس هوا انا اجرب ال95 ؟! ولا امشى بي ال 95 على طووول ؟!! وشكرا ليك تانى كبير

لأ خلص عليها تفويلتين 95 معلش استحمل فرق السعر شوية , بس البنزين ال95 هيعرفك قوة ماتورك صح + انة اصح لماتورك اصلا ( راجع manual السيارة ) هتلاقى البنزين الموصى بية 95 اوكيتان + وكمان هتلاقية مكتوب عندك على باب تانك البنزين

واعمل اللى انا قولتلك علية وهتلاقى العربية فرقت معاك جامد جدااا

وياريت كمان تشوف نوع زيت محرك نظيف ياريت تبعد عن موبيل تماما