ايه الفرق في انواع مساعدين الكوني؟؟؟

[3mr Farrag]

انا اللي اعرفه ان فيه مساعدين عاديه
و فيه الادجاستيبل الحمر و الصفر
ايه الفرق بقي بينهم من ناحيه الاداء و السعر؟؟؟
و هل فيه انواع تانيه غيرهم؟؟

[Ahmed Selim]

فى 3 أنواع ( بغض النظر عن اللون لأن اللون أتغير مؤخراً )

1- Street ده بيبقى مجرد بديل للمساعد الأصلى للسيارة بس بيبقى أداءه أحسن من الأصلى طبعاً
2- Sport ده بيبقى فارق جامد عن الأصلى بس بيبقى ناشف قوى وفيه أمكانية تعديله من ناشف جداً الى ناشف بسيط وطبعاً ده بيأثر سلبياً على راحة الراكب
3- FSD ده بقى المفروض أنه بيظبط نفسه على ناشف أو طرى تلقائياً يعنى لو انت ماشى فى طريق متسفلت كويس ومفيهوش أهتزازات كتير يظبط نفسه على أنشف حاجة عشان يدى أكتر ثبات ولو ماشى على طريق مكسر بيبقى طرى عشان يمتص الصدمات بسهولة ويدى راحة للركاب . بس سمعت من الناس اللى فى أرابكوم أن النوع التالت ده مش كويس فى مصر لأن المقاييس بتاعت متسفلت كويس ولا لأ ( اللى هى بتخلى المساعد يقرر مدى نشوفيته ) المقاييس دى مختلفة عن مصر كتير عشان اللى عندنا دى مش شوارع أصلاً :)

على فكرة فى أنواع تانية بس أنا ذكرت اللى موجودين فى مصر أو بمعنى أصح اللى متجربين فى مصر

لو عاوز معلومات أكتر ممكن تشوف الموقع بتاعهم
هتلاقى 3 تقسيمات performance و Sport Tunning و Off Road تحت كل تقسيمة كذا موديل
ال Off Road جه خاص بال 4*4

سعر المساعدين الSport للميجان كان 3200 جم من حوالى 3 سنين والطقم كامل ( مساعدين وسوست ) كان ب 4800 جم فى نفس الوقت

السوست طبعاً بتهبط العربية حسب نوع العربية

ممكن حضرتك تستخدم Koni Finder قى الموقع عشان تعرف أيه الموديلات المتوافرة لنوع عربيتك و تعرف لو هتركب الطقم كامل هيوطى أد أيه

لو فى أستفسارات تانية أنا فى الخدمة

[Sameh]

الله ينور يا أستاذ أحمد ، معلومات مفيدة

عندك حضرتك فكرة عمر المساعدين أد إيه ؟

[Ahmed Selim]

مش عارف بالظبط بس المساعدين العادية ( مش الكونى ) بتكون فى المتوسط من 100 الى 150 كم

هما هنا بيدوا عليهم ضمان 3 سنين

والكونى أو المساعدين الرياضية عموماً فى زيادة ثبات العربية مش فى طول عمرها الأفتراضى

تأمرنى يا باشا :)

[tatu_181]

الله يباركلك...معلومات ممتازة

[Sameh]

يا سيدى الف شكر كمان مرة على المعلومات الجميلة ، والأمر لله طبعا

أتعقد دى فترة عمر معقولة ، أنا كنت بسألك عشان حسيت السعر غالى شوية ، بس لو بتتكلم عن 3 أو 4 سنين يبقى السعر معقول فى سبيل تحسين الثبات

[3mr Farrag]

الف شكر يا استاذ احمد....
معلومات فعلا ممتازه...
طيب و ازاي اخلي المساعد انشف او اطري في الsport ؟؟

[Ahmed Selim]

بيجى معاه مقبض بلاستيك بيركب فى حاجة زى المسمار كده فى المساعد الأمامى من فوق وبيتلف يمين أو شمال مش فاكر بالظبط
بالنسبة للمساعد الخلفى بيبقى المسمار ده من تحت المساعد وبالتالى لازم العربية تترفع

لا ينصح نهائى بتجربة الموضوع ده بنفسك لأن لو فى مساعد أنشف من التانى يبقى فى واحد من المساعدين ممكن يبوظ وحتى لو مش هيبوظ ده هيأثر على ثبات العربية

يعنى لازم ميكانيكى فاهم هو اللى يعمل الموضوع ده

عموماً لو أشتريت من أرابكوم هيخلوك تروح تركبه عند Car Boys عشان تاخد الضمان وهما فاهمين فيه جداً وكمان بيستوردوه لحسابهم يعنى ممكن تشترى منهم على طول

[3mr Farrag]

الف شكر يا استاذ احمد علي تعبك معايا

[Ahmed Selim]

يا باشا مفيش تعب ولا حاجة.......بسيطة

لو ناوى تجيب قوللى....... أنا معايا عربية مراتى أكسنت برضه وكنت عاوز أعرف مدى الفرق عشان العربية بصراحة ثباتها فى الضياع وللأسف مراتى أتعلمت تجرى مش عارف أزاى مع أنى مبجريش خالص :Angel_anim:

[HNaga]

فعلى راحة الراكب
3- FSD ده بقى المفروض أنه بيظبط نفسه على ناشف أو طرى تلقائياً يعنى لو انت ماشى فى طريق متسفلت كويس ومفيهوش أهتزازات كتير يظبط نفسه على أنشف حاجة عشان يدى أكتر ثبات ولو ماشى على طريق مكسر بيبقى طرى عشان يمتص الصدمات بسهولة ويدى راحة للركاب . بس سمعت من الناس اللى فى أرابكوم أن النوع التالت ده مش كويس فى مصر لأن المقاييس بتاعت متسفلت كويس ولا لأ ( اللى هى بتخلى المساعد يقرر مدى نشوفيته ) المقاييس دى مختلفة عن مصر كتير عشان اللى عندنا دى مش شوارع أصلاً :)

والله ياأستاذى حسب ماقريت انا اللى جربهم شكر فيهم حتى فى الطرق السيئة بس فى أمريكا و أستراليا الا بقى اذا كانت طرقنا أسوأ من السيئة :)

[Ahmed Selim]

والله ياأستاذى حسب ماقريت انا اللى جربهم شكر فيهم حتى فى الطرق السيئة بس فى أمريكا و أستراليا الا بقى اذا كانت طرقنا أسوأ من السيئة :)

هى فعلاً كده يا باشا :)

فى الطرق القليلة السليمة عندنا المساعدين زى الفل

المشكلة بس فى المطبات الصغيرة والنُقر بيبقى المساعد ناشف جداً بس ده مش عيب مساعد ده عيب شوارع

[3mr Farrag]

يا باشا مفيش تعب ولا حاجة.......بسيطة

لو ناوى تجيب قوللى....... أنا معايا عربية مراتى أكسنت برضه وكنت عاوز أعرف مدى الفرق عشان العربية بصراحة ثباتها فى الضياع وللأسف مراتى أتعلمت تجرى مش عارف أزاى مع أنى مبجريش خالص :Angel_anim:

انا حاليا مش هينفع اغير المساعدين....
نو كاشات :)
بس ممكن اعرف فين ارابكوم علشان اسأل علي سعره
و انا كنت بفكر ابقي اجيب منرو علشان اللي اعرفه ان سعره ارخص....
اعتقد في حدود 800 جنيه بس مش منأكد....
المنرو بيبقي street الكوني برضوا street هيكون نفس الاداء ولا فيه فرق

[3mr Farrag]

طيب انا اعرف ان فيه انواع مش بتتغير يعني بس بيتغير الزيت بتاعها....
هل الانواع بتاعت دلوقتي نفس النظام ...
ولا ده زمان بس

[Ahmed Selim]

بص يا باشا
دى نمرو واحد شغال فى أرابكوم أسمه ممدوح 0101818328 كلمه وأسأل

بالنسبة للمساعدين ال street بيكونو مليانين زيت عادةً وأعتقد أن أحنا بس اللى فى مصر عندنا موضوع ملى المساعدين ده.
ال Sport بيكونو مليانين غاز على زيت أو غاز بس

أنا كان زمان عندى جوز مساعدين مونرو Heavy Duty مركبهم فى عربية BMW E30 ورا وبعدين جبت الكونى ال Sport فى نفس العربية بس كان فى فرق واضح

بس كل ده ميمنعش أن المونرو أحسن من المساعدين الأصلى و خصوصاً لو سبورت