ساعدووونى بسرعة ...عاوز أركب هيدرز...

[kingtefa]

يا جماعة على فكرة
انا برده جبت الديفيل بتاعى من المصنع و كان صوته حلو اوى
و المفاجأة اللى مكنتش مصدقها
ان الراجل قاللى احنا ممكن نعملهولك عمولة
بالشكل اللى تحبه
و إن شاء الله ناوى قريب اعمل الموضوع ده

[Nour_Peugeot]

نا شايف لو بيزود الاداء باقل صوت ممكن يبقي حلو اووووي غير كده انا شايف انه دوشا اووي

[vwgolf]

ياريت يا باشمهندس تحطلنا عنوان المصنع

[cooldjstuff]

انا امبارح كنت فى المصنع فى طنطا و قدرت اخد خصم مخصوص عشان اعضاء المنتدى و دى الاسعار الى جبتها للمنتدى
هيدرز لاى ماتور جر خلفى 550 جنيه
هيدرز لاى ماتور جر امامى 450 جنيه
علبه شكمان ديفل واحد ماسوره 300 جنيه
علبه شكمان ديفل اتنين ماسوره 400 جنيه
و العنوان شارع نحاس طنطا مصنع فاكو للشكمنات
و ده رقم تليفونى عشان لو حد عاوز يركب اى حاجه هناك يكلمنى عشان ارتبله ميعاد فى المصنع 0105144934 انا مهندس شادى ابو غالى
و على فكره الى عاوز يركب هيدرز و بالزات للمواتير الجر الخلفى لازم يكون هناك الساعه 12 الضهر بالكتير و الاجازه بتاعت المصنع يوم الحد لاكن لو تركيب ديفل بس او شكمان كامل بدون هيدرز ده ممكن فى اى وقت فى اليوم انشاله الساعه 8 باليل تكون فى طنطا
و اى حد عاوز يشوف بنفسه الهيدرز على الطبيعه و يشوف ازاى زودت الهورس باور يقدر يتصل بيا و نتقابل و اخليه يتفرج عليها فى العربيه عندى

[cooldjstuff]

فى معلومه مهمه جدا انا اسف نسيت اقولها مينفعش يركب هيدرز فى اى عربيه المنيفول بتاع الكربراتير فيها فى نفس مكان الفرن يعنى الاتنين فى جنب واحد من الماتور زى مثلا مواتير 131 الكامه الواحده لان مانيفول الكربراتير فوق فرن الشكمان
و نسيت اقول ان الاسعار الخاصه بالهيدرز دى للمواتير 4 سلندر فقط لاكن فى حاله تركيب هيدرز 6 سلندر دى هتتفقو عليها فى المصنع

[MohaMed_Refaat]

فى معلومه مهمه جدا انا اسف نسيت اقولها مينفعش يركب هيدرز فى اى عربيه المنيفول بتاع الكربراتير فيها فى نفس مكان الفرن يعنى الاتنين فى جنب واحد من الماتور زى مثلا مواتير 131 الكامه الواحده لان مانيفول الكربراتير فوق فرن الشكمان

و نسيت اقول ان الاسعار الخاصه بالهيدرز دى للمواتير 4 سلندر فقط لاكن فى حاله تركيب هيدرز 6 سلندر دى هتتفقو عليها فى المصنع

يعنى اية قصدك مانيفول الكربراتير فوق فرن الشكمان

قصدك الرزبراتير فوق الفرن ولا اية ارجو التوضيح ؟؟؟

[cooldjstuff]

يعنى اية قصدك مانيفول الكربراتير فوق فرن الشكمان

قصدك الرزبراتير فوق الفرن ولا اية ارجو التوضيح ؟؟؟

اه بالظبط كده يعنى الكربراتير و الشكمان فى نفس الجنب بتاع الماتور مش كل واحد فى نحيه

[MohaMed_Refaat]

اللى بيطلع صوت عالى اوى دة بيبقى معمول تحت بير السلم و اى كلام... الديفل صناعة نضيفة

الزيادة فى الاداء بتاع العربية بيكون حوالى 10% من قوة الموتور حسب ما بيتقال و معتقدش دة يفرق فى الفحص

MMamdouh

معقولة فى حاجة مش تبع العربية يعنى مش ستاندر فيها مش بتفرق فى الفحص ؟!!!!!!!!!!!!!!!!! ازاى دول **** المررور عايزين العربية كما ولدت. ( اول مرة اسمع حاجة زى كدة ؟؟؟؟)

تنبية للعضو لاستخدامة الفاظ غير لائقة

مشرف القسم

[MMamdouh]

الفحص ملوش دعوة بالقصة دى

MMamdouh

[MohaMed_Refaat]

الكلمة اللى انا بستخدمها دية موش عيب يا مشرف القسم وانا مش بتاع الالفاظ الخارجة وعموما مدام زعلتك اوى كدة انا اسف ياسيدى بس انا متاااااااااااااااااااااااااااااااااااااااااااااااا اااااااااااااااااااكد مليون فى المية انها موش عيب الدليل على كدة انها كانت بتستخدم فى الجرايد والتلفزيونات انا مرة كنت شارى جرانان الزمالك وكان الزمالك هازم الاهلى فكان المانشيت فى الصفحة الاولى وبالبونت العريض احنا هزمنا ....... الكلمة اللى زعلتك واسال واتاكد ورد عليا .

[MohaMed_Refaat]

معقولة فى حاجة مش تبع العربية يعنى مش ستاندر فيها مش بتفرق فى الفحص ؟!!!!!!!!!!!!!!!!! ازاى دول **** المررور عايزين العربية كما ولدت. ( اول مرة اسمع حاجة زى كدة ؟؟؟؟)

تنبية للعضو لاستخدامة الفاظ غير لائقة

مشرف القسم

الكلمة اللى انت قصدها كلمة تانية خالص اسبلها مختلف فى الحرف الاخير ودى انا لم اذكرها نهائيا .

[amirsayed]

انا شايف يا باشمهندس شادى ان الاسعار اللى حضرتك جايبها مش مغريه للدرجه اللى كان كلامك فى الاول يوحى بها ان الواحد يروح لحد طنطا
هو ده تقريبا رنج اسعار محمد بتاع عين شمس
والاختلاف فى الرأى لا يفسد للود قضيه

[cooldjstuff]

ممكن تكون الاسعار من وجهه نظرك مش مغريه لانه مشفتش جوده الشغل بنفسك و على فكره طنطا مش بعيده دى اقل من 90 كيلو و بالنسبه لوحد عاوز يعدل فى عربيتو و يزود من قدرتها مشوار زى ده بالنسبالو احسن من انه يروح من الهرم لمدينه نصر مثلا
انا يا جماعه قصدت انى اقدم خدمه لاعضاء المنتدى و الى شايف انها كده متعتبرش خدمه و انه ممكن يعمل الحجات دى فى عين شمس او فى الحرافيين يتفضل يعمل فى المكان الى يحبو و على فكره المطراوى نفسه بياخد علب شكمانات من المصنع ده و يبعها باسمه
عموما انا كده عملت الى عليا و الاختيار ليكو انتو

[MohaMed_Refaat]

الف شكر يا باشا على مجهودك العظيم والرائع فى توصيل المعلومات والتجاؤب لينا وهو دة الهدف الحقيقى والسامى من المنتدى الرائع نايل موتورز وكل واحد حر فى اخذ المعلومة واتركها او انتقاء ما يحتاج الية والف شكر مرة تانية على مجهودك

[amirsayed]

يا باشمهندس انا مقدر انك عايز تخدم و بس والله
بس اللى قصدى عليه انك قلت فى مشاركه ليك انك عملت الهيدر بمبلغ اقل من تافه لكن السعر اللى حضرتك جايبه من المصنع مش اقل من تافه ولا حاجه
السعر ده تقريبا زى اللى بيتعمل عند واحد مشهود ليه بالكفاءه لو مكانش الافضل فى الحته دى
حبيت اوضح وجهة نظرى ليس إلا