اسعار الاسبويلر العالي؟؟

[أسامه طياره]

عاوز اعرف اسعار الاسبويلر العالي عشان لقيت استهبال في الاسعار انا من 6 أكتوبر ولقيت سعر الاسبويلر في رينج ال 700 جنيه !!!!!!!!!! ... عاوز حد يقولي اسعار افضل وياريت لو حد يقولي حد بتاع كماليات في اكتوبر او الهرم اسعاره كويسه .... ولو حد بردو عنده اسبويلر عالي مستعمل بس كويس وشكله مش متهان يقولي وهخلص فيه ان شاء الله

[lanos2004]

ياريت حد يرد

[saddam]

صديقي المواطن
السبويلرات الفيبر التفصيل حاجة مميزة وسيبك من الفشل الجاهز أقسم بالله مرة كان عندي عربية في الخليج جبت نحات عمل لي سبويلر ضخم جدا لما بعت العربية ونزلت مصر حلفت مهو متباع مع العربية وفكيته ورحت لبتاع شنط وتند كده خليته يفصل ليه شنطة وسحاب على شكل السبويلر وطلعته معايه الطياره وجبته مصر وكان أبيض ورشيته إسود وركبته في عربية سودة رحت الحرفيين عشان أعمل عليه نفس الشكل لكل عربياتي فقال لي لازم أفكه وأعمل عليه إسطمبة طبعا خفت يعمل عليه إسطمبة ويوزعه لعامة الشعب ويروح مجهودي وتصميمي بلاش فسبته بعد شوية جاني وقأل لي 5 آلاف جنيه وتسيبه ومرضتش والكلام ده من سنتين تقريبا
خلاصة القول فصل أحسنلك ولما تبيع العربية فكو معاك وركبو في عربيتك الجديدة بعد مترشو ودمتم للنضال وبالمناسبة فيه سبويلرات جاهزة في الحرفيين عند بتوع الفيبر نفي وركب ولو عايز جاهز روح شارع دمشق بس مش حتلاقي حاجة حلوة

[أسامه طياره]

شكرا ليك ياباشا زهعمل بنصيحتك ان شاء الله :)

[Amro_ON]

صديقي المواطن
السبويلرات الفيبر التفصيل حاجة مميزة وسيبك من الفشل الجاهز أقسم بالله مرة كان عندي عربية في الخليج جبت نحات عمل لي سبويلر ضخم جدا لما بعت العربية ونزلت مصر حلفت مهو متباع مع العربية وفكيته ورحت لبتاع شنط وتند كده خليته يفصل ليه شنطة وسحاب على شكل السبويلر وطلعته معايه الطياره وجبته مصر وكان أبيض ورشيته إسود وركبته في عربية سودة رحت الحرفيين عشان أعمل عليه نفس الشكل لكل عربياتي فقال لي لازم أفكه وأعمل عليه إسطمبة طبعا خفت يعمل عليه إسطمبة ويوزعه لعامة الشعب ويروح مجهودي وتصميمي بلاش فسبته بعد شوية جاني وقأل لي 5 آلاف جنيه وتسيبه ومرضتش والكلام ده من سنتين تقريبا
خلاصة القول فصل أحسنلك ولما تبيع العربية فكو معاك وركبو في عربيتك الجديدة بعد مترشو ودمتم للنضال وبالمناسبة فيه سبويلرات جاهزة في الحرفيين عند بتوع الفيبر نفي وركب ولو عايز جاهز روح شارع دمشق بس مش حتلاقي حاجة حلوة

تمام معاك...بس يفصل فين؟

[mohamed_e]

انا معايه سبويلر صناعتي ببيعو بالاسكندريه وممكن اعملك الشكل اللي انته عايزر اتفرج عليه علي اللينك ده http://www.youtube.com/watch?v=1ks9AUEYPx8
ت/01143515203

[ahmedzizo131]

بسم الله الرحمن الرحيم
السعر كام بعد اذنك
من باب العلم بالشيء